Daniel 10:16 - Wëël Jwøk

¹⁶ Køøre ŋat mo nëëni kaamar dhaanhø dhaa agude, ni puta dhaa jap ni cäänna ni kööa jïre, eni na cuŋŋö nyïma, ni «Wui kwääya, ki køør gïna nyooth manøgø, lwär mo dwøŋ aö bääta, ni bäŋe teek mo odööŋ dëëra.

Daniel 10:16 Iomraidhean Croise

Bwøth Wøk 4:10

'Ba Modhe aköö jï Wuuö Jwøk, ni «Wui Awuuö, a paa dhaanhø mo caan luup ŋääe, ki mana bëëda cøøn, këël man cäänï ki aani dïcäŋi en, a na näk laŋŋï; kiper aana dhaanhø mo cäänö teek jïra ni leeba ba rwäänhnhi.»

Bwøth Wøk 4:13

'Ba Modhe aköö, ni «Wui Kwäärö, ennø beerra man jäägï ki dhaanhø mør jaak mana manynyï.»

Luup Dïpööy 1:18

Kiper leec wïc mo dwøŋ duua pänh cwïny mo dwøŋ; ni ki man meet kwänynyö, meeta cooyø.

Aydheea 6:7

Ni ööe ni gut dhaa ki cugö manøgø ni kööe, ni «Ka adïëri møn, dhiï anø gut gïnögø; ni ö gïïa näk iï baa bëët ni paanyi bäätï, ni ö raayi moï bëët ni wëënni.»

Jeremaya 1:9

Kanyøgø Wuuö Jwøk cere arwiee ni gut dhaa, ni kööe jïra, ni «Ennø, luup 'moa acïba dhiï.

Edhikiel 1:26

'Ba bäät gïna näk ree ee peerø bäätge kaamar maal, da gïrpiny yie mo nëëni kaamar wälu mo otïïö ki kïdi mo kïte caala caaro. 'Ba bäät wälu manøgø da gïrpiny mo nëëni kaamar dhaanhø mo opï piny bääte maal.

Edhikiel 3:27

'Ba kanyo wäro cääna ki ïïni, dhiï ojaba, ni kööï jïge, ni ‹Man beeye dwør Kwäärö Wuuö Jwøk.› 'Ba ŋato jïëy, wär jïëe, ni ö ŋato kweer, ni kweere. Kiper gena jiy mo gena jø ageem.

Edhikiel 33:22

'Ba ki wäär ni ŋatøgø poot kär öö, cer Wuuö Jwøk aö bääta, ni ö eni ni jap dhaa kanya poot ŋatøgø ni kär öö ka amöölla. Kanyøgø dhaa aput bëëtö ni ree ee jabø, ni put tïmö naa cäänö.

Daniel 12:8

Køøre aani gïnögø awïnynya, 'ba tiere kär ci wïïa. Køøre aana pëëö, ni «?Kwääya, aŋuun gïïögø otïme nidïï?»

Daniel 4:19

Kanyøgø Daniel, ni wø nyeŋŋe cwøl ni Belthacacör, amak apïte ki kany mo bäär mëëth, ni bëëde ni cwïnye pärö ki køør acaara mare. Ni luup nyeya ni kööe, ni «Belthacacör, lääk manøgø ki tier gïna cääne kipere, kär cwïnyï døøcge mo pärö.» Ni dwøgi ya Belthacacörri ni kööe, ni «Wui nyeya, doo beerra eni ki mana di lääki cäänö kiper jøøa män ki ïïni, ni tier gïna cään lääki kipere doo na poot cäänö kaper nyïïmän moï.

Daniel 7:15

«'Ba a na Daniel en, aana bëëdö ni jwïëy 'moa kïmmö, ni bëët gïïa nyooth jïra ki yi wïïa ni tuuŋŋa cwïnya.

