Daniel 10:11 - Wëël Jwøk

¹¹ Ni kööe jïra, ni «Wui Daniel, ï na näk dhaanhø mo owøørø døc, kwany tier luubö man døøc mano caana jïrï, ni cuŋŋï niï tiir, kiper ennø aani, a jääŋŋa baŋï.» 'Ba kanya nø caan luummögø jïra, aana put ö maal ni dëëra miel.

Daniel 10:11 Iomraidhean Croise

Jööp 37:1

«Wui! Gïnögø wenyø mara atïïe ni pöödö døc, ni manynya pär wøk kare.

Obeec Dudi 7:10

Aani, aana mar omëër mara, ni eni cwïnye lääŋŋa aani.

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Edhikiel 2:1

Kanyøgø ena köö jïra, ni «Wär dhaanhø, cuŋŋï ki tietï niï cäänna!»

Daniel 10:19

Ni kööe, ni «Wui dhaanhø, ï na näk owøørø døc, kärï lwäyö. Bëëdï ni dëërï jööt. Bëëdï niï teek, ni cwïnyï da cer.» 'Ba kanya nø cään aani ennø, aana put jïtö ki teek, ni kööa, ni «Kwääya, beerra man caanï gïna diï caanø, kiper ïïni, dëëra amooyï ki teek.»

Daniel 10:3

Aana bëëdö ni bäŋ cam mo met mo yaa camø, ni bäŋ rïŋö wala køøŋø mo yaa gudö ki dhaa, ni bäŋ maaw mo yaa wïïr dëëra na bäre bäre këël kanya thum juuwi moøgø na adäk yøø.

Maak 16:8

Ni öge wøk ki yi bwörö ni reŋge, kiper dëëtge atïmö ni kwanynyi, ni wïthge rege noodø. 'Ba bäŋ gïn mo ege caanø jï dhaanhø mør, kiper mana tïmge ni ge lwäär. (Maak 16:9-20 tøør ki dhi Gïrïïk yïth weet Maak møøk moa cääŋŋe.) [

Jøøn 13:23

'Ba dhaanhø aciel dï bääge mana mëër Jecu ki gøøni, ree ee nyaaŋ piny na akicge cään ki Jecu.

Jøøn 21:20

'Ba Piter ree aløøe ni joot bääŋ mana mëër Jecu ki gøøni ni lämma køørge, ŋata nyaaŋ ree piny buut Jecu kar cam, na köö, ni «?Kwäärö, aŋa noo cïp ïïni ceŋ nyïïmän?»

Moa Tïïc Nyïïatwieli 26:16

Ö maal ni cuŋŋï ki tietï. Kiper dëëra anyoodha jïrï kiper niï jiera naa tïnynyï, nee gïïa nø jootï aani dëëtge, ki moo nyoodha raa jïrï yïthge nee gïrge køpï.

Moa Tïïc Nyïïatwieli 9:6

'Ba ö maal ni ciï pääny; gïno tïïyï ocaan jïrï.»