Bwøth Wøk 1:9 - Wëël Jwøk

⁹ Køøre ena köö jï jiye, ni «Ennø, jiy moa näk nyïïkwaac Icriel atïmö ni thööth ni teeka geni døc ni kaala øøni.

Bwøth Wøk 1:9 Iomraidhean Croise

Wïlöölö 26:16

Køøre Abimëlëk aköö jï Aydhak, ni «Aayï buutwa kany, kiper atïmö ni teeka ïïni døc ki waani.»

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

Jööp 5:2

Kiper keec cwïny, dhaanhø mo wïïe ba leer nääe nääö, ni ö gootø ni 'näk dhaanhø ma acaaye thiinh.

Bwøth Wøk 5:5

Ni cäŋ Peerø köö, ni «Neennu, kawaane jø tïïe moa can dï paani atïmö ni thööth. 'Ba ennø, u tïïya jiy nee tïïe moge wecge.»

Pwöc Leec Wïc 14:28

Ajiem nyeya beeye thööth jiy moe, 'ba ni näk bäŋ jiy beeye ränynyö mare.

Pwöc Leec Wïc 27:4

Wëër cïïmma tïïc gïï mo reyø ni räänyö kaamar jwïïö. ?'Ba aŋa ni maar cuŋŋö nyïm ŋat mo cwïnye okëënynyö?

Luup Dïpööy 4:4

'Ba ajooda møn ni jammi bëët mo wø tïïc ki öölö ki mo wø tïïc bëët ki køør riek waŋ, ööi ka ri këëyö man wø tägi yïthakic dhaanhø ki wati. Manøgø thuwø poot na gïn mo bäŋ tiere ni caala man many jamø nee mak.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

Jeemeth 4:5

Wala you caarø ni gïn wø caan Wëël Jwøki oballe jaak, ni wø köö, ni «Jwøk cwïnye lääŋŋa jwïëy mana tïïe nee bëëde dëëtø.»