Aydheea 9:3 - Wëël Jwøk

³ Wui, Wuuö Jwøk, wï jur marï otïïyï nee nyaacge ni tïmge ni thööth, ni tïïyï met ec marge ni dwøŋ, ni mïn yïthge nyïmï, kaamar man wø mïn yïth jiy ri kac ki beel, wala man wø mïn yïth jiy mo ge pääŋŋa jap twëër.

Aydheea 9:3 Iomraidhean Croise

Neemiya 9:23

Ïïni, kwään nyïïkwaacge atïïyï ni thööth ni caala ceec maal, ni 'kälï geni yi ŋöömö mana caanï jï kwäcge 'ni ge cøøa yie nee lwørge na marge.

Jööp 12:23

Eni, wïth juurre wø tïŋe maal ni cäŋ ge raanynyø, ni wëëk wïth juurre nyaay ni cäŋ ge keethø.

Aydheea 10:26

Wuuö Jwøk, eni na wïth jammi bëët, alaŋŋa tïŋe maal bäätge kaawat mana tïïe na dïïr wïth jø Midien buut Kïn Orëëp, ni ö athøra mare ni tïŋ gø maal bäät naama dwøŋ, kaawat mana tïïe Ijep.

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 14:5

Wuuö Jwøk athøra mar jø raay anø toore, ni beeye athøny kwär mar cuumme,

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 26:15

Wui Wuuö Jwøk, wï jur marwa ameetï, wï jur marwa ameetï møn, ni nyaayï nyeŋ kee mowa bëët, ni jït nyeŋŋï ka ajiem ki køøre.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 35:2

Geno løth ni tïmge ni pulli, ni tïm yïthge ni met døc, ni kwöŋge ki met ec. 'Ba teeŋ ajiem mar lur Libaanø di cïbö jïge, ni ö teeŋ wödö mar thuur Karmël ki pwöl Carön ni mëëgi geni. Geni ajiem ki wödö mar Wuuö Jwøk, Jwøk marwa, oneenge.

Aydheea 54:1

Wuuö Jwøk aköö, «Wui, ï na Jerucalem ni caal dhaagø ma bwøc mo kär nyöötö ko obwöre, kwöŋŋï ki met ec! Kwöŋŋï døc niï wär ki met ec ni dwørï iï tïŋ maal, ï na näk mäc lwaar kuyï; kiper ïïni, këël na bëëdï ni ïïno dööŋ keerï, ïïno jïti ko obwöre mo thööth, niï kaala dhaagø mo bëëdö ka cwøre.

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Aydheea 65:14

Ka adïëri møn, jiya geno bëëdö ni ge wär ki dudi ki met ec ki cwïnyge bäre, 'ba uuni, uuno bëëdö nou jwöŋö ki gootø mana en cwïnynyu, ni gööu ko oduuru ni cwïnynyu opädhö.

Aydheea 65:18

'Ba ennø, yïthu mïnge ni kanynyu na bäre bäre ki gïno cwääa, kiper Jerucalem cwääa cwääö na pääny met ec, ni tïm jiye na mo met ec.

Aydheea 66:10

Bëëdu ni yïthu met ki Jerucalem nou kanynyø kipere, u bëët, u ni wø mëër ki gø; yïthu mïnge døc ki gø, u ni wø kïmmi kipere.

Jeremaya 31:7

Kiper man beeye mana caan Wuuö Jwøki, ena köö, ni «Wärru ni yïthu met ni döötu ena maal kiper nyïïkwaac Jeekap, ni kwöŋŋu ki met ec kiperge, ge na karge dwøŋ dï wïth juurre, ni køpu pwøc maru ni kwayu Jwøk, nou köö, ni ‹Wuuö Jwøk, piem jiyï ma jø Icriel moa näk odööŋ ni kwøw.›

Odheea 4:7

«'Ba kanya nyaac dïlämme beeye kanya kaathge tïï raay dëëra. Aani, ajiem marge wiila wiilø na lään wïc.

Ciik Kiper Dïlämme 26:13

Beeye aani na Wuuö Jwøk, Jwøk maru, na käl uuni wøk ki yi ŋööm Ijep, kiper nou ba bëëdu ni uuna laaŋe moge, ni paanya bëët laŋ bäätu na caal jaath puur ni wø jøøny ŋut rwaath, ni tïïa uuni nou cäädhu ni wïthu you täärö jaak.

Dhekaraya 10:8

Aani, jø Icriel ocwøla ki lwiyø naa cooŋa geni kanya ciel, kiper aani ge ya nø wïïl wøk; ni tïm kwäänge ni thööth ni caala mana kwøŋge bëëtö.

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 8:23

Wuuö Jwøk, eni na wïth jammi bëët, aköö, ni «Yïth nïne moøgø, jiy apaar ki røk wïth juurre ki dhøgi bëët abïïn ŋat Juuth man nø omakge ni köge, ni ‹Beerra man aa ki uuni na aciel, kiper awïnywa ni Jwøk ena buutu.› »

Luk 11:22

'Ba ni näk da ŋat mør mo teeka eni ki gø mo öö, ni päär bäät gø ni bööt gø, jap lenye na näk ee ŋäädhö lwøre lwørø, ni twier jap gø ni pääŋ gïïe na twiere.

Moa Tïïc Nyïïatwieli 8:8

Kiper manøgønø, met ec mo päl apïï paanøce.

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.

1 Piter 1:8

'Ba u mëër ki eni, këël na käru gø neenø, ni jïëyu ni ŋääthu eni, këël na ba neennu gø, ni mïn yïthu ki met ec mo päl døc mo ba løny ki par.

Pïëmme 5:3

Wui, u na nyeye, wïnynyu gïn! Wui, u na bëën mïëri, cegu ïthu! Aani, a wär ki duut jï Wuuö Jwøk; a wär ki duut naa pwøya Wuuö Jwøk, Jwø Icriel.

Pïëmme 7:22

'Ba kanya ö jø lenynyi mo jø Icriel moa näk dïpe adäk na koothge tuŋi, Wuuö Jwøk jø leny mo jø Midien atïïe nee rege 'näkge keerge ko opëëlle moge, ni put gïnögø tägö dï twïër bäre; ni ö jø Midienni ni putge reeŋø këël mana pïïcge Bëëth-Cita na näk dïët ki Dherera, këël mana pïïcge deŋ Abël-Mööla na en buut Thabet.

Pïëmme 8:12

'Ba kanya ö nyeye mo Midien moa na ariiø, ni beege Jeeba ki Jalmuuna, na reŋge, Gidien aput reŋ køørge ni mak geni; ni ö jø Midienni ni putge bwøk.

1 Camiel 30:16

'Ba kanya ö nyenøgø na kïth Deebit baŋ jø leny moøgø, ka adïëri møn, gena put nwänö ni geno ninyaŋŋa ni ŋöömö manøgø bäre ege gääbö, ni ge cämö, ni ge mädhö, ni ge miel ni yïthge met kiper gïïa twierge bëët na kälge ki yi ŋööm jø Pilitin ki yi ŋööm jø tuuŋ Juuda.