Aydheea 8:4 - Wëël Jwøk

⁴ kiper kanyo poot nyilaalli manøgø ni wänni ki menni poot ba cwøle na Awuuö wala Ayaŋ, jap kwärö moa en Damacka ki jammi moa twier Cameria olwør nyeny Aciria ni aae ki geni.»

Aydheea 8:4 Iomraidhean Croise

2 Nyeye 15:29

'Ba ki yïth nïne moa bëët Peka ni ena nyeny Icriel, Tiglat-Pilëëcër nyeny Aciria aöö ni mak päänye moa cwøl ni Ijöön, ki Abël-Bëëth-Maika, ki Janöa, ki Këdëc, ka Adhör, ki ŋööm Gelät ki ŋööm Galili, ni beeye ŋööm jø tuuŋ Naptali bäre; ni mak jiy ki tøŋ ni kïth ge ya Aciria.

2 Nyeye 16:9

Kanyøgønø, nyeny Aciria luum Eeyeth aput wïnynyö; ni ö eni ni put ci Damacka baŋ leny ni mac gø, ni mak jiy moa en yie ki tøŋ ni kïth ge pääny mana cwøl ni Kir; ni put Recin nyeny Aram 'näk.

2 Nyeye 17:3

'Ba Calmanëcër nyeny Aciria aöö ni këëde ka Awcë, ni ö Awcë ni put tïmö ni ena tiere ni cïpö ka ajwäk jïgø.

Aydheea 17:1

'Ba luumma nyooth Wuuö Jwøki kiper Damacka bee en: «Neennu, Damacka kare aløny ni cään ki man tïme ni paa pääny, eno pädhi ni neeruuth.

Aydheea 17:3

Päänye moa no ogeerø ni teek tïmö ni bäŋgø yi ŋööm Ipariem, ni bäŋ teek nyec Damacka; ni ö jiyi moo dööŋ ni kwøw dëët jø Aram ni räny ajiemmi marge kaamar ajiem mar jø Icriel.» Manøgø beeye dwør Wuuö Jwøk, eni na wïth jammi bëët.

Aydheea 28:4

ni ö ajiem mïërö mare na caal wï jaath mo oŋøøk ni manynya närö, na kïth bäät thuura en buut goora näk ŋöömme beer, ni tïme kaamar nyo olaam man wø ciek ni cwiir poodi, ni jooti ya dhaanhe ni lwør gø ni laar gø cam.

Aydheea 8:5

Kanyøgø Wuuö Jwøk acäŋ cäänö ki aani ni kööe,

Amøc 1:3

Wuuö Jwøk aköö na ennø, ni «Kiper mana ö jø Damacka na kaathge bääyö marge, a ba døø ŋääa ki man jääla geni, kiper jø Gelät anyathge ka abaya ma nywïënyö.

Amøc 1:5

Dïdëët mana en dhi kiir Damacka otoora, ni raanynya jøøa bëëdö yi goor Awën, ki ŋata en teek paaci cere na en Bëëth-Ëden. Ni ö jø Aram ni maai ni kïth geni paana cwøl ni Kir.» Gïnögø caana Wuuö Jwøki.

Joona 4:11

?A aani, cwïnya a ba dee pädhö nidïï kiper Nineba, päänya dwøŋ na näk yie da jiy mo kaala kume ma dïpa ki pïërariiø, jøøa näk bäŋ gïn mo ŋäcge ki man gaage bäät cwïcge ki bäät cämge, na näk jïge da dhäk mo thööth thuwø?»

Wëëlö Mana Göör Pøølli Baŋ Jø Röm 9:11

këël kanya pootge ni kär nywølø, ni bäŋ gïn mo beer wala mo raac mo ege tïïö,

Tiet Ciik 1:39

Køøre, obwöre mou moa wäŋŋu ni di maaø ki tøŋ, ni beege wäätu moa näk poot bäŋ gïn mo ŋäcge kiper gïn mo beer ki gïn mo raac, geno ci kaace; ni cïba ŋöömmögø jïge, ni lwørge gø na marge.