Daniel 1:17 - Wëël Jwøk

¹⁷ 'Ba wøpe moø na aŋween yøø, gena mooc Jwøki ki kwänynyö, ni tiet luup kwänynyö bëët moa no ogöör piny cøøa wïthge. Ni ö Danielli ni tïme ni løny jïre ki man ŋäc tiet jammi bëët mo wø nyooth ki yi wïc ki yïth lääk.

Daniel 1:17 Iomraidhean Croise

1 Nyeye 3:12

ka adïëri møn, aani gïnögø tïïa tïïö ki køør luummï. Neenï, aani, a cïpö jïrï ki leec wïc, nee gïn mo beer ki gïn mo raac tïme ni ŋäyï, ni tïme ni bäŋ ŋat mo rööma ïïni ki leec wïc ki mana täge ya acääŋŋe, këël yi nyïme.

1 Nyeye 3:28

'Ba kanya ö jø Icrielli na wïnyge luum ŋøl mana ŋøl nyeya, gena put tïmö ni ge lwäär ki eni; kiper ajootge ni eno nø mooc Jwøki ki leec wïc nee luup wø ŋøle na karge.

2 Luup Nyeye 1:10

Ennø, mooc aani ki leec wïc ki kwänynyö, nee lønye jïra ki man bwødha jiy moi. ?Kiper aŋa ni løny jïre ki man käär jiyï moi ni thööth ii?»

2 Luup Nyeye 1:12

leec wïc ki kwänynyö acïba jïrï. 'Ba aani, ï mooa mooø thuwø ki jap kwärö mo thööth, ka ajiem, mo poot bäŋgø cøøn jï nyeye moa kwøŋ nut niï poodi, këël nyeye mo oööi køørï.»

2 Luup Nyeye 26:5

Ni put bëëte ni manynya Jwøk ki yïth nïne moa beet Dhekaraya, ŋata pwöny gø ki køør jammi moa nyooth Jwøki. 'Ba kanya bëëde ni eni manynya Wuuö Jwøk, jammi atïïc Jwøki jïre ni beyø.

Jööp 32:8

'Ba beeye Jwïëc Jwøk ni wø en dëër dhaanhø, ni beeye jam dhi Jwøa en teeki jïre ni wø cïp kwany tiet luup jï gø.

Pwöc Leec Wïc 2:6

Kiper Wuuö Jwøk beeye ni wø cïp leec wïc, ni luup kwänynyö ki ŋäc tiet luup wø ö wøk ka dhee.

Luup Dïpööy 2:26

Kiper ŋat mo bëëtö mare beer ki nyïm Jwøk, eni mooe mooø ki leec wïc, ki kwänynyö, ki met ec; 'ba ŋat ma ŋat raay tïïe tïïö nee jïte ki jammi ni cooŋ geni piny nee dööŋge jï ŋata bëëtö mare beer ki nyïm Jwøk. Manøgø thuwø poot na gïn mo bäŋ tiere ni caala man many jamø nee mak.

Aydheea 28:26

Kiper beeye Jwøk mare na nyuunh gø na pwöny gø ki jöö mana beer.

Edhikiel 28:3

Ïïni wïïï leer møn niï kaala Daniel, ni bäŋ luubö mo tiere okanø ki ïïni.

Daniel 1:18

'Ba kanya thum nïne moa kwaan nyeya ma Nabukedenecör ki man ö jøøgø nyïme, ŋata bëëdö na wïth jø kööre jøøgø akäl nyïm nyeya.

Daniel 1:20

'Ba jöör leec wïc bäre ki jöör ŋäc tiet luup moa ö nyeya na pëëny geni ki ge bëët, ajoode na ajuuk ki jø wø nyeŋge reegø ni wø pëënynye yi po nyec mare bäre ege kaalø kwöre apaar.

Daniel 1:4

ni beege wøpe mo bäŋ möönynyö dëëtge, mo mïërö, mo wïthge kwel ni wïthge leer, mo nyeŋge reegø ki kwänynyö, ni tiet luup laara ci wïthge, mo orømø ki man tïïge paan dwøŋ. Ni tïïc geni nee pwönynyi ki göör luubö, ki dhøk mar jø Kaldia.

