Aydheea 9:19 - Wëël Jwøk

¹⁹ Piny waaŋ ki køør wëër mar Wuuö Jwøk, eni na wïth jammi bëët, ni tïm jiyi na jer maac mo liel maaci ki ge, ni put tïmö ni bäŋ ŋat mo cwïnye pädhi ki gïr watge.

Aydheea 9:19 Iomraidhean Croise

Aydheea 1:31

Jiy moa teek dëëtu otïmö kaamar akaraac mo otal, ni ö tïïe moge ni tïmge kaamar maac mo pätha yie, ni putge waaŋ bëët ni bäŋ ŋat mo lønye jïre ki man bïp gø.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 13:18

Athëëre moge, obwöc cwøw moa näk wøpe thöörge thöörö. Geni cwïnyge ba pädhi ki man 'näkge obwöre moa mar, ni yïthge ba warge ki 'näk obwöre moa therø.

Aydheea 13:9

Neennu, cäŋ mar Wuuö Jwøk öö, ni beeye cäŋ mo raac døc ma mar bëët rääm, ki wëër mo liel kaamar maac, ni tïïya ŋöömö manøgø nee dööŋe keere. Ni ö Wuuö Jwøki ni thöör jø raay mo ŋöömmögø ki 'näk.

Aydheea 24:6

Kiper manøgønø, piny aränynyö ki køør acïën Jwøk, ni ö jø wø bëëdö bäät piny ni rømge ka ajäla manøgø. Geno thöör ajäle mo leth, ni tïme ni dööŋŋa jiy mo nøk.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 3:5

Ni tïm jiyi ni ŋati man nø watge thiele piny, ni ö ŋat atut man nø ni dïïm ŋat atut mare. Wøpe ge ööa maal bäät jø døøŋŋø, ni tïm ŋata no otaaø ni töödö bäät ŋata no owøørø.

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 4:4

Wuuö Jwøk raay mo määr Dhayan penye penyø, ni peny remø mana køny piny dï Jerucalem ki køør teek ajäla mare ka ajäl maac mano käle ki ri Jwïëye.

Aydheea 42:25

Kiper manøgønø, wëër mare ni wø liel kaamar maac, na caal mäc leny, akøny bäätø, ø na jø Icriel, ni wëëk maac liel ki deŋ Icriel bäre; 'ba øøna bëëdö ni tier gø poot ba kwanyø. Øøna waaŋ Wuuö Jwøki ki maac, ni bëëdø ni bäŋ gïn mo caarø kiper gïna tägö.

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Aydheea 60:2

Ka adïëri møn, muudhö bäät piny aume, muudhö mo cøl ena bäät wïth juurre; 'ba Wuuö Jwøk ööa baŋï, ni ö ajiemmi mare ni nëëne bäätï.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Edhikiel 20:47

Caanï jï jø ŋöömma en jï løø tier-piny ni wø bëëdö na lul, ni kööï jïge, ni ‹Wïnynyu dwør Wuuö Jwøk. Man beeye luumma caan Kwäärö Wuuö Jwøki, ena köö, Ni ka adïëri møn, aani, a ena bäät man nyeba pou ki maac, nee jenni mou put maaci thöör bëët, ni beege jenni mou moa thec bëët ki moa no otal. 'Ba maac manøgø obëëdö ni ba løny ki bïp, ni ö jammi bëët moa en yi ŋöömö mar jï løø tier-piny këël jï løø wï-piny ni putge waaŋ ki maac.

Edhikiel 9:5

'Ba eni jøø na abïciel acäänne thuwø ni wïnyö jïra, ni «Cou køør ŋatøgø na jääŋŋa en dï pääny, ni 'nägu jiy; 'ba cwïnynyu kär pädhö ki gïrge, ni ba warru cwïnynyu ki geni.

Jool 2:2

Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Jool 2:3

Maac bwödhö nyïmge ni räänyö, ni maac caatha køørge ni wääŋö. Kanyo poode dïkwøŋ, ŋöömö bëëdö ni caala ajïniina mana en Ëden nyïmge, 'ba kanyo tïme na køørge, ŋöömö ränynyö ni tïme na kaŋ, ni bäŋ gïn mo obøth dhøkge na bäre bäre.

Ciik Kiper Dïlämme 26:26

Kanyo ŋøla jöör cam maru, mään apaar otïmö ni cam maru thaalge yi këënnö aciel, ni cïpge cam jïïu mana thaalge ni ege petø, ni cammu gø nou ba jäŋ.

Amøc 5:18

Otïmö ni raac jïïu, u ni many dïcäŋa näk mar Wuuö Jwøk. ?Agïnaŋø noo duu dïcäŋa näk mar Wuuö Jwøki jïïu? Dïcäŋa näk mar Wuuö Jwøk otïmö na muudhö ni patha tar.

Obadiya 1:18

Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Mikiya 7:6

Kiper wäädö wänni oraaŋe ni ee jarø, ni ö nyeyi ni ö maal bäät menni, ni ö cï nyeyi ni thïïŋ ree dëër waŋi mii cwøre; ni tïm dhaanhe ni nyïïmän moe beege jø wø en paare kiree.

Dhekaraya 11:6

'Ba aani thuwø, a na Wuuö Jwøk, cwïnya ba pädhi këët ki gïr jiy moi ni bëëdö yi ŋöömö man en. 'Ba ŋati man nø ocïba cer ŋat atut mare ki nyeya marge, ni ö ŋöömö ni putge gø raanynyø. 'Ba aani ge ba piema ceŋge.»

Dhekaraya 11:9

ni kööa, na «A ba tïmö ni aana dïkwääy maru këët. Moa näk manynya thøø, thøwge, ni ö moa many ränynyö ni ränyge, 'ba moo dööŋ ni kwøw geno døø rege ni camge rïŋ dëëtge.»

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mathiew 27:45

'Ba kanya tïme na caae apaar kurriiø ki dïcäŋ, piny atïmö na muudhö bäre këël caae adäk ka abøøya.

Moa Tïïc Nyïïatwieli 2:20

'Ba cäŋ odøøc mo cøl, ni ö dwääyi ni tïme na remø, kanyo poot cäŋ Wuuö ni kär öö, ni beeye cäŋo dwøŋ døc noo rëëm ec.

2 Piter 2:4

Kiper nyïïatwiet maal kär wec Jwøki kanya bääcge, 'ba gena leeŋ kar pöödö, ni kïth ge yïth buri mo cøl døc, nee bëëtge yïthge këël mano ŋøl luup marge piny.