Aydheea 9:15 - Wëël Jwøk

¹⁵ 'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Aydheea 9:15 Iomraidhean Croise

1 Nyeye 13:18

Køøre nyikuŋ Jwøk mana näk jaal acäänö ki wïïe keere ni kööe jïgø, ni «Aani, aana nyikuŋ Jwøk mo caala ïïni thuwø, ni da luum Wuuö Jwøk mo ocaan nyïïatwiel maalli jïra, ni kööe, ni ‹Ciï ni duuï eni paarï, nee cäme nee mäthe ki pïï.› » 'Ba nyikuŋ Jwøk manøgø, mare cwøk.

Jööp 22:8

'Ba ïïni, ï bëëdö ni ïïna dhaanhø mo jïre da teek yi ŋöömö bäre, ni wïïï iï tïŋ maal ni ïïno wøørø yie.

Aydheea 19:15

'Ba Ijep otïmö ni bäŋ gïn mo løny tïïc jïre, ki mano täge ki wïïe këël jïbe, ki bäädi moe ki bøøge.

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 3:12

Wui, obwöre beege na thiel jiya piny, ni tïm määnni na kwääri bäätge. Wui, u na jiya! Dïbwöthe mou uuna tïïcge nou gaau wøk; uuna kälge wøk øtjöör bëënynyö.

Aydheea 3:5

Ni tïm jiyi ni ŋati man nø watge thiele piny, ni ö ŋat atut man nø ni dïïm ŋat atut mare. Wøpe ge ööa maal bäät jø døøŋŋø, ni tïm ŋata no otaaø ni töödö bäät ŋata no owøørø.

Aydheea 43:27

Kwaru mana dïkwøŋ atïïö ki raay, ni ö jøøa cäänö na karï ni bääcge dëëra.

Aydheea 5:13

Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 59:3

Kiper ceŋŋu atïmö ni ba waany ki rem jiy moa kønynyu piny, ni lweetu bëëdö ni temma gïï mo reyø. Dhøgu päŋ ki luup tööt, ni lëëpu cara luup mo reyø.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Jeremaya 23:32

Ka adïëri møn, a na Wuuö Jwøk, mara caana caanø dëët nyïïkuk Jwøk mo wø car lääk jaak mo bäŋ tietge jï jiya, ni løøge wïth jiya wøk ki køør tööt ki diwaŋ marge; 'ba ge kära jääŋŋö, ni ge kära köömmö, ni bäŋ gïn mo thiinh mo ege kønyø ri jiy moi.

Jeremaya 23:9

'Ba kany wø caara bëët nyïïkuk Jwøk, cwïnya puta pädhö døc, ni tïm dëëra ni kwanynyi. Aana tïmö naa caala dhaanhø moo meer moo bööt køøŋe, kany wø cäda kiper Wuuö Jwøk, ki luup moe na en kur keerge.

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Wëël Kïmmö 2:14

Nyïïkuk Jwøk mou, gïï wø nyooth ki yi wïc ni wø køpge jïïu beeye tööt ki cwøk. Geni raay mou kärge thaaŋø jïïu, ki man dwøk bëëtö maru kare dhi cer bëët laŋ. 'Ba marge atïmö ni ge bwødha u wøk ki luup tööt ni ge köö ni caana Jwøki.

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 13:22

Kiper cwïny jøøa beyø awëëgu pädhö ki luup tööt mou; ni beege jøøa näk kära tïïö nee kïmge. 'Ba uuna tïmö nou cøømma cwïny jøøa reyø ki man ba wecge uutjïëthe moge na reyø, nee ge ba jïtge ki pïëm mana dege piemø ki gø.

Odheea 9:8

Jwøk aana jääŋŋe na nyikuŋ Jwøk man koor uuni, u na jø tuuŋ Ipariem. 'Ba ennø, uutjïëthe 'moa bëët you cïŋŋö ka abëëbe kede man wø cek weny. Këël yi Øt Jwøk kiree, jiy atïmö ni män ki aani.

Amøc 2:4

Wuuö Jwøk aköö na ennø, ni «Kiper mana ö jø Juuda na kaathge bääyö marge, a ba døø ŋääa ki man jääla geni, kiper mana kwierge ciik Wuuö Jwøk, ni kärge luumme gwøø; ni gaage wøk thuwø køør juu mo patha adïëri moa cääth kwäcge køørge.

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Milkiya 2:9

Køøre nø aani thuwø, uuna tïïa ni uuno dwøk piny, ni uuno taaø dï jiy, kiper na käru jööra gwøø, ni jeenynyu jiy ki køør ciik Jwøk.» Gïnögø caana Wuuö Jwøki, eni na wïth jammi bëët.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Mathiew 7:15

«Gwøgu rou ki nyïïkuk Jwøk mo patha adïëri mo wø ö baŋu ni ge käära duup rööm, 'ba ki yïthge gena kwäänynye mo owär.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

1 Camiel 9:6

'Ba ŋat tïïc manøgø aköö jï Cøøl, ni «Neenï, da ŋat ma dhaanh Jwøk yi pääny man, mo bëëdö ni eno wøørø; ni jammi bëët mo wø care wø thura karge na adïëri. Ennø, beerra man cøø baŋe kunece; kanymør da gïn mo caane caanø kiper wääth man caadhø en.»