Daniel 2:1 - Wëël Jwøk

¹ 'Ba kanya tïme na ri riet cwiiri moa beet Nabukedenecörri ni ena nyeya, ena lägö ki lääk, ni ö wïïe ni kier ree, ni dhäth nyeŋŋe ki gämmö.

Daniel 2:1 Iomraidhean Croise

Acther 6:1

'Ba yi wäär manøgø, nyeya nyeŋŋe kär gämmö; køøre ena put jääk baŋ Wëël Waac Nyeye man wø maa luup yie; ni käli ni kwaani jïre.

Jeremaya 25:1

'Ba kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, yi cwiir mana dïkwøŋ na beet Nabukedenecörri ni ena nyeny Babiløn, dwør Wuuö Jwøk aö bääta, a na Jeremaya, kiper jø Juuda bëët;

Daniel 2:3

nyeya aköö jïge, ni «Aana lägö ki lääk, ni ö wïïa ni kier ree ki man ŋääa tier lääk.»

Daniel 4:2

Aani yia met ki man caana nyuuthe jïïu ki gïïa näk rëëma ec na tïïc Jwøki dëëra, Jwøa Dwøŋ ni en Maal.

Daniel 4:5

aana lägö ki lääk, ni put aani tïïc naa lwäär. Kït gïïa jooda kanya bëëda naa ena bäät pëëm niine, ki gïïa nyooth ki yi wïïa, aana tïïcge naa lwäär.

Daniel 5:9

'Ba nyeya ma Belthacör cwïnye abëëdö ni pärö døc, ni ö täärnyïme ni put niduk døc, ni ö jø kööre moe ni put yïthge nithay.

Daniel 6:18

Køøre nyeya adøø paan dwøŋ mare, ni thöör wäär bäre ni bäŋ gïn mo ee camø, ni bäŋ gïn mïn yie ki gø mo okäl baŋe, ni käre løny jïre ki man bute.

Daniel 7:1

Yi cwiir mana dïkwøŋ mana tïm Belthacörri ni ena nyeny Babiløn, Daniel alägö ki lääk ni jïte ki gïï mo onyoodhø jïre ki yi wïïe kanya bëëde ni ena bäät pëëm niine mare. Køøre eni lääk agöör piny, ni caan gø na ennø nø.

Daniel 7:15

«'Ba a na Daniel en, aana bëëdö ni jwïëy 'moa kïmmö, ni bëët gïïa nyooth jïra ki yi wïïa ni tuuŋŋa cwïnya.