Daniel 11:11 - Wëël Jwøk

¹¹ 'Ba nyeny jï løø Tier-Piny cwïnye jïtö ki wëër mo dwøŋ, ni cøøe ni këëde ki nyeny jï løø Wï-Piny, ŋato cooŋ lwaa leny mo dwøŋ. 'Ba lwaa leny manøgø poot cïba cer ŋata këëtge ki gø.

Daniel 11:11 Iomraidhean Croise

1 Nyeye 20:13

'Ba da nyikuŋ Jwøk ma aö baŋ Akap nyeny Icriel ni kööe, ni «Wuuö Jwøk aköö, ni ‹?Jiy moøgø ni thööth yøø nëënö jïrï? Ka adïëri møn, aani, ge cïba cerï dïcäŋi, nee putï ŋäc ni aana Wuuö Jwøk.› »

1 Nyeye 20:28

Køøre nyikuŋ Jwøk aöö ni cääne ka Akap nyeny Icriel ni kööe, ni «Wuuö Jwøk aköö, ni ‹Kiper mana kö jø Arammi ni Wuuö Jwøk beeye Jwø bäät kïte, ni eni paa Jwø gøli, aani lwaak manøgø bäre ni dwøŋ enø, cïba ceŋŋu, nee putu ŋäc ni aana Wuuö Jwøk.› »

Jeremaya 27:6

'Ba ennø, mïëri mou bëët anø cïba cer Nabukedenecör nyeny Babiløn, eni na en cera, ni mëëga lääc paap eni thuwø ni bëëtge ni ge ena cere.

Daniel 11:12

'Ba kanyo ö lwaa leny manøgø noo maai ki tøŋ, nyeny jï løø Tier-Piny cwïnye jïtö ka atöör mo ena maal døc, ni 'näk jiy ma kume. 'Ba eni ba böödö.

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 11:44

'Ba eni cwïnye otïmö ni pärö ki waac moo wïnyi ki jï løø kur tuul-cäŋ, ki jï løø wï-piny, ni cøøe ki wëër mo dwøŋ ki man raany jiy mo thööth ni dïïra wïthge.

Daniel 11:5

«'Ba nyeya mano en jï løø Tier-Piny tïmö ni teek. 'Ba dhaanhø aciel røk wïth jø leny moe, tïmö ni teek døc ni kaala eni, ni lwør akwöm nyec ni käär gø ki teek mo dwøŋ.

Daniel 2:38

ni cïp jiy cerï yïth kwöro bëëtge yïthge, këël ki lääc paap ki wec maal, ni nø tïïc ïïni nee bëëtge ni ge ena cerï bëët. Wïc mana näk warkey beeye ïïni.

Daniel 8:7

Ni jooda gø ni nyiiga buut nywø røømmø ni cwïnye okëënynyö ki gø, ni tuk nywø røømmø ni tëëŋ tuŋi mo gø wøk moa näk ariiø, 'ba nywø røømmø bäŋ teek jïre ki man cuŋŋe ki gø. Kanyøgø ena put ateea gøø piny ni nyør gø, ni bäŋ ŋat mo oløny jïre ki man piem nywø røømmø cer teek mar gø.