Daniel 11:36 - Wëël Jwøk

³⁶ «'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 11:36 Iomraidhean Croise

Pwöc Leec Wïc 19:21

Da acaare mo thööth cwïny dhaanhø, 'ba pwöc mar Wuuö Jwøk bëëdö kare.

Aydheea 10:23

Kiper Kwäärö Wuuö Jwøk, eni na wïth jammi bëët, ränynyö bäre mana näk ee nø cïp piny kïthe bäät jiy moa en yi ŋöömö manøgø bäre.

Aydheea 10:25

Kiper ki kany mo thiinh, wëër mara ki uuni thum, ni ö wëërri mara ni coony baŋge kuna raanynya geni.»

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 14:13

'Ba ïïni, ïïna köö ki yi cwïnyï, ni ‹Aani, a etha maal, ni tïïa wälu mara ni ena ŋäth ceer mo Jwøk, ni pïïa piny bäät kïn wø cooŋ røk bääte, naa ena kanya en maal kuya wï-piny.

Aydheea 14:14

Aani, a etha maal ŋäth pøøl kuya, ni tïïa raa na a caala Jwøa Dwøŋ ni en Maal.›

Aydheea 26:20

U na jiya, dønynyu yïth uudi mou, ni cïëgu dhøk odhuule mou bäätu, ni kannu dëëtu ki kany mo thiinh, këël kanyo ö wëëc Wuuö Jwøki noo pöödhe.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Aydheea 57:9

Uuna ci baŋ jwøa cwøl ni Mölek, ni cïpu jïre ki mädhi ki riie mo thööth; jiy mou ajääŋŋu kany mo bäär døc baŋ juu møøk, këël mana pïïcge piny kuya kar bëët jwïëc jøøa no othøw.

Edhikiel 28:2

«Wär dhaanhø, caanï jï nyeny Tayar ni kööï ni luumma caan Kwäärö Wuuö Jwøki bee en, ena köö, «ni ‹Kiper mana näk miï töödö ki cwïnyï, ïïna cäänö kiper dëërï, ni kööï, ni «Aana Jwøk, aana nø pï piny bäät wälu mar Jwøk dï naama dwøŋ.» 'Ba ïïni, ïïna dhaanhø, ï patha Jwøk, këël na cädï ki cwïnyï ni wïïï leer kaamar Jwøk.

Edhikiel 35:13

Ïïna cäänö niï töödö bääta ki luup mo thööth, ni wïnynya luup moï.

Daniel 11:16

'Ba ŋato tuk paac tïmö ni tïïya mano met yie ki gø, ni bäŋ ŋat mo løny jïre ki man cuŋŋe ki gø. Eni tiere këëlle piny yi ŋööm wø cwøl ni Mïërö, ni cere da teek man raany paac ki gø.

Daniel 11:3

Køøre nyeya mo teek, dëëre di thïïŋö ni käär piny ki teek mo dwøŋ, ni bëëde ni tïïya mano manynye jaak.

Daniel 11:37

Eni gïr juu mo kwäye ba kïth ïthe, wala jwøa mëër määnni ki gø, ni gïr jwøk mør jaak ba kïth ïthe. 'Ba eni dëëre døøye mo dwøŋ bäätge bëët.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Daniel 5:19

'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Daniel 5:20

'Ba kanya tïm cwïnye ni ena maal ka atöör, ni jwïëy moe bëënna koorrø, ni töödö bäät jiy, ena käl wøk ki bäät wäl nyec mare, ni ö ajiemmi mare ni lwøri baŋe.

Daniel 7:8

«'Ba kanya bëëda naa caara gïr tuŋi moøgø døc, ka adïëri møn, tuuŋ mør mo thiinh acäŋ tuyö yïthakic tuŋi møga, ni ö tuŋi adäk røk tuŋi moa dïkwøŋ ni pudhi wøk ki tietge nyïm manøgø, ni tuuŋ manøgø jïre da nyeŋ mo caala nyeŋ dhaanhø, ni jïre da dhøk mo cäänö ki luup dhwöle mo døøŋŋø.

