Daniel 11:40 - Wëël Jwøk

⁴⁰ «'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 11:40 Iomraidhean Croise

Aydheea 21:1

'Ba luumma nyooth Wuuö Jwøki kiper paaba näk tëën na en buut naama dwøŋ bee en: Kaawat man wø ö atuunna wø jwiec paana en jï løø tier-piny, da gïn mo räänyö mo öö ki dï paaba näk tëën, ni beeye yi ŋöömma näk di lwäärö.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Edhikiel 38:4

Ïïno dwøga køørï, ni gäna ïïni ko obïth ki tiet nyämme moï, ni tuuda ïïni wøk ki jø leny moï na thööth, ko okwëëc lääy moï, ki jø leny moï mo wø këëdi ki bäät okwëënyi, ni beege jiy bëët moa näk oruyö ki kööt leny, ni beege jø wø këëdi ki kööt leny moa therø ki moa døøŋŋø, ni ge käädö ko opëëlle.

Edhikiel 38:9

'Ba ïïni ki jø leny moï bëët, ki wïth juurre mo thööth, uuno ö wøk kaamar atuunna, ni tïmu kaamar pöölö, ni putu ŋöömö uum.›

Daniel 11:10

«Køøre wääte dëëtge jiiŋge jiiŋŋø kiper leny, ni cooŋge wïth lwaa lenye mo thööth, ni ö dhaanhe acielli dïge ni baap geni kaamar jwïëö ni pöödhe ki leny këël mano pïïe kar gwøk røk mar ŋatøce.

Daniel 11:11

'Ba nyeny jï løø Tier-Piny cwïnye jïtö ki wëër mo dwøŋ, ni cøøe ni këëde ki nyeny jï løø Wï-Piny, ŋato cooŋ lwaa leny mo dwøŋ. 'Ba lwaa leny manøgø poot cïba cer ŋata këëtge ki gø.

Daniel 11:13

Kiper nyeny jï løø Wï-Piny cäŋa määnyö ki lwaa leny mør mo pälla eni ki mana dïkwøŋ. 'Ba kanyo tïme na køør cwiiri møøk, eni öö ki lwaa leny mo päl, mo dëëtge päŋ ki jap leny.

Daniel 11:22

Ni ö lwaa leny mo piny ee baabø ni gwaar ge nyïme kaamar jwïëö, ni raany geni, këël Kwääy Lam Mana Dwøŋ mar Jwøk.

Daniel 11:25

«'Ba eni cwïnye di mooø ki cer, ni cøm cwïnye, ni cøøe ki lwaa leny mo päl ki man këëde ki nyeny jï løø Tier-Piny. 'Ba nyeny jï løø Tier-Piny tøŋ di tïŋö ki lwaa leny mo päl mo teek døc. 'Ba eni ba løny ki man cuŋŋe, kiper acaay aranya onø cïp piny kipere.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 11:39

Ni ö eni ni tuk kwör gwøk røk moa teek ki køør køny mar jwøk mo path, ni ö eni ni wøør jø wø jïëc mare, ni tïïc geni na kwääri bäät jiy mo thööth, ni pääŋ ŋøøm jïge na gïr mïn ec.

Daniel 11:7

«'Ba dhaanhø aciel røk tuuŋ nyaanøgø dëëre di thïïŋö na nyeya mar jï løø Tier-Piny ni tuk lwaa leny mo nyeny Wï-Piny ni døny kar gwøk røk mar gø. Eni këëdö ki geni ni bööde.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 12:9

Ni løk gø, ni «Daniel, aayï ki jöörï. Kiper luup moøgø ocïëgö no omwönö këël kanyo tïme na aŋuun nïne.

Daniel 8:17

'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Abakuk 3:14

Ïïni, tøŋ mar kwääc lwaa leny adwøgï dëëre, kanya öge kaamar apwøyaweerø nee wa keethge, ni met ec marge caala mar jø wø caar jøøa can ki piny.

Dhekaraya 9:14

Kar kaace Wuuö Jwøk ree onyoodhe bäät jiye ki man køny geni, na atheerø mare nadaaŋ kaamar agaackøth. Kwäärö Wuuö Jwøk tuuŋ okoodhe, ni wëëk atuunna kwönnö ni teek ki jï løø tier-piny.

Mana Nyooth 16:12

Ni ö bïcier nyïïatwiet maalli ni køny kuura mare bäät Naam Upareeti na dwøŋ, ni ö pïïe ni talge, ni jiiŋŋa jöör nyeye moo ööi ki jï løø kur tuul-cäŋ.

Mana Nyooth 9:16

'Ba kwään jø leny mo wø cäädhi ki bäät okwëënyi thööth døc, ni beege miilïënni ma dïpe ariiø. Ni wïnynya kwäänge.