Aydheea 8:7 - Wëël Jwøk

⁷ ennø, a na Kwäärö Wuuö Jwøk, pï Naam Upareeti na thööth ni wø kwönni ni teek jääŋŋa jääŋŋö Juuda, ni beeye nyeya mar Aciria ka ajiem mare bäre; ni tïme kaamar pïï mo onithar yïth nyeŋŋi mo Juuda bëët, këël mano mut ageele moge bëët.

Aydheea 8:7 Iomraidhean Croise

Wïlöölö 6:17

Ennø, aani jwïïö jääŋŋa jääŋŋö bäät piny, kiper nee gïn ma dëël jaak mo ree da jwïëy mo kwøw bäät piny nee raanynya. Ni ö gïïa kwøw bëët moa en bäät piny ni putge thøø.

2 Nyeye 19:32

«'Ba man beeye dwør Wuuö Jwøk na caane kiper nyeny Aciria, ena köö, ni ‹Eni ba duny yi pääny man, ni bäŋ atheerø mo thöör yi gø kany; këël eni ba nyänh deŋ gø ni käädö ki kwöt leny, ni bäŋ ŋøøm mo di thørø deŋ kiir ki man ethge bäät kiir ki gø.

Edhera 4:10

ki wïth juurre møga bëët moa käl Acnaperri, nyenynya teek na no owøørø, wïth juuya käle ki mïëcge ni kïth ge yïth päänye mo Cameria, ki yi paac bäre mana cwøl ni Løø Naam Upareeti Løøga.»

Aydheea 10:16

Kiper manøgønø, Kwäärö Wuuö Jwøk, eni na wïth jammi bëët, ojäägi ki täw mo leth dï jø leny moa no olør mo nyeny Aciria, ni ö ajiemmi mar nyeny Aciria ni nyebi ki maac mo liel døc.

Aydheea 10:5

Wui, otïmö ni leth jï Aciria, na näk yaa tïïö na athøra mar wëër mara, na athøra mano en cer Aciria beeye mano nyoodha wëër mara ki gø.

Aydheea 11:15

Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 28:2

Raŋŋu, Kwäärö Wuuö Jwøk jïre da ŋat mo dwøŋ mo teek, mo caala køth mo ree da pey ka atuunna man wø räänyö, mo caala athaga mo teek mar naam mo pänhnhö; eni wï pääny Cameria thiele piny ki cere yïth ŋøøm.

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Aydheea 59:19

Ni ö jø wø bëëdö jï løø kur pänh-cäŋ ki jø wø bëëdö jï løø kur tuul-cäŋ ni putge lwäyö ki nyeŋ Wuuö Jwøk ka ajiem mare; kiper Wuuö Jwøk öö kaamar jwïïö mo pänhnhö, mo køøle ka jam dhee.

Aydheea 7:17

Wuuö Jwøk känna bäätï ki bäät jiyï, ki bäät dhi øt wäru ki teeŋ nïr bëëtö mo leth mo poot kär kwøŋ joot ki mana täge ki dïcäŋa ö jø Ipariemmi na pääge ki jø Juuda, ni bëëtö manøgø käle ki ri nyeny Aciria.»

Aydheea 7:20

'Ba dïcäŋeca Kwäärö Wuuö Jwøk wïthu oliele ki muuc mo käla løø Naam Upareeti løøga, ni liel jïëc tietu, ki jïëc tïgu thuwø; ni manøgø beeye nyeny Aciria.

Jeremaya 47:2

Luumma caan Wuuö Jwøki beeye en: ni «Ka adïëri møn, jø leny ööi ki jï løø wï-piny, ni piny ege baabø kaamar jwïëö; ni macge paac bäre, ki japa en yie bëët, këël päänye ki jiy mo wø bëëdö yïthge. Jø paanøgø ogöö ko oduuru, ni ö jiyi bëët ni jwöŋge.

Jeremaya 51:42

Jø leny öö bäät Babiløn kaamar naam mo kwödö døc, ni macge gø kaamar jwïëö.

Edhikiel 26:19

«Kiper man beeye luumma caan Kwäärö Wuuö Jwøki, ena köö, ni ‹Aani, ï tïïa tïïö na pääny mo bäŋ gïrpiny yie, ni tïmï kaamar pääny mo ba beet. Aani, naam kööla bäätï ni mwøny ïïni,

Daniel 11:10

«Køøre wääte dëëtge jiiŋge jiiŋŋø kiper leny, ni cooŋge wïth lwaa lenye mo thööth, ni ö dhaanhe acielli dïge ni baap geni kaamar jwïëö ni pöödhe ki leny këël mano pïïe kar gwøk røk mar ŋatøce.

Daniel 11:22

Ni ö lwaa leny mo piny ee baabø ni gwaar ge nyïme kaamar jwïëö, ni raany geni, këël Kwääy Lam Mana Dwøŋ mar Jwøk.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Amøc 8:8

Ni beeye tiere no tïm pinynyi ni jäŋŋi, ni ö jøøa en yie bëët ni kïmge. Ni tïm dëër paaci bäre ni kwanynyi, ni tïme kaamar naam Ijep ni wø päŋ ni døøe.»

Amøc 9:5

Wuuö Jwøk, eni na wïth jammi bëët, piny di gudö ni put tïmö ni jäŋŋi, ni ö jø wø bëëdö yie bëët ni kïmge; Ni tïm pinynyi bäre ni kwöda maal ni døøa piny, kaamar naam Ijep ni wø päŋ ni døøe.

Mikiya 1:9

Kiper ränynyö mar Cameria caala atwøda mo ba caŋŋi, ni ränynyö manøgø kare onø cäännö ki man pïïe Juuda, këël dhi kiir mar jiya mar Jerucalem.

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Neeyam 1:8

'Ba eni jø Nineba baabe baabø kaamar jwïïö, ni dïïr wïthge, ni riem geni na nyïïmän moe yi muudhö mo cøl kar thøø.

Luk 6:48

Eni caala dhaanhø mo ogëëdö ki øtø, mo tier gø ee koonyø ni thur piny, ni cwää tier gø bäät kïdi. 'Ba na ö jwïëe, pïï akwöt dëër ødøgø, ni käre løny ki man nëëk gø, kiper mana näk mo ogeerø ni teek.

Mana Nyooth 17:15

Ni kö nyïïatwiel maalli jïra, ni «Pïïa jootï na näk kääbi opï bäätge gena wïth juurre ki lwaae, ki mïëri, ki dhøgi ma teeŋi.