Daniel 8:19

Ni kööe, ni «Neenï, aani gïïo tägi ya aŋuudi yïth nïr wëër caana caanø jïrï, kiper gïna nyooth cäänö kaper kanya wäŋŋi na näk aŋuudi.

Daniel 8:4

Nywø røømmø manøgø ajooda ni cööba jï løø kur pänh-cäŋ, ki jï løø wï-piny ki jï løø tier-piny, ni bäŋ lääy mør mo oløny ki man cuŋŋe nyïm gø, ni bäŋ ŋat mo da gïn mo ee piemø cer teek mar gø; 'ba ena tïmö ni tïïya gïna met yie ki gø, ni døøc dëëre mo dwøŋ.

Dhekaraya 11:16

Kiper aani a tïŋŋa maal yi ŋöömö man ki dïkwääy dïëk mo ba cädö kiper dïëk moa no orwäänyö, wala ki man many moa therø, wala ki man køny moa näk rege da ŋwiili, wala ki man caam moa dëëtge jööt; 'ba eno bëëdö ni cämö ki rïŋ dïëk moa no ojierø, ni cääny okiei moge wøk.

Jøøn 5:30

«Aani bäŋ gïn mo daa maara tïïc ki wïïa keera. 'Ba luup wø ŋøla ki køør mo wø wïnynya baŋ Jwøk, ni ŋøl mara thïïŋ, kiper a ba cac man wø manynya keera, 'ba a wø caya man wø many Ŋata jääŋ aani.

Jøøn 6:38

A kär öö ki maal ni ööa piny naa tïïa mana manynya ki wïïa keera, 'ba beeye mana many Ŋata jääŋ aani ni wø tïïa.

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

Tiet Ciik 10:17

Kiper Wuuö Jwøk na näk Jwøu beeye Jwøk mo dwøŋŋa eni ki juu møga, ni ena kwääc kwääri, ni ena Jwøk mo dwøŋ mo teek, mo di lwäärö, mo ba jëënyö, mo ba ŋeew ki jammi mo wø cïp ki piny.

2 Thecalönika 2:3

Kär dee ŋat maaŋ wïthu ki jöö mør. Kiper cäŋögø ba ööi jaak, ni näk ageem kär kwøŋ tägö, ki ööny ŋata raac noo nyooth ree, ni beeye ŋato raanynyi,

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

Jøcua 22:22

ni «Kare møn, Jwøk na näk Wuuö Jwøk, Jwøa en teeki jïre, tier gïnögø ŋääe; 'ba beerra man ö jø Icrielli ki dëëtge kiree ni ŋäcge tier gïnögø. 'Ba ni näk mo tier gïnögø ageem, ni waano bääyö dëër Wuuö Jwøk møn, beerra man ö Wuuö Jwøki ni ba køny waani ceŋŋu dïcäŋ man en.

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 12:14

'Ba dhaaŋŋøgø omooø ki bwöp coor mana dwøŋ karge riet, kiper nee määt paap kiper thwöl, kanya dii caamø yie dïciel ki cwiiri adäk ki thääŋö.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 17:17

Kiper gïnögø okïth Jwøki cwïnyge, nee mana manynye tïïcge ki køør mana näk cwïnyge aciel, ki mana wëëkge teek nyec marge Läänögø, këël mano ö luup Jwøki noo thurge karge.

Mana Nyooth 17:3

Ni kïth aani paap ni Jwïëc Jwøk ena bääta, ni neena dhaagø mo opï piny bäät Lääy mo kwaar, mo dëëre ogöönnö ki nyeŋ mo thööth mo reyø døc mo janynya Jwøk, mo jïre da wïdhi abïriiø ki tuŋi apaar.