Aydheea 9:17 - Wëël Jwøk

¹⁷ Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 9:17 Iomraidhean Croise

Jööp 15:34

Jiy mo wø dwäti ki jøøa kwier Jwøk, ge ba jïti ki gïn mo beer; kwör bëëte mo jø wø tïïc gïï mo reyø di raanynyø ki maac.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 10:2

nee luup jøøa näk jïge bäŋ teek na can nee ba ŋølge na kare, ni teek bëëtö mar jiya moa can ba gwøkge; nee bëëtge ni ge møønna määr thuunhnhi, ni jap kïïe twierge twierø.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 13:18

Athëëre moge, obwöc cwøw moa näk wøpe thöörge thöörö. Geni cwïnyge ba pädhi ki man 'näkge obwöre moa mar, ni yïthge ba warge ki 'näk obwöre moa therø.

Aydheea 14:20

Ïïni, ï ba koony kaamar nyeye møga, kiper paac marï araanynyï, ni 'nägï jiy moï. Beerra man ö nyïïkwaac jiy mo wø tïïö ki gïï mo reyø ni rwääny nyeŋge na bäre bäre ni ba cwøl.

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 31:2

'Ba Wuuö Jwøk thuwø, wïïe leer; eni ba døø ŋääe ki luumme mo ee caanø. Eno känni ki gïï mo leth. Eni ööa maal ni tïïc gïn mo raac dëët jø wø tïïö ki gïï mo reyø ki dëët jø wø køny geni.

Aydheea 31:3

Kiper jø Ijep gena jiy, ni ge paa Jwøk, no okwëënyi moge beege lääy jaak, ni teek marge ba bëëdö na bäre bäre. 'Ba Wuuö Jwøk cere orwiee, ni ö ŋata cïp køny ni cwaany tiere, ni ö ŋata køny ni pädhe, ni ö geni bëët ni putge ränynyö na aciel.

Aydheea 33:11

Lethø anø ci iï kaamar dhaanhø, 'ba onywølï na luum mo otal, ni ö jam jwïëy marï ni tïme na maac ni cam ïïni.

Aydheea 33:12

Wïth juurre owaaŋ ni tïmge na bur, kaamar man wø waaŋ koodhi mo oŋøt piny.

Aydheea 40:30

Këël wøpe kiree wø tïmö ni jägö ni dëëtge øya piny, ni ö obwöc cwøwi moa teek ni tïm tietge ni cwänyö ni ge päänhnhö.

Aydheea 5:24

Kiper manøgønø, kaawat man wø ö leep maaci wø gam lethø, ni ö luummi mo otal ni thööri ya maaci, geni thuwø ge tïmö kaamar jenni mo lweetge otøp, mo bøøkge køøl jame køølø kaamar tør; kiper ciik Wuuö Jwøk, eni na wïth jammi bëët, akwierge, ni taakge luum gø, eni na Jwø Icriel na en kur keere.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Aydheea 65:19

Aani yia omïnni ki Jerucalem, ni tïm yia ni met ki jiy 'moa; ni tïm jwøk thøø ko oduuru ni ba wïnynyi yie këët na bäre bäre.

Aydheea 9:12

ni beege jø Aram moa en jï løø kur tuul-cäŋ, ki jø Pilitin mo wø bëëdö jï løø kur pänh-cäŋ, ni thöörge jø Icriel kaamar lääy mo dhee ee ŋaammø ni mare löönyö. 'Ba këël køør japøgø bëët, wëër mar Wuuö Jwøk ree poot ba paanye; cere poot bëëdö ni ee rwieø.

Aydheea 9:21

Jø Maneeca ge ööa maal bäät jø Ipariem, ni ö jø Ipariemmi ni öge maal bäät jø Maneeca, ni marge døø rege. 'Ba rege ocäŋge dwallø ni nywääkge dëër Juuda. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Edhikiel 20:33

'Ba ka adïëri møn, kaawat man bëëda naa kwøw en, aani, a na Kwäärö Wuuö Jwøk, a caana gø jïïu, aani, aano tïmö na nyeya bäätu, ni käära uuni ki teek ni cera yaa rwieø bäätu, ni wëër mara ena bäätu.

Amøc 4:10

«Teeŋ täw mana jääŋŋa bäät jø Ijep ajääŋŋa bäätu thuwø. Wøpe mou awëëga näk ri leny, ni ö okwëënyi mou ni maai. ŋwääny dëët jiy moa thøw twïër maru adwøga wïthu; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 8:13

Dïcäŋöce këël nyïïakuue mo mïërö ki cwøw mo wøpe näk riewi nääö.

Mikiya 7:2

Kiper ŋat mo cwïnye ena køør Jwøk ba joot yi ŋöömö, ni bäŋ ŋat mo mare thïïŋ yïthakic jiy. Geni bëët, ge bëëdö ni ge kønynya rem jiy piny, ni ŋati man nø bëëdö ni dwara watge ka ajääp.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 16:3

'Ba ni näk ma amöölla u wø köö, ni ‹Piny jïtö ka atuunna dïcäŋi, kiper maal kwaar ni da pöölö mo odhïŋ.› 'Ba uuni, bëët maal wø laaru ka ŋec, 'ba tiet ŋïïce mo nïri ii ba ŋeyu.