Daniel 10:13 - Wëël Jwøk

¹³ 'Ba nyïïatwiel maal man wø koor buc nyec mar Parca, dëëre athïïŋe dëëra ki nïne ma pïërariiø ka aciel. Køøre Mikaël, eni na kwäärö aciel dï kwääc nyïïatwiet maal, aö kuna køny aani, kiper aano maa piny kaace buut nyeny Parca.

Daniel 10:13 Iomraidhean Croise

Edhera 4:24

'Ba tïïc mar geer Øt Jwøk na en Jerucalem acuŋŋö, ni bëëde no ocuŋŋö këël mana pïïe ri riet cwiiri moa beet Dariöci ni ena nyeya Parca.

Daniel 12:1

«'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Epeca 6:12

Kiper leny marø ba këëlø ka jiy, 'ba ø këëdi ka gïïa jïge da teek maalø, ki moa jïge da teek piny, ki kwääc muudhö ni en pinyi en, ni ø këëdi ka juu na reyø ni en maalø na thööth døc.

Köløcia 2:10

'Ba kawaane, uuna nø thur karu ki ree, ŋata näk wïth kwääri bëët ki moa no ocuumö bëët.

1 Thecalönika 2:18

Kiper cwïnywa manynya gø døc ki man öwa baŋu. Ka adïëri møn, a na Pøøl, beeye man wø manynya cooth cooth. 'Ba waano män Ceethanni.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.

Juut 1:9

'Ba këël kwääy nyïïatwiet maal na näk Maykal, kanya pïëmge ka anägö ni ge caana gïr dëër Modhe, eni wïïe käre caarø ki man jääl anägö ki dhøk mo raac, 'ba ena köö, ni «Ïïno jook Wuue.»

Mana Nyooth 12:7

Kanyøgø leny atägö maal. Maykal ki nyïïatwiet maal moe akëëdö ki thwöl, ni ö thwörögø ki nyïïatwiete ni këëtge ki ge.