Daniel 11:45 - Wëël Jwøk

⁴⁵ Ni cwöth oduŋkaare mo nyec moe piny yïthakic naama dwøŋ ki Kïn Jwøk na mïërö na en kur keere. 'Ba eni poot thøw, ni bäŋ ŋat mo køny eni.

Daniel 11:45 Iomraidhean Croise

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 14:13

'Ba ïïni, ïïna köö ki yi cwïnyï, ni ‹Aani, a etha maal, ni tïïa wälu mara ni ena ŋäth ceer mo Jwøk, ni pïïa piny bäät kïn wø cooŋ røk bääte, naa ena kanya en maal kuya wï-piny.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Aydheea 27:13

Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 65:25

Orudö ki nyi røømmø geno cämö na aciel, ni ö ŋuuwi ni cäme ki luum kaamar dhieŋ, ni tïm tørri na cam mar thwöl. Ni put tïmö ni bäŋ gïn mo raac wala mo räänyö bäät kïnna na en kur keere.» Luummögø caana Wuuö Jwøki.

Aydheea 66:20

Køøre jiy bëët moa bëëdö kaamar nyïïmëëgu ki køør ŋäädhe, okälge ki baŋ wïth juurre bëët, ni kälge ge jïra, a na Wuuö Jwøk, kaamar muuce mo beel. Geno ööi ki ge ni käärge ka bäät okwëënyi, ki yïth jïëth okwëënyi, ki yïth pëëmme, ki bäät gääŋŋe, ki bäät athïrööle, ni kïthge ge bäät kïdi mara na en kur keere na näk Jerucalem, ni caala man wø ö jø Icrielli wø kälge muuce moge mo beel ni käärge ka yïth jammi mo tøŋ ni ge kïtha ge yi Øt Wuuö Jwøk.

Edhikiel 39:2

Ïïno dwøga køørï ni tuuda ïïni. Ïïno käla ki paana kare bäär na en jï løø wï-piny kuya, ni tïïa ïïni nee kïte mo Icriel tugï.

Daniel 11:16

'Ba ŋato tuk paac tïmö ni tïïya mano met yie ki gø, ni bäŋ ŋat mo løny jïre ki man cuŋŋe ki gø. Eni tiere këëlle piny yi ŋööm wø cwøl ni Mïërö, ni cere da teek man raany paac ki gø.

Daniel 11:41

Ni ö eni thuwø ni tuk ŋööm wø cwøl ni Mïërö. Ni ö mïëri mo thööth ni päthge; 'ba Ëdöm, ki Möap, ki jøøa näk wïth jø Amön, ge di piemø dhi cere.

Daniel 11:44

'Ba eni cwïnye otïmö ni pärö ki waac moo wïnyi ki jï løø kur tuul-cäŋ, ki jï løø wï-piny, ni cøøe ki wëër mo dwøŋ ki man raany jiy mo thööth ni dïïra wïthge.

Daniel 2:35

Ni ö nywïënyö, ko odhöönh, ki jwïël, ki gwel-bïrö, ki warkey ni putge petø na thäŋi yie aciel, ni tïmge kaamar lethø mo ena yi laara ri jam arïïa, ni køøli ya jame, ni bäŋgø mo odööŋ rege. 'Ba thääŋ kïdi mana päth bäät gïnögø no otïïö na kït dhaanhø enø, aput tïmö na kïdi mo dwøŋ ni pääŋ piny bäre.

Daniel 7:26

« ‹'Ba kwääc løøk kanyo pï piny kiper ŋøl luup, teek mar nyenynyøgø di lwørø ni raanynyi na bäre bäre.

Daniel 8:25

'Ba ki jöör riek waŋe, cwøk otïïe ni thur kare jïre; ni døøc dëëre mo dwøŋ ki yi cwïnye, ni kanyo bëët jiyi ni bëëtö marge wøp jaak, wïth jiy mo thööth raanynye raanynyø, ni thïïŋ ree dëër Kwääc kwääri. 'Ba eni petø ni bäŋ cer dhaanhø ree.

Daniel 9:16

Wui Kwäärö Wuuö Jwøk, ki køør tïïe moï bëët na näk mo bëënynyö, ennø beerra man paanyï wëër marï bäät pääny marï ma Jerucalem, ni wø en bäät kïnna en kur keere; kiper Jerucalem ki jiy moï atïmö na gïr ajøøŋ jï jiy bëët moa en deŋwa ki køør gïïa bacwa ki raay mo kwäcwa.

Daniel 9:20

'Ba kanya bëëda naa cäänö naa lämö naa køpa raay 'moa ki mo jø powa ma jø Icriel, naa peedha kwac mara nyïm Wuuö Jwøk, Jwøk mara, kiper thuur mar Øt Jwøk na en kur keere,

Jool 2:20

Aani, lwaa bäänyö mana käl jï løø wï-piny enø, riema kany mo bäär ki uuni, ni riema gø yi ŋöömö mo lïëth ma tëën, ni ö moa bwödhö maal ni køøla geni yi Naam Acäbö jï løø kur tuul-cäŋ, ni ö moa en ŋää cään ni køøla geni yi naama dwøŋ na en jï løø kur pänh-cäŋ, ni ö ŋwääö marge na tïk ni keel piny, ni ö kwääö marge ni cääth maal, kiper ka adïëri møn, gena tïïö ki gïn mo teek.»

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Dhekaraya 14:8

'Ba dïcäŋöca pï kwøw okwön wøk ki yi Jerucalem, ni ö thääŋö mar pïïögø ni jööt yi naama dwøŋ jï løø kur tuul-cäŋ, ni ö thääŋŋe maya ni jööt yi naama dwøŋ na en jï løø kur pänh-cäŋ; ni manøgø tägi ka yi cwiir ki öörö bäre.

Kwään Jiy 34:5

Køøre odøø bäät cwïïc mëëth, ni päth yi waŋ Ijep, ni ŋuude yi naama dwøŋ.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Mana Nyooth 20:2

Ni mak thwörögø, thwöra nut ya acääŋŋe cøøn na näk anägö, ni näk Ceethan, ni twöc gø ki cwiiri ma kuma aciel,

Mana Nyooth 20:9

Ni öge ki yi piny bäre ni rumge twïër jø Jwøk dïër, ki paana mëërö ki gø. 'Ba maac aöö ki maal, ni dïïr wïthge.