Daniel 11:6 - Wëël Jwøk

⁶ 'Ba noo tïme na køør cwiiri møøk, nyeya mar jï løø Tier-Piny ki nyeya mar jï løø Wï-Piny dhøkge kuurge kuurö, ki køør mano ö nyeya mar jï løø Tier-Piny noo biel nyaare jï nyeya mar jï løø Wï-Piny ni marge tudö ki luum mëër. 'Ba nyaanøgø mëër mano tuut ki køøre ba thur kare, ni cwøre ki teek mare ba ruu. 'Ba nyaanøgø di nääö, ki cwøre, ki nyilaal mare, ki ŋato caam eni yïth nïne moøke.

Daniel 11:6 Iomraidhean Croise

Jööp 38:15

Jø wø tïïc gïïa reyø tar marge abïp, ni ö ceŋ moge moa dege tïŋ maal kiper tïïc gïï mo reyø ni tøcge.

Edhikiel 30:21

«Wär dhaanhø, aani teek bat mar Peerø nyeny Ijep araanynya. Ena ränynyö ki ränynyö mo ba løny ki køny këët ki man døø teeki mare kare no opëëllö maae.

Daniel 11:13

Kiper nyeny jï løø Wï-Piny cäŋa määnyö ki lwaa leny mør mo pälla eni ki mana dïkwøŋ. 'Ba kanyo tïme na køør cwiiri møøk, eni öö ki lwaa leny mo päl, mo dëëtge päŋ ki jap leny.

Daniel 11:15

Køøre nyeny jï løø Wï-Piny öö ni thør dëër kiir ki ŋääe ni thøra gø maal, ni mak kiir mo ogeerø ni teek. 'Ba lwaa leny mar jï løø Tier-Piny ba cuŋŋi, këël lwaa leny mana no ojierø. Kiper tïmö ni bäŋ teek jïge ki man cuŋge.

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 11:7

«'Ba dhaanhø aciel røk tuuŋ nyaanøgø dëëre di thïïŋö na nyeya mar jï løø Tier-Piny ni tuk lwaa leny mo nyeny Wï-Piny ni døny kar gwøk røk mar gø. Eni këëdö ki geni ni bööde.

Dhekaraya 11:16

Kiper aani a tïŋŋa maal yi ŋöömö man ki dïkwääy dïëk mo ba cädö kiper dïëk moa no orwäänyö, wala ki man many moa therø, wala ki man køny moa näk rege da ŋwiili, wala ki man caam moa dëëtge jööt; 'ba eno bëëdö ni cämö ki rïŋ dïëk moa no ojierø, ni cääny okiei moge wøk.