Bwøth Wøk 3:2 - Wëël Jwøk

² Kanyøgø nyïïatwiel maal mar Wuuö Jwøk ree anyoodhe jï Modhe ki yi maac mo liel dï abuŋŋö; ni ö Modhe ni lwïthe, ni joot abuŋŋö ni liel, 'ba abuŋŋö kär waaŋ.

Bwøth Wøk 3:2 Iomraidhean Croise

Wïlöölö 21:17

Ni ö Jwøki ni wïny dwør nyilaal ni jwöŋö thuwø; ni ö nyïïatwiel Jwøki ni cwøl Eegar ki maal, ni kööe jïgø, «?Eegar, agïnaŋø na tägö dëërï? Kärï lwäyö, kiper Jwøk dwør nyilaal awïnynye ni jwöŋö kanyo en yie enø.

Wïlöölö 22:11

'Ba nyïïatwiel maal mar Wuuö Jwøk acwötö ki maal ni kööe, ni «Eeberam! Eeberam!» Ni kö Eeberammi, ni «Aani en.»

Wïlöölö 48:16

na näk nyïïatwiella køny aani yïth gïïa reyø bëët, beerra man gwïëth obwöre moi, ni bëët nyeŋŋa ki nyeŋ kwara ma Eeberam ki nyeŋ wära ma Aydhak ni di cwølø ki køørge, ni tïmge ni thööth na lwaak mo päl dï piny bäre.»

Bwøth Wøk 19:18

Kar kanyøgø Kïn Caynay atïmö na jïrö bäre, kiper mana ö Wuuö Jwøki na ö bäät kïdi manøgø ki maac. Ni put jïrö tïmö ni nyäälö bäät kïdi kaamar jïc dwaar, ni ö kïdi manøgø bäre ni put tïmö ni jäŋŋi døc.

Bwøth Wøk 23:20

«Ennø, aani, a na Wuuö Jwøk, a jääŋŋö ki nyïïatwiel maal mo cäädhi nyïmmu mo gwøga uuni ki yi wääth maru, kiper nou kïth kanya näk yaa jiiŋŋø kiperu.

Bwøth Wøk 24:17

'Ba jø Icriel ajiem Wuuö Jwøk nëënö jïge bäät kïdi keda maac mo waaŋ mo thööra jammi bëët.

Bwøth Wøk 3:16

«Ciï ni cooŋï jø døøŋŋø mo jø Icriel kanya ciel ni kööï jïge, ni Wuuö Jwøk na näk Jwø kwäyu, na näk Jwø Eeberam ki Aydhak ki Jeekap, ree anyoodhe jïra ni kööe, ni ‹Ka adïëri møn, a cädö kiperu këël kiper gïïa tïïc dëëtu Ijep,

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Daniel 3:27

Ni ö kwääri ki jø jääk, ki jø kööre, ki jø wø cïpi ka acaare jï nyeya ni putge rege cooŋ kanya ciel lak jøøgø, ni jootge gø ni maac dëët jøøgø käre mooø ki ŋwellø, ni jïëc wïthge kär waaŋ, na abïïk dëëtge rege kärge miinynyø, ni dëëtge kär ŋwääö ki jïc maac.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Maak 12:26

'Ba nee kiper tïŋ jiy maal ki yi thøø, ?käru kwaanø yi wëël Modhe kanya no ocaanø kiper abuŋŋö, kanya kö Jwøki jïgø, ni ‹Aana Jwø Eeberam ni näga Jwø Aydhak, ni näga Jwø Jeekap›?

Luk 20:37

'Ba këël Modhe nyootha gø ni jiy duua wøk ki yi thøø, yïth luupa caan ki ya abuŋŋö, kanya cwøl Wuuö Jwøk ni Jwø Eeberam, ni näk Jwø Aydhak, ni näk Jwø Jeekap.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Tiet Ciik 33:16

Ni jït ŋøømmi ki gïï mo beyø ni røm ŋöömö bäre; ni ö met yi Wuuö Jwøk na nyooth ree ki dï abuŋŋö ni tïme ni nutö kiperge. Beerra man thur gïïögø bëët karge jï jø tuuŋ Jocep, ge na kwarge ma Jocep bëëdö ni dwøŋŋa kare dï uutwänni.

Tiet Ciik 4:20

'Ba Wuuö Jwøk uuna lwøre ni käl uuni wøk ki Ijep na näk caala këën thäth mo liel, kiper nou tïmu ni uuna jiy moa näk thööge, kaawat man bëëdu dïcäŋi ennø.

2 Thecalönika 1:7

ni cïp jwömö jïïu ki waani bëët, u ni en yïth gïï mo leth enø, kanyo nyooth Kwäärö ma Jecu ki maal, ki nyïïatwiet maal moe na teek, ki yi maac mo liel,

Pïëmme 13:13

'Ba Wuuö Jwøk na nyooth ree kaamar nyïïatwiel maal aköö jï Manöa, ni «Beerra man ö nyijøøgø ni këël wïïe ri luup bëët moa caana.