Daniel 1:2 - Wëël Jwøk

² 'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Daniel 1:2 Iomraidhean Croise

Wïlöölö 10:10

Ni ŋøøm moe tägi ka Babel ki Ërëk ki Akat ki Kalnë, mïëya en yi Cinaar.

Wïlöölö 11:2

'Ba kanya paanyge dëëtge jï løø kur tuul-cäŋ, gena aay ni jïtge ki gool yi ŋööm Cinaar ni bëëtge yie.

2 Nyeye 24:1

'Ba ki yïth nïne moa beet Jeyöakëmmi ni ena nyeya, Nabukedenecör nyeny Babiløn amäänynyö baŋe; ni ö Jeyöakëmmi ni tïme ni bëënna eni ki cwiiri adäk. Køøre Jeyöakëm acaara mare awiile, ni gëëme ki Nabukedenecör.

2 Luup Nyeye 36:5

'Ba Jeyöakëm kanya tïme na nyeya, cwiic dööŋö moe pïërariiø kurbïïc, ni bëëde ni ena nyeya ki cwiiri apaar kurciel yi Jerucalem. 'Ba Jeyöakëm ena bëëdö ni tïïya gïï mo nëëni ni reyø ki jï Wuuö Jwøk, Jwøk mare.

2 Luup Nyeye 36:7

'Ba Nabukedenecör thuwø jammi møøk mo Øt Wuuö Jwøk akïth Babiløn ni kïth ge yi øt lam mare yi Babiløn.

Edhera 1:7

'Ba Kiröc nyeny Parca jammi mo Øt Wuuö Jwøk, moa twier Nabukedenecörri Jerucalem na kïth yi øt juu moe, akäl wøk.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 42:24

?Aŋa na tïïc Jeekap nee mak ki tøŋ? ?Aŋa na tïïc eni na Icriel nee twier? ?Aŋø, patha Wuuö Jwøk na bääyø dëëre, na kweerø ki man cäädhø ki uutjïëthe moe, na kweerø ki man jïëø ciik moe?

Jeremaya 25:1

'Ba kanya tïme na ri ŋweer cwiiri moa beet Jeyöakëmmi o Jöcaya ni ena nyeny Juuda, yi cwiir mana dïkwøŋ na beet Nabukedenecörri ni ena nyeny Babiløn, dwør Wuuö Jwøk aö bääta, a na Jeremaya, kiper jø Juuda bëët;

Jeremaya 27:16

Køøre aana cäänö thuwø ki dïlämme ki jøøi ii bëët, ni kööa, ni «Luumma caan Wuuö Jwøki beeye en, ena köö, ni ‹Kär luup nyïïkuk Jwøk mou mo wø køp luup ki wïthge wïnynyu, jø wø cäänö ki uuni, ni «Neennu, jap Øt Wuuö Jwøk laar ka duuö kany mo cään ki Babiløn.» Geni, ge køpa luup tööt jïïu.

Jeremaya 28:3

Ki yïth cwiiri ariiø kiree, aani, jammi mo Øt Wuuö Jwøk moa käl Nabukedenecörri nyeny Babiløn, ni kïth geni Babiløn, 'duua kany.

Jeremaya 35:11

'Ba kanya ö Nabukedenecörri nyeny Babiløn na ö kuna tuk paac, waana köö, ni ‹Ööu, waa reŋŋø Jerucalem, kany poode ni jø leny mo Babiløn ki jø leny mo Aram poot kär pïï.› Køøre waana öö ni bëëtwa Jerucalem.»

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 51:44

Ni jääla jwøge ma Bël Babiløn, ni tïïa eni nee gïïa løønye ŋöö wøk. Ni tïme ni bäŋ wïth juurre mo cøøa baŋe këët. Këëlla kiir Babiløn na teek døc opädhi.

Daniel 5:13

Kanyøgø Daniel aput kïth nyïm nyeya, ni ö nyeya ni cääne ki gø ni kööe, ni «?Beeye ï Daniel na en røk jøøa mak ki tøŋ Juuda, na käl wära ma nyeya ki yi Juuda?

Daniel 5:18

«Wui nyeya, Jwøa Dwøŋ ni en Maal wäru ma Nabukedenecör amooe ki teek nyec, ki dööŋ kar, ka ajiem, ki wödö.

Abakuk 1:16

Kiper manøgø nø, ge wø cïpö ko olämme jï ajääpi moge, ni wääŋge ki gïn wø jïye ŋwääi ni met jï ajääpi moge, kiper beeye ki køør gïïögø na jïtge ki kwärö, ni tïm cam marge ni päl.

Dhekaraya 5:11

Ni løk gø jïra, ni «Ge kïtha gø yi ŋööm Babiløn nee gëënni ki øtø yie. 'Ba kanyo jiiŋ øtø manøgø, eno put bëëtö kare kunece.»

Tiet Ciik 32:30

?Aŋø, doo na ge kär wec Wuuö Jwøki, Jwøge na teek, na cïp geni ceŋ nyïïmänge, nyimän aciel jø Icriel ma kuma a dee gø riemmø nidïï? ?A nyïïmän ariiø thuwø jiy ma kume apaar a dege gø riemmø nidïï?

Pïëmme 2:14

Ni ö Wuuö Jwøki ni put wëër døc ki jø Icriel, ni cïp geni ceŋ jøøa twier japge, ki nyïïmän moge moa bëëtge dïge, ni tïmge ni ge ba maar cuŋŋö nyïm nyïïmänge kany wø tïme na ri leny.

Pïëmme 3:8

Køøre Wuuö Jwøk aput wëër døc ki jø Icriel, ni put ge cïp cer Kucan-Ricataym nyeny jø Aram-Naarim; ni ö jø Icrielli ni putge Kucan-Ricataym tïnynyö ki cwiiri abära.

Pïëmme 4:2

Ni ö Wuuö Jwøki ni cïp geni cer Jabin nyeny jø Keenan, ŋata bëën paana cwøl na Adhör; 'ba kwääc lwaa leny mare beeye Cicara nyen mo bëëdö paana cwøl na Aröcët-Agöyim.

1 Camiel 5:2

Køøre jø Pilitin acanduk mar Jwøk akälge ni kïthge gø yi øt jwøge ma Dagön ni putge gø cïp buut Dagön.