Daniel 10:12 - Wëël Jwøk

¹² Ni kööe jïra, ni «Daniel, kärï lwäyö, kiper ki mana täge ki dïcäŋa dïkwøŋ na këëllï cwïnyï køør man ŋäyï tier gïna nyooth, ki mana dwøgï dëërï piny nyïm Jwøk marï, luup moï awïnynyi, ni beeye ni ööa ennø kiperge.

Daniel 10:12 Iomraidhean Croise

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 58:9

Køøre noo cwøllu aani, a na Wuuö Jwøk, aani döötu wïnynya wïnynyö, ni kany wø jwöŋu kiper køny, løøa løø, ni ‹Aani en.› Ni näk mo tëëra peek ni wø caal jaath man wø rïï ŋut dhieŋ ri puur you käl wøk göök jiy; ni weyu jiy ki nyøthø ki lweetu nou jøøŋŋa ge;

Aydheea 65:24

'Ba kany wø pootge ni ge poot kär pëëö, løøa løø jïge, ni kany wø pootge ni ge poot cäänö, döötge puta ka wïnynyö.

Daniel 10:11

Ni kööe jïra, ni «Wui Daniel, ï na näk dhaanhø mo owøørø døc, kwany tier luubö man døøc mano caana jïrï, ni cuŋŋï niï tiir, kiper ennø aani, a jääŋŋa baŋï.» 'Ba kanya nø caan luummögø jïra, aana put ö maal ni dëëra miel.

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Ciik Kiper Dïlämme 16:29

«'Ba man tïmö na ciik kiperu mo bëëdö na bäre bäre: kanyo tïm nïr dwää abïriiø na apaar, wäru dëëtu dwøgu piny, nou ba cämö, ni bäŋe tïïc mo tïïyu, nee ŋat Icriel wala wëëllö mo path mo bëëdö dïïu;

Ciik Kiper Dïlämme 16:31

Manøgø tïmö ni beeye cäŋ jwömö mar jwöm dëël jïïu na bäre, ni dëëtu you dwøk piny, nou ba cämö. Ni manøgø tïmö na ciik mo bëëdö na bäre bäre.

Kwään Jiy 29:7

«'Ba ki ri paac nïne mar bïriet dwäde, u doo jïtö ka acooŋa mo ena kur keere, ni dwøgu dëëtu piny, ni bäŋe tïïc mo tïïyu.

Mathiew 28:10

Kanyøgø gena cään Jecu, ni «Käru lwäyö. Cou ni caannu gø jï nyïïmera nee cige Galili. Aano jootge kaace.»

Mathiew 28:5

'Ba määrögø aluum nyïïatwiel maalli ni kööe, ni «Käru lwäyö. Kiper ŋääa nou caya Jecu na gur bäät jaadha no odëëdö.

Maak 16:6

Ni kööe jïge, ni «Käru lwäyö. Ŋääa, nou manynya Jecu nyï Nadhareth, ŋata gur bäät jaadha no odëëdö. Ena tïŋ maal. Eni tøør kany. Neennu kanya pïëlge gø yie.

Luk 1:13

'Ba nyïïatwiel maal manøgø aköö jïgø, ni «Kärï lwäyö, Dhekaraya, kiper lam marï awïnynyi. 'Ba cïïï ma Ilidhabeth ojïti ki nyilaal ma cïïŋŋö. 'Ba nyeŋŋe ocwølï ni Jøøn.

Luk 1:30

'Ba nyïïatwiel maal aköö jïgø, ni «Kärï lwäyö, Meeri, kiper ïïna jïtö ki mëër baŋ Jwøk.

Luk 2:10

Ni kö nyïïatwiel maalli jïge, ni «Käru lwäyö, kiper a käla luubö mo nyään mo met jïïu, mano mïn yïth jiy bëët ki gø.

Luk 24:38

Ni kööe jïge, na «?Aŋø ni ö wïthu ni kierge rege en? ?Na aŋø ni cäänu ki cwïnynyu en?

Moa Tïïc Nyïïatwieli 27:24

Ni kööe, ni ‹Kärï lwäyö, Pøøl. Ïïni, ï cuŋŋö nyïm Cidhar. Ni Jwøk thuwø yie met ki ïïni ki man gwøk jøøi bëët ni en yi jääy ki ïïni na aciel en.›

Mana Nyooth 1:17

'Ba na jooda gøøni, aana päth tiete kede aano thøw. 'Ba cer cwïïe acïp bääta, ni kööe, ni «Kärï lwäyö. Beeye aani na dïkwøŋ, ni näga aŋuudi.