Daniel 10:14 - Wëël Jwøk

¹⁴ 'Ba ennø, a ööi kaper nee gïno tägi dëët jiyï yïth nïro en nyïm nee tiere tïme ni ŋäyï, kiper gïna nyooth cäänö kaper nïne mo poot ena nyïm.»

Daniel 10:14 Iomraidhean Croise

Wïlöölö 49:1

Køøre Jeekap wääte acwøle, ni kööe, ni «Cooŋŋu rou kanya ciel buuta, kiper nee gïïo tägi dëëtu yi nyïme nee caana jïïu.

Aydheea 2:2

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte; eno tïŋ maal ni kaala thuuri, ni ö wïth juurre bëët ni rwäthge bääte.

Edhikiel 12:27

ni «Wär dhaanhø, jø Icriel aköö, ni ‹Jammi mo wø nyooth jïrï ruu ki cwiiri mo thööth ni ba laar thur karge, ni luup mo wø carï beege luup mo kwörge poot bäyö.›

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Daniel 10:1

Kanya tïme na ri dää cwiiri moa beet Kiröci ni ena nyeny Parca, da dwøl moo nyoodhø jï Daniel ni wø nyeŋŋe cwøl ni Belthacacör, ni dwørøgø beeye adïëri ni cäänö kaper leny mo dwøŋ. 'Ba tier dwørøgø akwanye, ni nyooth jïre ka yïth lääk.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 12:9

Ni løk gø, ni «Daniel, aayï ki jöörï. Kiper luup moøgø ocïëgö no omwönö këël kanyo tïme na aŋuun nïne.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 8:16

Ni puta dwør dhaanhø wïnynyö mo cwödö ya ageel naam wø cwøl no Ulay ni kööe, ni «Geebriel, caan tier gïna nyooth jï ŋati en nee ŋääe.»

Daniel 8:26

«Gïna nyooth manøgø na cäänö kiper olämme mo wø cïp ka abøøye ka amöölle na tiere nyooth jïrï beeye adïëri. 'Ba gïna nyooth manøgø wär kan cwïnyï, kiper cäänö kaper nïne mo poot ena yi nyïm kuya.»

Daniel 9:22

Ni cïpe ki pwöc jïra ni kööe, ni «Daniel, aana öö ennø kuna mooa ïïni ki leec wïc, nee tiet luup kwanyï.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Mikiya 4:1

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte. Eno tïŋ maal ni kaala thuuri, ni ö wïth juurre ni rwäthge bääte.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Kwään Jiy 24:14

'Ba ennø, a døøa baŋ jø powa. Ööï, nee gïno tïïc jøøi dëët jiy moï ki yïth nïne moo ööi caana jïrï.»

Tiet Ciik 31:21

'Ba kanyo tïme ni gïï mo leth ki gïï mo reyø pïï bäätge, duut man otïmö na gïn mo nyootha bääyö marge jïge; ni bëëde na duut mo nut dhøk nyïïkwaacge ni ge wära gø cooth, ni wïthge ba wïl ki gø. Kiper acaara mano caarge ki cwïnyge dïcäŋi enø, ŋääa cøøn këël na bëëde ni ge poot kära kïth yi ŋöömma kööŋa kipere jï kwäcge.»

Tiet Ciik 31:29

Kiper ŋääa ni kanyo tïme na køør thøø mara, u tïïö ki gïï mo reyø, ni weyu luupa köömma uuni ki geni. 'Ba yi nyïme gïï mo reyø opäth bäätu, kiper gïïo tïïu beege gïï mo reyø nyïm Wuuö Jwøk. Wuuö Jwøk yie cwaatu cwaadø këël mano wëëre ki køør gïïo reyø noo tïïyu ki ceŋŋu.»

Tiet Ciik 4:30

'Ba yi nyïme, kanyo tïme ni gïïögø bëët opïï bäätu, nou ena yïth gïï mo leth, uuno døø baŋ Wuuö Jwøk na näk Jwøu, ni leŋŋu dwøre.

2 Timöthi 3:1

'Ba ŋäc gïn en: kanyo tïme na aŋuun nïne, bëët piny otïmö ni raac døc.

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.