Daniel 12:1 - Wëël Jwøk

¹ «'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Daniel 12:1 Iomraidhean Croise

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 9:7

'Ba bura mare ki bëët-mëër mare cäätha maal ni ba cuŋ, ni pï piny bäät wäl Deebit ki buc nyec mar gø, ni mak gø ni ee jølø ni teek ki ŋøl ma adïëri ki bëët bëënynyö, ki mano täge ennø këël bäre bäre. 'Ba Wuuö Jwøk, eni na wïth jammi bëët, gïnögø tïïe tïïö nee thur kare ki këëyö mare.

Jeremaya 30:10

« ‹Wui, jø Icriel, u na nyïïkwaac dhaanhnha ma Jeekap, « ‹käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Edhikiel 13:9

Aani cera tïŋa maal bäät jø wø tïïc rege na nyïïkuk Jwøk ni jääla geni, jø wø cäänö ki luup tööt ni da gïï mo onyoodhø jïge, ni marge adïëda jaak. Geni, ge tïïa tïïö ni bäŋ karge yïthakic jaae 'moa, ni ba göör nyeŋge piny yi wëël nyeŋ mar jø dhi øt Icriel, ni ba døøge yi ŋööm Icriel na bäre bäre. Køøre nø, ŋäyu ŋääö ni beeye aani na Kwäärö Wuuö Jwøk.

Edhikiel 34:24

'Ba a na Wuuö Jwøk, aano bëëdö na Jwøk marge, ni ö dhaanhnha ma Deebit ni tïme na ŋat bwøth geni. Luummögø caana aani, a na Wuuö Jwøk.

Edhikiel 5:9

'Ba kiper kït gïï wø lamï bëët na näk yia raac ki ge, gïn mo poot kära tïïö cøøn mo ba cäŋa tïïyö këët tïïa tïïö dëërï.

Daniel 10:13

'Ba nyïïatwiel maal man wø koor buc nyec mar Parca, dëëre athïïŋe dëëra ki nïne ma pïërariiø ka aciel. Køøre Mikaël, eni na kwäärö aciel dï kwääc nyïïatwiet maal, aö kuna køny aani, kiper aano maa piny kaace buut nyeny Parca.

Daniel 10:21

'Ba këël na näk enø nø, aani gïna näk ogöörö yi Wëël Adïëri caana caanø jïrï. 'Ba bäŋ ŋat mo cwak aani ki geni, ni näk mo paa Mikaël, eni na nyïïatwiel maal man wø koor jø Icriel.

Daniel 11:45

Ni cwöth oduŋkaare mo nyec moe piny yïthakic naama dwøŋ ki Kïn Jwøk na mïërö na en kur keere. 'Ba eni poot thøw, ni bäŋ ŋat mo køny eni.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Daniel 9:12

Ïïni luummï mana caanï dëëtwa ki dëët dïbwöthe mowa, mo wø käär waani, awëëgï thur kare ki man kännï bäätwa ki gïn mo leth mo dwøŋ; kiper ki yi piny bäre poot bäŋ teeŋ gïn mo otïïö mo caala teeŋ gïna tïïc dëër Jerucalem.

Jool 2:2

Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Milkiya 3:16

Køøre jøøa lwäär Wuuö Jwøk gena cäänö yïthakicge keerge, ni ö Wuuö Jwøki ni cek ïthe ni wïny marge. Ni ö wëëlö ni gööri nyïme kiper jøøa lwäär eni na wøør nyeŋŋe, nee bëëtge ni ge di lääŋŋö.

Mathiew 24:21

Kiper kar kaaca piny ojïti ki teeŋ gïï mo leth døc, mo kär kwøŋ tägö ki mana täge ki kanya cwääc piny këël kawaane en, ni bäŋ teeŋe mo cäŋ tägö këët na bäre bäre.

Maak 13:19

'Ba yïth nïrögø, piny ojïti ki teeŋ gïï mo leth mo kär kwøŋ öö këël kanya cak piny mana cwääc Jwøki, gøøc kawaane, ni bäŋgø mo cäŋ tägö këët na bäre bäre.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Wëëlö Mana Göör Pøølli Baŋ Jø Röm 11:15

?'Ba ni näk kwier marge na kwier geni ki gø beeye na cäŋ piny dwøk kanya ciel ki Jwøk, a kanyo jïëc geni, ba put tïmö ni beeye kwøwa eni køør thøø?

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Epeca 1:21

Ni dwøŋŋa eni dï moa näk ocuumö bëët, ki teeŋ teek bëët ki rööny, ni lïëŋŋa nyeŋŋe dï nyeŋ moa näk ocaa bëët, ni patha yi piny man keere, 'ba këël yi piny mano ööi thuwø.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

Juut 1:9

'Ba këël kwääy nyïïatwiet maal na näk Maykal, kanya pïëmge ka anägö ni ge caana gïr dëër Modhe, eni wïïe käre caarø ki man jääl anägö ki dhøk mo raac, 'ba ena köö, ni «Ïïno jook Wuue.»

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 12:7

Kanyøgø leny atägö maal. Maykal ki nyïïatwiet maal moe akëëdö ki thwöl, ni ö thwörögø ki nyïïatwiete ni këëtge ki ge.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.