Daniel 10:1 - Wëël Jwøk

¹ Kanya tïme na ri dää cwiiri moa beet Kiröci ni ena nyeny Parca, da dwøl moo nyoodhø jï Daniel ni wø nyeŋŋe cwøl ni Belthacacör, ni dwørøgø beeye adïëri ni cäänö kaper leny mo dwøŋ. 'Ba tier dwørøgø akwanye, ni nyooth jïre ka yïth lääk.

Daniel 10:1 Iomraidhean Croise

Wïlöölö 41:32

Ni lääk manøgøøni aö baŋ Peerø kwöre ariiø, kiper gïnögø onø ŋøl Jwøki piny, 'ba otïïc Jwøki møn ki kany mo cään.

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 3:7

Køøre gena cïpö ki gwel jï jø wø ŋäc geer ki kïte, ki jï dïjëëth opämi; ni cïpge ki cam, ki jap wø maath, ki maaw jï jø Caydan ki jï jø Tayar, kiper nee ge känge ki jenni moa perge leth ki yi lur Libaanø ni kälge geni Jøpa ki yi naama dwøŋ, ki køør mana ö Kiröci nyeny Parca ni cïp gø jïge ni ŋutge ki jen.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 4:5

ni cïpge ki gwel ki piny jï jø wø cïpi ka acaara jï kwäärö kiper nee acaac thöör tïï Øt Jwøk mar jø Juuda ba thur kare, ni gïnögø wø bëëdö ni tïïcge tïïö cooth ki mana täge ki ri nïne bëët moa beet Kiröci ni ena nyeny jø Parca, këël mana pïïe ri rööny mar Dariöc nyeny Parca.

Edhera 6:14

Kanyøgø jø døøŋŋø mo jø Juuth geer marge aput thur kare ki køør dwør Jwøk mana køp nyikuŋ Jwøki ma Agëë ki nyikuŋ Jwøk ma Dhekaraya nyikwaar Idö. 'Ba øtø athöörge ki geer ki køør dwør Jwø Icriel, ki dööt nyec Parca, ni beeye Kiröc ki Dariöc ki Arthëkcic.

Edhera 6:3

«Kanya tïme na cwiir mana dïkwøŋ mana beet Kiröci nyeny Parca Babiløn, eni na Kiröc ena cïpö ki dwøl ni kööe, ni ‹Øt Jwøk man ni en Jerucalem en, beerra man cäŋi geerrø na kany wø cïp olämme yie; ni caam tiere ni teek, ni tïïc bär mare mar maal na gööye ma pïërabïciel, ni tïïc dööŋ yie na gööye ma pïërabïciel.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Daniel 1:17

'Ba wøpe moø na aŋween yøø, gena mooc Jwøki ki kwänynyö, ni tiet luup kwänynyö bëët moa no ogöör piny cøøa wïthge. Ni ö Danielli ni tïme ni løny jïre ki man ŋäc tiet jammi bëët mo wø nyooth ki yi wïc ki yïth lääk.

Daniel 1:21

'Ba Daniel aput bëëtö këël mana pïïe cwiir mana dïkwøŋ mana tïm Kiröci na nyeya yie.

Daniel 1:7

Køøre ŋata bëëdö na wïth jø kööre acïpö ki nyeŋ mo nyään jïge; nyeŋ mana cïbe kiper Daniel beeye Belthacacör, ni mar Ananiya beeye Cidarak, ni mar Micaël beeye Micak, ni mar Adhariya beeye Abedenagø.

Daniel 10:14

'Ba ennø, a ööi kaper nee gïno tägi dëët jiyï yïth nïro en nyïm nee tiere tïme ni ŋäyï, kiper gïna nyooth cäänö kaper nïne mo poot ena nyïm.»

Daniel 11:2

«'Ba ennø, adïëri caana caanø jïrï. Ka adïëri møn, nyeye adäk møøk rege thïïŋge thïïŋö yi Parca. 'Ba ŋweerge mano caath køørge okwär døc ni kaala møga bëët. 'Ba kanyo joot teek mare ennø ki køør kwärö mare, yïth jiy di theŋø ki man këëtge ka akwöm nyec mar jø Gïrïïk.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 12:9

Ni løk gø, ni «Daniel, aayï ki jöörï. Kiper luup moøgø ocïëgö no omwönö këël kanyo tïme na aŋuun nïne.

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 4:8

'Ba ka aŋuudi, Daniel, ni wø nyeŋŋe cwøl ni Belthacacör ki køør mana caa nyeŋŋe ri nyeŋ juu 'moa, eni na jwïëc juu mo ena kur keerge ena bääte, ena ö nyïma, ni caana lääk jïre ni kööa,

Daniel 5:12

Ŋatøgø na Daniel enø, na nyeŋŋe cak nyeya ni Belthacacör, ajoot na ŋat mo jïre da jwïëy ma wøp, mo tiet jammi ŋääe, mo wïïe kwel, mo tiet lääk di caanø, mo tiet leere di lamø, mo tiet luup mo teek päde pädö. Ennø, beerra man cwøl Daniel nee tier gïna näk ogöörö caane.»

Daniel 5:17

Kanyøgø aløk Danielli nyïm nyeya ni kööe, ni «Muuce moï kanï kiper dëërï, wala jap met ec moï moøgø tïme ni cïpï jï ŋat mør; 'ba aani gïnögø no ogöörö enø, kwaana kwaanø jïrï, ï na nyeya, ni caana tier gïna cääne kipere.

Daniel 6:28

'Ba Daniel, ena bëëdö ni bëëtö mare beer yïth cwiiri moa beet nyeya ma Dariöc, ki yïth cwiiri moa beet nyeya ma Kiröc nyï Parca.

Daniel 8:16

Ni puta dwør dhaanhø wïnynyö mo cwödö ya ageel naam wø cwøl no Ulay ni kööe, ni «Geebriel, caan tier gïna nyooth jï ŋati en nee ŋääe.»

Daniel 8:26

«Gïna nyooth manøgø na cäänö kiper olämme mo wø cïp ka abøøye ka amöölle na tiere nyooth jïrï beeye adïëri. 'Ba gïna nyooth manøgø wär kan cwïnyï, kiper cäänö kaper nïne mo poot ena yi nyïm kuya.»

Luk 1:20

'Ba neenï, ïïno bëëdö niï lïŋö, niï ba maar luupö, gøøc dïcäŋo thur gïïögø karge, kiper na kärï luupa jïëö, luupo thur karge dïcäŋo näk kare.»

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»