Daniel 12:3 - Wëël Jwøk

³ 'Ba jiy moa wïthge leer ge rieny ni caala tar mar maal. Ni ö jø wø bwøth jiy mo thööth jöör bëënynyö ni rienyge kaamar ceer na bäre bäre.

Daniel 12:3 Iomraidhean Croise

Bwøth Wøk 34:35

jø Icriel täärnyïm Modhe wø jootge joodø no orieny. Ni ö Modhe ni dwøk abïï täärnyïme këël mano cäŋ ci nyïm Wuuö Jwøk nee cääne ki gø.

Pwöc Leec Wïc 11:30

Nyïëdi mo wø joot jøøa marge beer ki køør tïïe moge, beeye jaath kwøw, ni ŋat mo wïïe leer wø jïtö ki jiy mo thööth.

Pwöc Leec Wïc 3:35

Jøøa wïthge leer wödö oci jïge, 'ba jøøa wïthge känni, geno bëëdö ki lään wïc.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Luup Dïpööy 12:9

Dïpööy kär ŋuudö ki man bëëde ni leerra wïïe keere, 'ba eni, jiy apwönynye thuwø ki luup leec wïc, ni cäde ni määnye ni jiiŋ pwöc leec wïc mo thööth.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Jeremaya 23:22

'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Daniel 11:33

«'Ba dïbwöthe moa wïthge leer, ge cïpö ki pwöc jï jiy mo thööth. 'Ba geni, ge di nääö ri leny, ni waaŋ møøk ki maac, ni mak møøk ki tøŋ, ni twier møøk ki kany mo bäär mëëth.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 12:10

Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Mathiew 13:43

'Ba kar kaaca, jøw onäk marge beer, orieny ni caala cäŋ yi buc Wääge ni en maal. Ŋat mo jïre da ïdhi, beerra man cek ïthe.

Mathiew 19:28

Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Mathiew 24:45

«?Na a laŋŋø mane nø, ni wïïe leer mo maar ka ŋääth, ni cuumi kwääye bäät laaŋe mo wø tïïö bëët paare, nee cam marge nee wø mëëk ge kany wø näk ma kare?

Jøøn 4:36

Ŋat wø kää wø jïtö ki jammi, ni cooŋ moa no ociek kiper kwøw mana näk adïëri na bäŋ cuŋŋe, kiper nee dïpïïdhi ki dïkääy tïmge ni yïthge met bëët.

Jøøn 5:35

Jøøn na bëëde caala lamba mo onyebø ni liel, ni yïthu met ki man bëëdu yi taye dïciel.

Moa Tïïc Nyïïatwieli 13:1

'Ba kanyøgø ya acooŋ Jwøk mana en Antïëk da nyïïkuk Jwøk ki dïpööye, ni beege Barnaba ki Cimien ni wø cwøl ni Najer, ki Lucia ŋat ma nyï Cayriin, ki Manien na piith po kwäärö ma Eerat, ki Cøøl.

1 Körin 3:10

'Ba ki køør met yi Jwøk na wëëk aani, tier øtø acaaa keda man wø tïïc kwääc geerri mo ŋäc geer døøc, ni ö dhaanhe maya ni gëët bäät gø. 'Ba ŋati man wïïe wär caare ki geer man gëët bääte nidïï.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

Ibaru 5:12

Uuni, doo naa uuna dïpööye ennø, 'ba u poot manynya ŋat mør mo cäŋ u pwönynyö ki luup mo wø kwøŋ tägö ki geni ri luup Jwøk. Uuni, u manynya caak, ni paa kwön mo teek.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»

Pïëmme 5:31

«Wui Wuuö Jwøk, beerra man ö nyïïmännï ni thøwge bëët kaawat mana thøw Cicara ki jø leny moe; 'ba jøøa mëër ki ïïni, beerra man tïmge ni caala cäŋ kany wø tuule ki teek mare.» Køøre piny aput nikwöc ni bäŋ lenye ki cwiiri ma pïëraŋween.