Daniel 1:6 - Wëël Jwøk

⁶ 'Ba ki røk jøøgø, jø Juuda beeye Daniel, ka Ananiya, ki Micaël, ka Adhariya.

Daniel 1:6 Iomraidhean Croise

Edhikiel 14:14

këël jøøi na adäk ii doo nut rege, ni beege Nöa, ki Daniel, ki Jööp, bee jøøgø keerge noo piem ki køør bëëtö marge na beer.» Manøgø beeye dwøl mana caan Kwäärö Wuuö Jwøki.

Edhikiel 14:20

a na Kwäärö Wuuö Jwøk, a caana gø, ni kaawat man bëëda naa kwøw en, këël Nöa, ki Daniel, ki Jööp doo nut dïge, ba løny jï ŋati man nø dëëtge ki man piem wääde wala nyaare. 'Ba beege ki dëëtge keerge noo piem ki køør bëëtö marge na beer.»

Edhikiel 28:3

Ïïni wïïï leer møn niï kaala Daniel, ni bäŋ luubö mo tiere okanø ki ïïni.

Daniel 1:19

'Ba kanya cään nyeya ki geni, ki røk jiy bëët ajoode ni bäŋ dhaanhø mo caala Daniel ka Ananiya ki Micaël ka Adhariya. Kanyøgø gena put tïmö ni ge tïnynya nyeya.

Daniel 2:17

Køøre Daniel aduu yi øtø mare ni caan tier gïnögø jï nyïïawäätge ma Ananiya, ki Micaël, ka Adhariya,

Daniel 2:25

Køøre Aryök Daniel aput kïth nyïm nyeya ni caan gïn en jïgø, ni «Aana jïtö ki dhaanhø dï jøøa no omaaø ki tøŋ røk jø Juuda mo løny jïre ki man caan tier lääk marï jïrï, ï na nyeya en!»

Daniel 5:13

Kanyøgø Daniel aput kïth nyïm nyeya, ni ö nyeya ni cääne ki gø ni kööe, ni «?Beeye ï Daniel na en røk jøøa mak ki tøŋ Juuda, na käl wära ma nyeya ki yi Juuda?

Daniel 6:14

'Ba kanya ö nyeya na wïny luummögø ennø, kööre aput pädhö, ni løø wïïe baŋ acaara man piem Daniel ki gø, ni maaŋ dëëre nee jïte ki jöö man køny gø ki gø këël mana päth cäŋŋi.

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Maak 13:14

«'Ba gïna näk ec raac ki gø døc na näk gïr ränynyö ojootu noo cïp kanya näk mo ba doo maara kïth yie.» Beerra man ö ŋato kwaan luubö man ni ŋäc tier gø! «Kanyøca nø, jø wø en Judia wär bwøkge bäät kïte.