Daniel 11:4 - Wëël Jwøk

⁴ 'Ba kanyo thïïŋ dëëre ennø, akwöm nyec mare di petø ni pääŋŋi na kwöre aŋween, no odïëdö ki but piny, ni ba ci jï jø okäl dëëre, ni jø oci teeki jïge, teek marge tïmö ni ba caal teek mana en jïre dïkwøŋ. Kiper akwöm nyec mare cööda wøk ni mëëgi jø møøk ni paa jø okäl dëëre.

Daniel 11:4 Iomraidhean Croise

Luup Dïpööy 4:8

Da dhaanhø mo bëëdö eni keere ni bäŋ wääde ni bäŋ coki. 'Ba eni bëëdö ni dëëre ee öölö ki tïïc mo teek mo bäŋ cuŋŋe. Ni eni bëëdö ni waŋe poot ba jäŋ ki jap kwär, ni dëëre ba pëënynye ki man kööe, na «?Aŋa ni ööla dëëra kipere en, ni bëëda naa tïïya tïïc man ni teek en ni dëëra yaa mänö ki man tïïa yia ni met?» Manøgø thuwø poot na gïn mo bäŋ tiere ni beeye tïïc ma tïï rääm.

Jeremaya 12:15

'Ba kanyo nø bëët juurre moøgø nø ni ge yaa cööt wøk, cwïnya ocäŋ pädhö kiperge, ni dwøga geni yïth ŋøøpge, ni jøøi nø døøa yi ŋöömö marge.

Jeremaya 12:17

'Ba ni näk mo da paac mo ba wïny mara, paanøca cööda wøk ni raanynya gø.» Luummögø caana Wuuö Jwøki.

Jeremaya 18:7

Ki nyi kany mo thiinh løny jïra ki man cääna kiper wï jur ka akwöm nyeya ki man cööda geni wøk ni nyaa geni piny ni raanynya geni.

Jeremaya 31:40

Ni ö ya agäm-kïdi bäre kany wø leeŋ jiy yie moa no othøw, kany wø wet bur yie, ki pwöth bëët moa en deŋ waŋ Naam Kidaran løø paac jï løø kur tuul-cäŋ, këël mano pïïe kanya gun kiirri ki yie buut dhi kiir mana cwøl ni Dhi Kiir Okwëënyi, ni tïmge ni ge ena kur keerge jï Wuuö Jwøk. 'Ba päänyögø obëëdö ni ba daak ni ba nyaa piny këët na bäre bäre.»

Jeremaya 45:4

«'Ba man beeye luumma caan Wuuö Jwøki jïra, ni ‹Ï na Jeremaya en, caanï jï Baruk ni Wuuö Jwøk aköö, ni «Ennø, gïna näk yaa tïïö ni teek raanynya raanynyø, ni gïna näk tiere yaa këël piny 'cööda wøk; ni gïnögø tägö yi ŋöömö bäre.

Jeremaya 49:36

Aani, a kännö ki jø leny ma dhøgi aŋween mo tuga Ilam, mo ge öö kaamar atuunna, ni ge käla yïth akïï piny karge ŋweeni, ni keetha geni yïth kwörögø bëët. Ni tïme ni bäŋ po wï jur mo jøøa riem wøk ki Ilam ba ci yie.

Edhikiel 37:9

Køøre Wuuö Jwøk acäŋ köö jïra, «Wär dhaanhø, cään jam jwïëy, ni kööï jïre ni man beeye luumma caan Wuuö Jwøki, ena köö, ni ‹Wui, jam jwïëy, kwönnï ki yïth tuk piny moa na aŋween, ni ciï røk dëëlli moi no othøw ii, nee cäŋge kwøw.› »

Daniel 7:2

Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Daniel 7:6

«Køør manøgø kanya bëëda naa poot rääŋö, aana nëënnö ki cwieny mør mo caala kwac, mo dïŋääe da bwöm aŋween mo caala mo wenyø; cwieny manøgø thuwø jïre da wïdhi aŋween, ni eno mooø ki teek mar käär jiy.

Daniel 7:8

«'Ba kanya bëëda naa caara gïr tuŋi moøgø døc, ka adïëri møn, tuuŋ mør mo thiinh acäŋ tuyö yïthakic tuŋi møga, ni ö tuŋi adäk røk tuŋi moa dïkwøŋ ni pudhi wøk ki tietge nyïm manøgø, ni tuuŋ manøgø jïre da nyeŋ mo caala nyeŋ dhaanhø, ni jïre da dhøk mo cäänö ki luup dhwöle mo døøŋŋø.

Daniel 8:22

Ni tuŋi moa näk aŋween moa tuy kar tuuŋ mana toor, nyootha akwöp nyec aŋween mo rege pääŋge ka ri wï jur marge, 'ba ge ba teek ni caala akwöm nyec mana dïkwøŋ.

Daniel 8:8

Køøre nywø ateea manøgø dëëre aput døøc mo dwøŋ døc, 'ba kanya bëëde ni teek, tuuŋ mare mana dwøŋ atoor, ni ö kare ni twöe ki tuŋi aŋween mo nëënö jaak, ni wïthge ege løø but piny karge ŋweeri kwör wø kwön jam maalli ki yïthge.

Dhekaraya 2:6

«Wui, u na jiya, ööu maal, ni rïŋŋu wøk ki yi ŋöömma en jï løø wï-piny, kiper aani uuna nø keetha yïth tuk piny moa na aŋween kwör wø ö jamø ki yïthge.

Dhekaraya 6:5

'Ba aløk nyïïatwiel maalli jïra, ni «Moøgø beege jwïëy aŋween mo wø en maal, ni ge ö wøk ka kany wø cuŋge yie nyïm Wuuö Jwøk, eni na kwääc bäät piny bäre.

Mathiew 12:25

'Ba Jecu gïïa caar jøøgø ŋääe, ni kööe jïge, ni «Mïëri bëët mo wø pääŋ rege, ränynyö. Ni bäŋ pääny wala jø dhi øtø mo pääŋ rege ni cuŋŋe.

Luk 12:20

'Ba Jwøk aköö jïgø, ‹Ï ni bäŋ wïc en. Wääni en, jwïëyï olwør. ?A kanyøgønø, japa jiiŋŋï yøø otïmge na mo ŋa?›

Mana Nyooth 7:1

Køør manøgøøni, nyïïatwiet maal aŋween ajooda ni ge cuŋŋa yïth tuk piny karge ŋweeni, ni kwör wø kwön jame ki yïthge karge ŋweeni ege mänö nee bäŋe jamø mo kwön bäät piny, wala bäät näpa døøŋŋø, wala ri jaathø.