Aydheea 9:21 - Wëël Jwøk

²¹ Jø Maneeca ge ööa maal bäät jø Ipariem, ni ö jø Ipariemmi ni öge maal bäät jø Maneeca, ni marge døø rege. 'Ba rege ocäŋge dwallø ni nywääkge dëër Juuda. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 9:21 Iomraidhean Croise

2 Nyeye 15:30

'Ba Awcë wär Ëla agëëmö ki Peka o Remaliya, ni tuk gø piny ni 'näk gø, ni put läw kar gø na nyeya. 'Ba gïnögø atägö kanya tïme na ri cwiiri ma pïërariiø moa bëët Jötham wär Adhariya ni ena nyeny Juuda.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 11:13

Kanyøgø bëët keec mar Ipariem orwäänyi, ni ö nyïïmänni mo Juuda ni tïmge ni bäŋgø. Ipariem otïmö ni ba këëö kiper Juuda, ni ö Juuda ni ba cwaat yi Ipariem këët.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 13:14

Ni tïïa geni nee dëëtge nyathge keerge, ni beege jø døøŋŋø ko obwöre bëët. 'Ba aani, cwïnya ba doo pädhö ki gïrge, ni cwïnya ba daa bäädhö ki geni, ni yia ba daa warø ki geni, ni ge ba wiia ki man raanynya geni.› » Luummögø caana Wuuö Jwøki.

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Dhekaraya 11:14

Køøre riet athøra mara mana näk nyeŋŋe cwøl ni Dwätö alwøra ni toora gø; ni manøgø nyootha ränynyö mar dwätö mana en yïthakic jø Juuda ki jø Icriel.

Mathiew 24:10

'Ba kaaca jiy mo thööth odøø cään, ni tïm ŋati man nø ni dëëre ŋeee ŋeeø ki watge maya, ni mänge ki røkge.

Galeecia 5:15

'Ba ni näk mou kaaya dëëtu ni møønnu rou, dëëtu wär gwøgu, nee dëëtu ba raanynyu.

Pïëmme 7:2

'Ba Wuuö Jwøk aköö jï Gidien, ni «Jø leny moøgø ni buutï yøø, atïmö ni thööth døc ki man cïba jø Midien ceŋge, kiper kanymør jø Icriel ŋwöö jaak ni köge, ni ‹Waani, jø Midien aböötwa ki teek marwa keerwa.›

1 Camiel 14:20

Køøre Cøøl ki jø leny bëët moa en buute rege adwalge na aciel ni cige baŋ leny; 'ba ka adïëri møn, kanya pïïcge, ajootge ni jø leny mo jø Pilitin wïthge rege ege kierø døc, ni ŋati man nø cwøpa wati ko opëëllö.