Bwøth Wøk 7:3 - Wëël Jwøk

³ 'Ba aani cwïny Peerø odøøya mo teek, ni tïïa ŋïïce ki gïï mo rëëma ec 'moa ni thööth yi ŋööm Ijep.

Bwøth Wøk 7:3 Iomraidhean Croise

Neemiya 9:10

Ïïna tïïö ki nyuuthe ki gïï mo rëëma ec dëër Peerø ki dëët jiye moa kwörge døøŋŋø bëët, ki dëët jiy bëët moa en yi ŋöömö mare, kiper ïïni, gïna tïïcge ni bëëtge ni ge töödö bäät jiyï ki gø ŋäyï. Ïïni, nyeŋŋï atïïyï nee wïnye kaawat man bëëde dïcäŋi en.

Bwøth Wøk 11:10

'Ba Modhe ka Aran gïï mo rëëma ec moøgø atïïcge nyïm Peerø; 'ba Wuuö Jwøk cwïny Peerø poot døøye mo teek, ni ö Peerø ni män jø Icriel ki man aacge paare.

Bwøth Wøk 11:9

Kar kanyøgø onø caan Wuuö Jwøki jï Modhe, ni «Kiper nee gïï mo rëëma ec 'moa rege meetge bäät Ijep, Peerø luubö maru ba wïnynye.»

Bwøth Wøk 14:4

Køøre aani cwïny Peerø odøøya mo teek, ni läm køøru. 'Ba aani teek mara onyoodha ki ri Peerø ki lwaak mar leny mare bäre; ni ö jø Ijepi ni putge gø ŋäc møn ni beeye aani na Wuuö Jwøk.» Ni ö jø Icrielli ni døøge ŋäthge keda mana caani ya Wuuö Jwøki jïge.

Bwøth Wøk 3:20

'Ba aani cera orwiea bäät jø Ijep, ni tïïa gïï mo leth dëëtge ki ri gïï mo rëëma ec moo tïïa yi Ijep. Køøre nø, wääth cïbe cïbö jïïu.

Bwøth Wøk 4:21

Ni cäŋ Wuuö Jwøki köö jï Modhe, ni «Kanyo døøï Ijep, nyuuthe bëët moa cïba teek marge jïrï nee tïïyï, wär tïïyï nyïm Peerø; 'ba aani cwïny Peerø odøøya mo teek nee jø Icriel mäne ki man aacge.

Bwøth Wøk 4:29

Køøre Modhe ka Aran gena aay ni cooŋge jø døøŋŋø mo jø Icriel bëët kanya ciel.

Bwøth Wøk 4:7

Køøre Wuuö Jwøk aköö, ni «Dwøk cerï tierjwöthï.» Ni dwøk cere tierjwöthe; 'ba kanya käl gø wøk ki tierjwöthe, cere onø døø kare ni caala dëëre.

Bwøth Wøk 7:13

'Ba Peerø cwïnye poot bëëdö ni teek, ni käre luumge wïnynyö, kaawat mana kwøŋi ya Wuuö Jwøki caan jï Modhe.

Bwøth Wøk 9:16

'Ba gïna wiia ïïni kipere niï bëëdï, beeye kiper nee teek mara nyoodha jïrï, nee gïra køp bäät piny bäre.

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Mikiya 7:15

Wui Wuuö Jwøk, nyuuthï jïwa ki gïï mo rëëma ec, kaawat mana kwøŋï nyooth ya acääŋŋe kanya kälï wa wøk ki Ijep.

Jøøn 4:48

Kanyøgø Jecu aköö jïre, ni «Ni näk ŋïïce ki gïï mo rëëma ec ba neennu, u ba jïëy ni ŋäädhu.»

Moa Tïïc Nyïïatwieli 2:22

«U na jø Icriel, wïnynyu luupi ii. Aani, a cäänna uuni kiper Jecu nyï Nadhareth, ŋata nyooth Jwøki jïïu ki tïïe mo døøŋŋø ki gïï mo rëëma ec ki ŋïïce moa tïïc Jwøki dïïu ki køøre, kaa mana ŋäyu gø ki dëëtu.

Moa Tïïc Nyïïatwieli 7:36

Ni bwøth jø Icriel wøk ni tïïe ki gïï mo rëëma ec ki ŋïïce yi Ijep, ki bäät Naama Kwaar, ki dï paap ki yïth cwiiri ma pïëraŋween.

Wëëlö Mana Göör Pøølli Baŋ Jø Röm 15:19

ki teek mar ŋïïce ki gïï mo rëëma ec, ki køør teek Jwïëc Jwøk na en kur keere. Ni køba luumma nyään na met mar Krictø dï paac bäre, ni tägi ka yi Jerucalem këël mana këët Ilirikam.

Wëëlö Mana Göör Pøølli Baŋ Jø Röm 9:18

Kiper manøgønø, eni wø kønya ŋat wø kønye kaa mana manynye, ni ŋat wø cwïny gø døøc mo teek, wø døøye mo teek kaawat mana manynye.

Tiet Ciik 4:34

?Aŋø, a jwøa ŋø na päär gø ki man kääde ki wï jur kiper dëëre dï wï jur mør, kaawat mana tïïc Wuuö Jwøki na näk Jwøu kiperu Ijep, na käl u wøk ki køør päärö mo teek, ki ŋïïce ki gïï mo rëëma ec, ki køør leny ki teek bade ki teek mare na dwøŋ, ki gïïa døøŋŋø na tïïe na kännö ki lwär, na jootu ki nyeŋŋu?

Tiet Ciik 7:19

ni beege gïïa leth døc na jootu ki nyeŋŋu, ki ŋïïce ki gïï mo rëëma ec moa tïïc Wuuö Jwøki na näk Jwøu ki teek bade ki teek mare na dwøŋ kanya käl uuni wøk. 'Ba Wuuö Jwøk na näk Jwøu teeŋ gïïögø thuwø otïïe dëët jiy bëët moo lwäyu ki geni.