Daniel 11:35 - Wëël Jwøk

³⁵ 'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 11:35 Iomraidhean Croise

2 Luup Nyeye 32:31

'Ba këël kanya ö jiyi ki røk kwääri mo Babiløn, na jääŋŋi baŋe ni pëënynya eni ki ŋïï mana rëëm ec na tägö yi ŋöömö mare, ena wec Jwøki keere ni Jwøk päänynya eni kiper nee luup moa en cwïnye bëët nee ŋäc Jwøki.

Pwöc Leec Wïc 17:3

Gwel-bïrö ki warkey beeye maa thäth ni wø raŋi ki gø, 'ba cwïny dhaanhø, beeye Wuuö Jwøk ni wø raŋ gø.

Aydheea 27:9

Kiper manøgønø, gïnögø otïmö na jöö man wëën bääyö mar Jeekap ki gø; ni gïno duu wëën raay manøgø beeye kanyo ö eni noo raany kïte mo gïn wø cïp olämme bääte ni tïïc ge kaamar tør mar kïn booya; ni beeye kanyo ö jenni moa näk ege tieŋø na no ocaa ri jwøa cwøl na Acara, ki gïï wø waaŋ gïï wø jïcge ŋwääi ni met bäätge noo tïmge ni bäŋgø mo cuŋŋi këët.

Daniel 11:27

'Ba nyeye moø na ariiø yøø, cwïnyge oløøge baŋ gïn mo raac, ni pïge piny kar acooŋa, ni ö ŋati man nø ni cään watge ki tööt. 'Ba bäŋ gïn mo thur kare. Kiper aŋuunne poot öö kanya no owäŋŋö.

Daniel 11:29

«Kanyo tïme na kanya wäŋŋi, eni cäŋa cøø ni tuk paana en jï løø Tier-Piny, 'ba kar kaagø, gïno tägi, tïmö ni ba caal mana dïkwøŋ.

Daniel 11:33

«'Ba dïbwöthe moa wïthge leer, ge cïpö ki pwöc jï jiy mo thööth. 'Ba geni, ge di nääö ri leny, ni waaŋ møøk ki maac, ni mak møøk ki tøŋ, ni twier møøk ki kany mo bäär mëëth.

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 12:3

'Ba jiy moa wïthge leer ge rieny ni caala tar mar maal. Ni ö jø wø bwøth jiy mo thööth jöör bëënynyö ni rienyge kaamar ceer na bäre bäre.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 8:10

Ena døøŋŋø këël mana put këët ri lwaa gïïa en maal, ni ö lwaa gïïa en maalli møøk ki ceer møøk ni leeŋ ge piny ni nyør ge.

Daniel 8:17

'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Daniel 8:19

Ni kööe, ni «Neenï, aani gïïo tägi ya aŋuudi yïth nïr wëër caana caanø jïrï, kiper gïna nyooth cäänö kaper kanya wäŋŋi na näk aŋuudi.

Daniel 9:27

'Ba kwäärö manøgø tudö ki luubö mo teek ma kar cwiiri abïriiø, ni tuude ka jiy mo thööth; 'ba noo tïme na thääŋ cwiiri abïriiø moøgø, eni, jiy di mänö ki man cïpö ko olämme ki muuce mo beel. 'Ba eni na käl ränynyö, gïna näk ec raac ki gø døc ocwöth piny wï Øt Jwøk, këël kanyo tïme na aŋuudi mano kïth ränynyö bääte mana näk oŋølø kipere.»

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Mathiew 16:17

Ni dwøgi ya Jecu jïre, ni «Ïïna gwïëth, Cayman o Joona. Kiper paa dhaanhø na nyooth luummögø jïrï, 'ba beeye Wära ni en maal na nyooth gø jïrï.

Mathiew 26:56

'Ba gïnögø bäre tägi kaper nee luupa göör nyïïkuk Jwøki thurge karge.» Kanyøgø bääŋi bëët Jecu awecge ni reŋge.

Jøøn 15:2

'Ba bäät jenni bëët moa näk 'moa, mo wø ba nywøl ki nyïëdi, wø käla wøk. Ni bäät jenni bëët mo wø nywøl ki nyïëdi, wø goora goorø nee nywølge ki nyïëdi mo thööth.

Jøøn 20:25

'Ba acaan bääŋi møga jïre, ni «Waani Kwäärö ajootwa.» 'Ba ena köö jïge, ni «Ni näk ceŋŋe kwöra gur ki mucumääre kära joodø, ni kïtha lweeta kwör mucumääre, ni cøta cera tier-buute, aani, a ba jïëy.»

Moa Tïïc Nyïïatwieli 13:13

Kanyøgø Pøøl ki jøøa cäädhö ki eni, gena tïŋŋö ki jää naam ni ge aaya Peepa, ni pïïcge Perga yi Pampilia. 'Ba Jøøn jøøgø awiie ni døø yi Jerucalem.

Tiet Ciik 8:16

Ni ö Wuuö Jwøki ni caam uuni dï paap ki møga cwøl ni meena, ni beeye møø mo kuc kwäyu dïkwøŋ. Wuuö Jwøk gïï mo leth akäl bäätu, kiper nou pwönynye, kiper nou päänynye, nee tïïe jïïu ki gïn mo beer ya aŋuudi.

Jeemeth 1:2

Nyïïmera, yïthu mïnge ki teeŋ gïïo ni leth yøø bëët kany wø pïïcge dëëtu.

Mana Nyooth 14:15

Ni ö nyïïatwiel maalli mør wøk ki yi Øt Jwøk Mana Dwøŋ, ni cwøl ŋata bëëdö bäät pöölö manøgø ki dwøl mo päl, ni kööe, ni «Lwør manyjil marï ni kääï, kiper kar kac apïï. Kiper gïïo kac piny atal døc.»

Mana Nyooth 17:17

Kiper gïnögø okïth Jwøki cwïnyge, nee mana manynye tïïcge ki køør mana näk cwïnyge aciel, ki mana wëëkge teek nyec marge Läänögø, këël mano ö luup Jwøki noo thurge karge.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.