Aydheea 9:16 - Wëël Jwøk

¹⁶ Kiper dïbwöthe mo jøøi, jiy atïïcge nee gaage wøk, ni ö jiyi moa bwøth ni ränyge.

Aydheea 9:16 Iomraidhean Croise

2 Luup Nyeye 30:27

Køøre jø tuuŋ Libay moa näk dïlämme gena ö maal ni gwïëthge jiy, ni ö döötge ni wïnynyi ya Jwøki, ni ö lammi marge ni pïïe kanya en kur keere na näk kar bëët Jwøk maalø.

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 19:14

Wïthge akier Wuuö Jwøki ki jwïëy mo wø cwöth wïc, ni bwøthge Ijep ki jöö mo ba thïïŋ ki yïth tïïe mo gø bëët, ni tïm Ijepi kaamar dhaanhø mo omeer mo bøømmø ni ena yïth ŋwøk moe.

Aydheea 3:12

Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 23:13

«Mør thuwø, gïn mo raac ajooda baŋ nyïïkuk jwøk mo Cameria; luup akøpge ki nyeŋ jwøa cwøl ni Baal, ni ge løøa wïth jiya wøk ma jø Icriel.

Jeremaya 9:4

Beerra man ö ŋati man nø ni gwøk ree ki wati; kär dee ŋat mo ŋääth coki, kiper cöögö man nø bëëdö ni cøøga coki, ni wat man nø wïïrö jaak ni waya nyeŋ wati.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Ibaru 7:7

'Ba ŋääø bëët ni bäŋ ŋat mo piem gø, ni ŋata thiinh wø gwïëtha ŋata dwøŋŋi.