Aydheea 9:20 - Wëël Jwøk

²⁰ Gïïa en bäät cwïïcge okälge ni camge ge, 'ba käc marge ba riemme, ni kälge moa en bäät cämge thuwø ni camge ge, ni ba jäŋge. Ni ö ŋati man nø ni døø ro obwöre moe ni cam ge.

Aydheea 9:20 Iomraidhean Croise

Luup Dïpööy 4:5

Dhaanhø mo wïïe bäŋ acaara bëëdö jaak ni ceŋŋe ee dwödö, ni eni raanynya dëëre keere.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 14:30

'Ba jiy moa näk dëëtge ba løny ki køny jïge, ge jïtö ki cam. Ni ö jiyi moa can ni bëëtge piny ni geno gwøø. 'Ba uuni, wïthu dïïra dïïrö ki käc, ni ö jiyu moa no obøth ki thøø ni thööri ya käci manøgø.

Aydheea 3:1

'Ba ka adïëri møn, Kwäärö Wuuö Jwøk, eni na wïth jammi bëët, ena bäät man käl køny mare wøk ki bäät Juuda ki Jerucalem, ni beege caammi ki pïï mo wø kønyge dëëtge ki ge;

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 51:19

Gïï na ariiø bëët ii, ööa bäätï, ni beege ränynyö mano raany pou ri leny, ki thøø mano näk jiy ki gø ko opëëllö, ki thøw käc. ?Aŋa nø, noo kïmmi kiperï? ?Na aŋa noo cøm cwïnyï?

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 13:14

Ni tïïa geni nee dëëtge nyathge keerge, ni beege jø døøŋŋø ko obwöre bëët. 'Ba aani, cwïnya ba doo pädhö ki gïrge, ni cwïnya ba daa bäädhö ki geni, ni yia ba daa warø ki geni, ni ge ba wiia ki man raanynya geni.› » Luummögø caana Wuuö Jwøki.

Jeremaya 19:9

Jiya otïïa nee ge ciel nyïïmänge dïër, ni ö nyïïmänge, ni beege jø wø many jwïëcge, ni tïïcge bëëtö marge ni leth; ni ö jiya ni camge rïk wäätge ki rïk nyïïge, ni ö geni ni døøge dëëtge keerge ni ö ŋati man nø ni cam rïŋ wati.›

Wëël Kïmmö 4:10

Këël mään moa bëëdö ni mëër ki nyïïge døc, nyïïge athaalge, nee tïmge na cam jïge, ki køør ränynyö mana raany jø powa ki gø.

Mikiya 6:14

Uuni, uuno cämö, 'ba u ba jäŋ, ni bëët yïthu ni poot ŋaam. Jammi mou odaaŋŋu nou kaanna geni, 'ba bäŋgø mo bøth, ni jammi moo kaannu cïba dhi tøŋ.

Dhekaraya 11:9

ni kööa, na «A ba tïmö ni aana dïkwääy maru këët. Moa näk manynya thøø, thøwge, ni ö moa many ränynyö ni ränyge, 'ba moo dööŋ ni kwøw geno døø rege ni camge rïŋ dëëtge.»

Maak 3:24

Ni näk paac dëëre ee pääŋŋö keere, paanøgø ba doo maara bëëdö.