Daniel 10:1

Kanya tïme na ri dää cwiiri moa beet Kiröci ni ena nyeny Parca, da dwøl moo nyoodhø jï Daniel ni wø nyeŋŋe cwøl ni Belthacacör, ni dwørøgø beeye adïëri ni cäänö kaper leny mo dwøŋ. 'Ba tier dwørøgø akwanye, ni nyooth jïre ka yïth lääk.

Daniel 2:19

Kanyøgø gïnö ni tiere okanø enø aput nyooth jï Daniel ki wäär yïth lääk. Køøre Daniel Jwø maal aput pwøc,

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 2:23

Wui, ï na Jwø kwäya, a duua met ec jïrï ki pwøc, kiper aana mooyï ki leec wïc ki teek, ni ennø, aana tïïyï ki man ŋääa tier gïna pëënywa ïïni ki gø, kiper waana tïïyï ki man ŋäcwa tier lääk mar nyeya.»

Daniel 2:30

'Ba aani, gïnögø ni tiere okanø enø, anyooth jïra, ni paa kiper ni da leec wïc jïra mo dwøŋŋa eni mo kaala mar jiy bëët moi ni kwøw ii, 'ba beeye kiper nee tier gïna cääne kipere ŋäyï, ï na nyeya, na acaare moa en wïïï tietge ŋäyï.

Daniel 4:6

Kanyøgø aana jäägö ki dwøl nee jø Babiløn bëët moa nyeŋge reegø øømmi nee käl nyïma kiper nee tier gïna cään lääki kipere caange jïra.

Daniel 5:14

Ennø, gïrï awïnynya ki man näk mo jwïëc juu ena bäätï, ni ö kwel wïci, ki leec ŋeth, ki leec wïc mo opöödhö ni joodi baŋï.

Daniel 7:1

Yi cwiir mana dïkwøŋ mana tïm Belthacörri ni ena nyeny Babiløn, Daniel alägö ki lääk ni jïte ki gïï mo onyoodhø jïre ki yi wïïe kanya bëëde ni ena bäät pëëm niine mare. Køøre eni lääk agöör piny, ni caan gø na ennø nø.

Daniel 8:1

Kanya tïme na ri dää cwiiri moa beet Belthacörri ni ena nyeya, a na Daniel, aana nyuunhnhi ki lääk køør lääk mana kwøŋ nyooth jïra dïkwøŋ.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Luk 21:15

Kiper uuno mooa ki dhøk ki leec wïc, mo ba maar lønyø jï nyïïmännu ki man duunge uuni, wala man piemge gø.

Moa Tïïc Nyïïatwieli 6:10

'Ba kär løny jïge ki man maarge dwøk baŋe ki luubö, kiper leec wïc ki Jwïëc Jwøk na cääne ki gø.

Moa Tïïc Nyïïatwieli 7:10

ni piem gø yïth gïïa leth bëët na pïï dëëre, ni døøc wï gø mo leer nyïm Peerø nyeny Ijep, ni wëëk Peerø mëëyö ki gø, ni put gø tïïc na kwäärö bäät Ijep, ki bäät paare bäre.

Moa Tïïc Nyïïatwieli 7:22

Ni ö Modhe ni pwönynyi ki gïïa ŋäc jø Ijepi bëët, ni tïme ni teek ki tïïc ki cäänö.

Köløcia 1:9

Kiper manøgø nø, ki mana täge dïcäŋa wïnywa gø yie, bäŋ dïcäŋ aciel mo ewa ŋøl wøk, ni wa ba lämö kiperu, ni wa kwaaya Jwøk nee moa many Jwøki bëët tïme ni ŋäyu ki køør leec wïc ka acaare bëët mo wø en ri Jwïëye,

Jeemeth 1:17

'Ba muuce bëët moa näk othur karge wø ööi ki maal ni öge piny ki baŋ Wuuö na näk wää tarri ni wø ba dak, ni ba caal tïpö ni wø dääŋi.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.