Daniel 11:25 - Wëël Jwøk

²⁵ «'Ba eni cwïnye di mooø ki cer, ni cøm cwïnye, ni cøøe ki lwaa leny mo päl ki man këëde ki nyeny jï løø Tier-Piny. 'Ba nyeny jï løø Tier-Piny tøŋ di tïŋö ki lwaa leny mo päl mo teek døc. 'Ba eni ba løny ki man cuŋŋe, kiper acaay aranya onø cïp piny kipere.

Daniel 11:25 Iomraidhean Croise

Pwöc Leec Wïc 15:18

Ŋat wëëye, pïëm wø di tääö, 'ba ŋat mo ba laar wëër wø mäna pïëm.

Pwöc Leec Wïc 28:25

Ŋat mo cwïnye päl, pïëm wø di tääö, 'ba ŋat wø bëëdö ni ŋäätha Wuuö Jwøk, bëëtö mare bëënynyö.

Daniel 11:10

«Køøre wääte dëëtge jiiŋge jiiŋŋø kiper leny, ni cooŋge wïth lwaa lenye mo thööth, ni ö dhaanhe acielli dïge ni baap geni kaamar jwïëö ni pöödhe ki leny këël mano pïïe kar gwøk røk mar ŋatøce.

Daniel 11:2

«'Ba ennø, adïëri caana caanø jïrï. Ka adïëri møn, nyeye adäk møøk rege thïïŋge thïïŋö yi Parca. 'Ba ŋweerge mano caath køørge okwär døc ni kaala møga bëët. 'Ba kanyo joot teek mare ennø ki køør kwärö mare, yïth jiy di theŋø ki man këëtge ka akwöm nyec mar jø Gïrïïk.

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 11:5

«'Ba nyeya mano en jï løø Tier-Piny tïmö ni teek. 'Ba dhaanhø aciel røk wïth jø leny moe, tïmö ni teek døc ni kaala eni, ni lwør akwöm nyec ni käär gø ki teek mo dwøŋ.