Aydheea 9:18 - Wëël Jwøk

¹⁸ Ka adïëri møn, bëët rääö wääŋö kaamar maac, ni wø thöör otwel ki koodhi, ni tïme ni caala maa dwaar kany wø waaŋ lul, ni ö jïrö mare ni neetul maal.

Aydheea 9:18 Iomraidhean Croise

1 Nyeye 16:21

'Ba jø Icriel dëëtge apääŋge kwöre ariiø; ni ö thääŋö acielli ni ci køør Tibini o Ginat, kiper nee tïïcge na nyeya, ni ö thääŋö maya ni ci køør Ømri.

Aydheea 1:31

Jiy moa teek dëëtu otïmö kaamar akaraac mo otal, ni ö tïïe moge ni tïmge kaamar maac mo pätha yie, ni putge waaŋ bëët ni bäŋ ŋat mo lønye jïre ki man bïp gø.

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 27:4

Aani, a ba wëër ki gø këët. 'Ba ni näk mo da ŋat mo känna bääta ko otwel ki koodhi ni mare leny, aani, ge nyøøna piny ni puta ge waaŋ na bäre bäre.

Aydheea 3:5

Ni tïm jiyi ni ŋati man nø watge thiele piny, ni ö ŋat atut man nø ni dïïm ŋat atut mare. Wøpe ge ööa maal bäät jø døøŋŋø, ni tïm ŋata no otaaø ni töödö bäät ŋata no owøørø.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 33:12

Wïth juurre owaaŋ ni tïmge na bur, kaamar man wø waaŋ koodhi mo oŋøt piny.

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 50:11

'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Jeremaya 9:3

Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Odheea 13:3

Kiper manøgønø, ge caala rwöc mar amöölla, ni ge caala thööy ni wø laar rwäänyö, ni ge caala lethø ni wø laar jamø køøl kar dïn beel, ni ge caala jïrö ni wø duny wøk ki dha awëërnyeŋ.

Jool 2:20

Aani, lwaa bäänyö mana käl jï løø wï-piny enø, riema kany mo bäär ki uuni, ni riema gø yi ŋöömö mo lïëth ma tëën, ni ö moa bwödhö maal ni køøla geni yi Naam Acäbö jï løø kur tuul-cäŋ, ni ö moa en ŋää cään ni køøla geni yi naama dwøŋ na en jï løø kur pänh-cäŋ, ni ö ŋwääö marge na tïk ni keel piny, ni ö kwääö marge ni cääth maal, kiper ka adïëri møn, gena tïïö ki gïn mo teek.»

Jool 2:3

Maac bwödhö nyïmge ni räänyö, ni maac caatha køørge ni wääŋö. Kanyo poode dïkwøŋ, ŋöömö bëëdö ni caala ajïniina mana en Ëden nyïmge, 'ba kanyo tïme na køørge, ŋöömö ränynyö ni tïme na kaŋ, ni bäŋ gïn mo obøth dhøkge na bäre bäre.

Amøc 7:4

Man thuwø beeye gïna cäŋ Wuuö Jwøki nyoothø jïra ki yi wïïa; ena jooda ni jiiŋŋa ree ki man jääl jiye ki maac. Ni ö maaci ni taal pïï moa en tiet ŋøøm ni täge ki man raany pwöth.

Obadiya 1:18

Dhi øt Jeekap otïmö kaamar maac, ni ö dhi øt Jocep ni tïme kaamar leep maac; 'ba dhi øt Icøø otïmö kaamar lethø, ni puti ya jøøgø nyep ni thööri ya maaci, ni ö dhi øt Icøø ni put tïmö ni bäŋ dhaanhø mo dööŋ yie.» Manøgø caana Wuuö Jwøki.

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Tiet Ciik 32:22

Kiper wëër mara äpö kaamar maac, ni liele këël mano këët Ciöl, kanya näk kar bëët jwïëc jøøa näk othøw; ni waaŋ piny bäre ki gïïa en yie bëët ni thöör ge; këël kïte na näk tietge okëët piny waaŋe waaŋø.

Ibaru 6:8

'Ba ni näk tuya koodhi yie ko otwelø, bäŋ gïn mo rømi ki gø këët, 'ba kare cään ka cien ni cuŋŋe beeye waaŋ.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»