Daniel 7:28

«Kar kaagø gïna nyooth athum. 'Ba a na Daniel en, acaara mara abëëdö ni tuuŋŋa cwïnya, ni ö täärnyïma ni needuk; 'ba luubö manøgø abëëdö ni yaa kan cwïnya.»

Daniel 8:15

'Ba a na Daniel, kanya bëëda naa raŋŋa gïna nyooth, naa manynya gø nee tiere kwanya, ajooda ni da ŋat mo cuŋŋö nyïma mo caala dhaanhø.

Daniel 8:17

'Ba kanya pïïe buut kanya cuŋŋa yie, aana lwäyö ni pädha ki täärnyïma. Ni kööe jïra, ni «Wär dhaanhø, wär ŋäyï ki man näk mo gïna nyooth cäänö kaper kanyo ŋuut pinynyi yie.»

Daniel 8:18

'Ba kanya bëëde ni cäänö ki aani, nyeŋŋa aput gämmö døc ni täärnyïma poot yaa këël yïth ŋøøm; køøre aana gude ni tïŋ aani maal naa thïïŋ.

Daniel 8:27

'Ba a na Daniel, dëëra aput nidhooth piny, ni bëëda naa tuu ki nïne møøk. Køøre aana cäŋ ö maal ni døøa baŋ tïï nyeya, 'ba aani a bëëdö ni yia othäŋŋö jaak ki gïna nyooth, kiper tiere kär ci wïïa.

Daniel 9:21

kanya bëëda naa poot cäänö ki yi lam, Geebriel, ŋata kwøŋa joot yïth lääk dïkwøŋ, amään baŋa døc kar kany wø cïp olämi mar abøøya yie.

Luk 1:64

'Ba kanyøgø dhee ree aput jap, ni pät leebe, ni cäänne ni pwøya Jwøk.

Luk 21:15

Kiper uuno mooa ki dhøk ki leec wïc, mo ba maar lønyø jï nyïïmännu ki man duunge uuni, wala man piemge gø.

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Jøcua 5:14

Ni kö ŋatøgø, ni «Patha enøgønø. Aani, a ööi ni aana kwääy lwaa leny mar Wuuö Jwøk.» Kanyøgønø, Jøcua cøŋŋe akëël piny ni kuul wïïe piny, ni kööe jïgø, ni «?Kwäärö, agïnaŋø na diï caanø jïra nee tïïa, a na laŋŋø marï?»

Mana Nyooth 1:13

'Ba dï lambae moøgø da ŋat mo keda Wär Dhaanhø, mo orøø ka abïï mo okëët tiete, ni kööre da kaa warkey.

Pïëmme 13:8

Køøre Manöa Wuuö Jwøk akwaae ni kööe, ni «Wui Kwäärö, a kwaya ïïni, beerra man ö dhaanhnhï na kwøŋï jääŋŋö, ni cäŋï gø jääŋŋö baŋwa nee wa pwönynye ki gïna dewa tïïö kiper nyilaal mano jootwa noo lwaarø ki gø.»

Pïëmme 6:13

'Ba Gidien aköö jïgø, ni «Wui kwäärö, ?dee na Wuuö Jwøk bëëdö ki waani cøøn, gïï bëët ii, a dige tägö dëëtwa nidïï? ?Këël gïï mo rëëma ec moa tïïe bëët, moa caan wëëkwa jïwa na köge, ni ‹Wuuö Jwøk øøna käl wøk ki Ijep,› gïïa näk rëëma ec moøgø enge kaa ennø? 'Ba ennø møn, Wuuö Jwøk waana nø wiie ni cïp waani ceŋ jø Midien.»

Pïëmme 6:15

'Ba Gidien aköö jïgø, «?Wui Kwäärö, jø Icriel opiema gø ceŋ jø Midien nidïï? Neenï, tuuŋwa beege jiy moa jägö geni døc ki ri jø tuuŋ Maneeca, ni ki ri dhi øt wära, aana dhaanhø mo bäŋ kara.»