Bwøth Wøk 26:2 - Wëël Jwøk

² 'Ba bär mar abïï man nø beeye gööye ma pïërariiø ka abära, ni dööŋ yie beeye gööye aŋween. 'Ba abïïe bëët wär näk mo gööye moge röömi.

Bwøth Wøk 26:2 Iomraidhean Croise

1 Luup Nyeye 17:1

'Ba kanya tïm Deebiti ni bëëdö paan dwøŋ yi øde mana geer jïre, ena köö jï nyikuŋ Jwøk ma Nathan, ni «Neenï, aani a bëëdö yi øtø mo geer ka jenni mo perge leth; 'ba acanduk man wø nyooth luumma tuut Wuuö Jwøki ki jiy, bëëdö yo oduŋkaara jaak.»

2 Camiel 7:2

ena köö jï nyikuŋ Jwøk ma Nathan, ni «Neenï, aani a bëëdö yi øtø mo geer ka jenni mo perge leth; 'ba acanduk mar Jwøk bëëdö yo oduŋkaara jaak.»

Kwään Jiy 4:25

rëëbi mana en bäät kar bëëtö mar Wuuö Jwøk, ki rëëbi mar oduŋkaara, ki rëëbi mana en bääte, ki rëëbi mar pëët lääy mo onyøŋø na en bäät moøgø, ka abïï man wø gëëŋ dho oduŋkaara ki gø.

Bwøth Wøk 26:1

«'Ba oduŋkaara mana näk kar bëëtö mara, a na Wuuö Jwøk, wär tïïyï ka abïïe apaar mo cwääc ka waac lïïna mo tar mo mïërö ki waare mo kïtge caala kït abïcøle ki ma dïmuur ki mo kwaar. Abïïe moøgø wär tïïyï ni dëëtge da kït nyïïatwiet maal mo wø cwøl ni kirubëlli, ni tïïya dhaanhe mo waŋe riek ki tïïc manøgø.

Bwøth Wøk 26:3

Abïïe abïïc wär kwøc na abïï aciel, ni ö abïïci møga ni kwøi na abïï aciel thuwø.