Daniel 1:4 - Wëël Jwøk

⁴ ni beege wøpe mo bäŋ möönynyö dëëtge, mo mïërö, mo wïthge kwel ni wïthge leer, mo nyeŋge reegø ki kwänynyö, ni tiet luup laara ci wïthge, mo orømø ki man tïïge paan dwøŋ. Ni tïïc geni nee pwönynyi ki göör luubö, ki dhøk mar jø Kaldia.

Daniel 1:4 Iomraidhean Croise

Wïlöölö 41:46

'Ba kanya ö Jocepi na täk tïïc man ni dwøŋ en buut Peerø nyeny Ijep, eno løny ni dwøŋ ni cwiiye pïëradäk. Ni ö eni ni ci wøk nyïm Peerø ni cäädhe dï Ijep bäre.

2 Camiel 14:25

'Ba ki dï Icriel bäre bäŋ ŋat mo kïte mïërö mo opwøc jiyi døc mo caala Abëcëlöm. Ki mana täge ki tiete këël mana pïïe wïïe bäŋ gïn mo di jøøŋŋø dëëre.

Pwöc Leec Wïc 22:29

?Dhaanhø mo rëëm tïïc ajootï? Eni wø bëëdö ni tïnynya nyeye, ni eni jiy jaak ba tïnynye.

Luup Dïpööy 7:19

Leec wïc cïpö ki teek jï ŋat mo wïïe leer ni kaala teek mar cuumme apaar mo ena yi pääny.

Aydheea 36:11

'Ba Eliekim, ki Cëpna, ki Jöa gena köö jï kwääy lwaa leny, ni «Beerra man ba caanï luummögø jïwa ki dhi Ibaru, na näk dhøk marwa, ni wïnyö jï jøøi no opï piny bäät kiir ii; 'ba caanï jïwa ki dhi jø Aram, kiper wïnyö jïwa.»

Jeremaya 5:15

Ni cäŋ Wuuö Jwøki köö, ni «Ennø, u na jø Icriel, jiy mo käla paac mo bäär okäla baŋu ki man tukge uuni, ni beege jiy mo teek mo paac marge käla cøøn, mo dhøk marge kuyu, ni gïn wø caange ba wïnynyu.

Daniel 2:10

Køøre aløk ajuuk mo jø Kaldia jï nyeya ni köge, ni «Bäŋ dhaanhø bäät ŋøøm mo løny jïre ki man caan gïnögø jïrï, ï na nyeya en; kiper ki mana bëëde cøøn bäŋ nyeya mo dwøŋ mo teek ma ajuuk moe ki jøøa nyeŋge reegø ka ajuuk mo jø Kaldia ee kwøŋ pëënynyö ki teeŋ gïnögø.

Daniel 2:2

Køøre nyeya acïpö ki dwøl na ajuuk, ki jøøa nyeŋge reegø, ki jø wø thöödhö ki war, ka ajuuk mo jø Kaldia cwøl ki man caange tier lääk mar nyeya jïre. 'Ba kanya öge na cuŋge nyïm nyeya,

Daniel 3:8

'Ba kar kaagø, da jø Kaldia ma ö nyïm ni ge kïtha bäät jø Juuth ki luubö.

Daniel 4:7

Køøre ajuuk, ki jøøa nyeŋge reegø, ka ajuuk mo jø Kaldia, ki jø adïëda, gena öö, ni lama lääk jïge; 'ba kär løny jïge ki man caange tier lääk jïra.

Daniel 5:11

Da dhaanhø yi po nyec marï mo jwïëc juu mo ena kur keerge ena bääte. Ki yïth nïne moa beet wäru, ŋatøgø ajoot na ŋat mo kwel wïc, ki leec ŋeth, ki leec wïc mo caala leec wïc mar juu ena bääte, ni ö nyeya ma Nabukedenecör ni beeye wäru, wäru ma nyeya, ni røøny gø na kwäärö bäät ajuuk, ki jøøa nyeŋge reegø, ka ajuuk mo jø Kaldia, ki jø adïëda.

Daniel 5:7

Ni ö eni na nyeya ni cwöte ki dwøl mo päl nee jøøa nyeŋge reegø, ka ajuuk mo jø Kaldia, ki jø adïëda, käli. Ni cään jø Babiløn moøgø na wïthge leer, ni kööe, ni «Nee da ŋat mo løny ki man kwaan gïn jïra no ogöörö en, ni caan tier gïna cääne kipere, eni dëëre di runynyö ka abïï ma abïcøle, ni kïth cwaage ki tiin warkey, ni tïme na dää kwääri moa näk teek ocïp ceŋge ni wø käär akwöm nyec man.»

Daniel 9:1

Kanya tïme na yi cwiir mana dïkwøŋ mar Dariöc wär Ayacewëëröc na käl røk jø Mëdön, ŋata røøny na nyeya mar akwöm nyec mar jø Babiløn,

Dhekaraya 2:4

ni kööe jï gø, ni «Reŋ baŋ nyenece ni cere da thøør røm ice, ni caanï gø jïre, ni ‹Jerucalem otïmö na pääny mo bäŋ kiir deŋŋe kiper mano tïm jiyi ki lääc paac ni thööth yie døc.

Moa Tïïc Nyïïatwieli 7:20

'Ba kaagø Modhe alwaarø ki gø, ni eni mïërö jï Jwøk. Ni bëëde köör menni ki dwäde adäk yi øt wänni.

Moa Tïïc Nyïïatwieli 7:22

Ni ö Modhe ni pwönynyi ki gïïa ŋäc jø Ijepi bëët, ni tïme ni teek ki tïïc ki cäänö.

Epeca 5:27

na acooŋ Jwøk peeth nyïme ka ajiem, ni bäŋ kïdö mo raac wala kany mo ba mïërö wala gïn mør mo ena dëëre, nee tïme ni ena kur keere ni bäŋ kany mo jøøŋŋi dëëre.

Pïëmme 8:18

'Ba Gidien aköö jï Jeeba ki Jalmuuna, na «?Ateeŋ jiy mo nyïëdi na 'nägu bäät Kïn Tabör?» Køøre aløkge, ni «Ge caala ïïni, ni ŋati man nø ree ee caalø ki o nyeya.»