Daniel 10:7 - Wëël Jwøk

⁷ 'Ba a na Daniel, bee a keera na joot gïna nyooth, ni jiy moa nut buuta gïna nyooth kärge joodø; 'ba lwär mo dwøŋ aö bäätge, ni reŋge ni ge kana rege.

Daniel 10:7 Iomraidhean Croise

Wïlöölö 3:10

Ni kö dhaanhe, ni «Tietï awïnynya ya ajïniina, ni lwäya kiper a bëëdö ka dëëra; køøre raa akana.»

Aydheea 2:10

Cou yïth agäp-kïte, ni kannu dëëtu kwöra ŋammø yïth ŋøøm, nou lwäära wëëc Wuuö Jwøk ka ajiem mare na dwøŋ.

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Edhikiel 12:18

ni «Wär dhaanhø, wärï lwäyï kanyo enï bäät cam ki kwön, ni tïm dëërï ni kwanynyi ki lwär kanyo mäthï ki pïï.

Moa Tïïc Nyïïatwieli 22:9

'Ba jøøa en buuta, tar manøgø aneenge, 'ba dwør ŋata cäänö ki aani, kärge wïnynyö.

Moa Tïïc Nyïïatwieli 9:7

'Ba jøøa cäädhö ki eni gena mak apïte, kiper dwøl wïnyö jïge, 'ba bäŋ dhaanhø mo jootge.

Ibaru 12:21

Ni näk adïëri møn, kiper na tïm gïna joot ni kännö ki lwär mo raac døc, Modhe aköö, ni «Dëëra atïmö ni kwanynyi ki lwär.»