Daniel 12:10 - Wëël Jwøk

¹⁰ Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Daniel 12:10 Iomraidhean Croise

Pwöc Leec Wïc 1:5

Beerra man ö ŋata wïïe leerri ni cek ïthe ki geni, ni meet geni bäät mana kwanye, ni ö eni ni wø joot tiet luup ni kwänynye ki pwöc.

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Edhikiel 36:25

Aani, dëëtu jøra jørø ki pïï mo tøŋ ni tïmu nou waany; aani, u penya penyø yïth japa reyø bëët na enu yïthge, ki yïth kït gïï wø lammu bëët.

Edhikiel 47:11

'Ba kwöra thec, ki pulli, tïmö ni ba døø karge ni met, kiper ge bëëdö na kany joot acäbö yïthge.

Daniel 11:33

«'Ba dïbwöthe moa wïthge leer, ge cïpö ki pwöc jï jiy mo thööth. 'Ba geni, ge di nääö ri leny, ni waaŋ møøk ki maac, ni mak møøk ki tøŋ, ni twier møøk ki kany mo bäär mëëth.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 12:3

'Ba jiy moa wïthge leer ge rieny ni caala tar mar maal. Ni ö jø wø bwøth jiy mo thööth jöör bëënynyö ni rienyge kaamar ceer na bäre bäre.

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Milkiya 3:3

'Ba eni, eno bëëdö ni caala ŋato leeny gwel-bïrö ni twøn gø; ni ö eni ni tïïc nyïïkwaac Libay ni waany, keda man wø twøn warkey wala gwel-bïrö, ni twøn ka maac, kiper nee ge cïpge ki muuce jïra, aa na Wuuö Jwøk, ni cwïnyge leer.

Maak 4:11

Ni kööe jïge, «Beeye uuni na wëëk luumma näk tiere okwøŋ kan kiper buc Jwøk. 'Ba ki jï jøøa en wøk, jammi bëët caan kaamar leere,

Luk 24:25

Kanyøgø Jecu aköö jïge, «U ni bäŋ wïdhi en, ni cwïnynyu teek ki man jïëyu moa car nyïïkuk Jwøki bëët!

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Jøøn 8:47

'Ba ŋat wø näk dhaanh Jwøk, wø wïnynya luup Jwøk. 'Ba kiper na ba nägu mo Jwøk, beeye ni ba wïnynyu luupe.»

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Körin 7:1

'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 12:10

Kiper wëëgø øøna pwönyge ki kany mo thiinh kaawat mana manyge, 'ba Jwøk ø wø pwönynye kaper nøø bëënynyø, nøø tïmø ni ø ena kur keerø na mo Jwøk ki eni na aciel.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Mana Nyooth 16:11

Ni janyge Jwø maal kiper dëëtge na rämö ka atwøt. Ni kärge cwïnyge løø yïth gïïa tïïcge.

Mana Nyooth 19:14

Ni ö jø lenynyi mo maal na käär abïïe mo pøøth, mo tar ni tøŋ, ni caathge køøre ni ena bäät okwëënyi mo tar.

Mana Nyooth 19:8

Ni ena wëëk man kïth dëëre ka abïï mo pøøth, mo tar ni tøŋ.» 'Ba abïïnögø ni pøøth enø beeye gïïa beyø na tïïc jø Jwøki.

Mana Nyooth 22:11

Wec ŋat wø tïïc raay nee bëëde ni tïïya raay, ni ö ŋat wø bëën rääö ni bëëde ni tïïya gø, ni ö ŋat wø beer ni bëëde ni tïïya gïno beer, ni ö ŋat wø en kur keere na mar Jwøk ni bëëde ni ena kur keere na mar Jwøk.»

Mana Nyooth 3:18

'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.

1 Camiel 24:13

'Ba kaawat mana caani ya jø acääŋŋe, ni køp, ni ‹Gïn mo raac käla cwïny ŋata raac,› aani, teeŋ acaara manøgø bäŋgø cwïnya; cera ba kïtha dëërï.