Bwøth Wøk 10:3 - Wëël Jwøk

³ Køøre Modhe ka Aran aci baŋ Peerø ni köge jïgø, ni «Gïna caan Wuuö Jwøki na näk Jwø jø Ibaru beeye en, ena köö, na ‹?A këël kany mo nyïëdi nø, noo bëëdï niï kweeyø ki man dwøgï dëërï piny ki aani? Wec jiya nee aacge kiper naa tïnyge.

Bwøth Wøk 10:3 Iomraidhean Croise

1 Nyeye 18:21

Køøre Ilaaja aö baŋ jiy ni kööe, na «?A këël kany mo nyïëdi noo bëëdu nou wïdö yïthakic acaare ariiø? Ni näk Wuuö Jwøk beeye Jwøka eni, caathu køøre; 'ba ni näk Baal beeye Jwøka eni, putu køøre caath.» 'Ba bäŋ dhaanhø mo odwögö jïgø ki luubö.

1 Nyeye 21:29

na «?Aŋø, ajootï na ö Akapi na dwøk dëëre piny nyïma? Kiper mana dwøk dëëre piny nyïma, aani gïn mo leth ba käla bääte ennø ni eni poot kwøw, 'ba gïn mo leth okäla bäät jø dhi øde yïth nïne moo beet wääde.»

2 Nyeye 22:19

ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni ge tïmö ni gena jøw mo cwïny pädhö ki gïrge ni geno nipäät, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

2 Luup Nyeye 33:12

'Ba kanya bëëde ni eni ena yïth gïï mo leth, Wuuö Jwøk, Jwøk mare, akwaae, ni dwøk dëëre piny døc nyïm Jwøk, Jwø kwäye.

2 Luup Nyeye 33:19

'Ba lam mar Maneeca, ki kanya ö Jwøki na wïny kwac mare, ki raay moa tïïe bëët, ki mana bëëde ni bääö dëër Wuuö Jwøk, ki kwör lam moa tïïe bäät thuuri, ki jenni moa no ocaa ri jwø wø cwøl na Acara na tïïe, ki gïï wø lam moa no otieŋø moa cwöth piny yïth kwör lam moøgø, kanya poode ni dëëre poot käre dwøk piny nyïm Wuuö Jwøk, ogöör piny yïth luup jø wø joot jammi ki køør man wø nyooth Jwøki jïge.

2 Luup Nyeye 34:27

ena köö, ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

2 Luup Nyeye 7:14

jiya mo wø cwøl ri nyeŋŋa ni näk mo dëëtge dwøkge piny ni mwöl, ni lämge, ni manyge aani, ni wecge jïëdhi moge na reyø, aani döötge wïnynya wïnynyö ki maal, ni wëënna raay moge, ni dwøga paac marge kare.

Jööp 42:6

Kiper manøgønø, aani dëëra ajääla, ni køba raay 'moa naa bëëdö yi tør ki yi bur.»

Bwøth Wøk 10:4

'Ba ni näk mo ïïno kweer ki man weyï jiya nee aacge, ka adïëri møn, diøø a puta kän dï paarï ki lwaa bäänyö;

Bwøth Wøk 16:28

Kanyøgø Wuuö Jwøk aköö jï Modhe, na «?A këël kany mo nyïëdi nø no bëëdu nou kweeyø ki man gwøgu ciik 'moa ki gïïa cema?

Bwøth Wøk 4:23

Acaana jïrï, ni «Wec kanynya nee aae, kiper naa tïnynye»; 'ba ïïna kweer ki man aae. Ennø, wäätu moa näk kaai bëët nääa nääø.› »

Bwøth Wøk 5:1

Køøre cään Modhe ka Aran gena ci baŋ Peerø ni köge jïgø, ni «Gïna caan Wuuö Jwøki na näk Jwø Icriel beeye en, ena köö, ni ‹Wec jiya nee aacge nee tïïge ka ajwöma jïra dï paap.› »

Bwøth Wøk 9:17

Ennø, dëërï poot iï thïïŋö bäät jiya, ni mänï geni ki man aacge.

Pwöc Leec Wïc 1:22

ni «?U na näk acaara maru thiinh, a këël kany mo nyïëdi nø noo bëëdu nou mëër ki bëët thïnh acaara? ?Naa këël kany mo nyïëdi nø noo bëët jø abuua ni yïthge met ka abuua, ni bëët jøøa wïthge känni ni ge kweeyø ki kwänynyö?

Pwöc Leec Wïc 1:24

'Ba kiper mana cøøra uuni ni kweeru, ni rwääa ceŋŋa baŋu, ni bäŋe ŋat mo oneen gø,

Pwöc Leec Wïc 18:12

Kany wø poot dhaanhe ni kär ränynyö, cwïnye wø da atöör, 'ba kany wø bëët dhaanhe ni mwöl, wø jïtö ki wödö.

Aydheea 1:5

?Aperŋø ni poot bëëdu ni uuno nieŋ yïth raay en? ?U poot manynya man pwöt uuni? Wïthu moø bëët bëëdö no opääŋ täwi, ni ö cwïnynyu ni kwääli ya raayi;

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 13:18

'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Edhikiel 5:6

'Ba ki køør rääö mare, ciik 'moa ki gïïa köömma eni ki ge akwiere, ni kaala wïth juurre ki mïëri moa en deŋŋe. Eni ciik 'moa akwiere, ni käre cäädhö ki køør gïïa köömma eni ki ge.»

Daniel 5:22

«'Ba ï na wääde ma Belthacör, dëërï kärï dwøk piny, këël na bëëdï ni gïï bëët ii ŋäyï.

Kwään Jiy 14:27

«?A këël kany mo nyïëdi noo ö lwaaki man ni raac en noo ŋure ki nyeŋŋa? Aani, ŋurö mar jø Icriel mana ŋurge ki nyeŋŋa ki gø awïnynya.

Wëëlö Mana Göör Pøølli Baŋ Jø Röm 2:4

?Aŋø, met yi Jwøk na päl na bëëde ni cwïnye ee cïp piny ni ba laar jøømø iï taaø? ?Aŋø, kuyï ni met yi Jwøk beeye kiper nee cwïnyï løgï?

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.

Jeemeth 4:10

Døøyu dëëtu mo mwöl nyïm Wuuö, 'ba uuno røønye.

1 Piter 5:6

Kiper manøgønø, døøyu dëëtu mo mwöl nou ena cer Jwøk na teek, kiper nee u røønye kanya näk kare.