Aydheea 8:19 - Wëël Jwøk

¹⁹ Kanyo cään jiyi ki uuni, ni «Pëënynyu jøøa näk rege da juu mo cøøra jwïëc jiy moa no othøw, jø wø ŋuri ni muuŋö,» käru jïëy. ?Aŋø, jiy ba doo na ge pëënynya Jwøk marge? ?Aŋø, jøøa no othøw doo pëënynyö kiper bëët jøøa kwøw?

Aydheea 8:19 Iomraidhean Croise

Wïlöölö 41:24

Ni ö jööth abäya näk obäp ni mwønyge abäya beyø na näk abïriiø. Køøre gïnögøøni acaana jï ajuuk, 'ba bäŋ dhaanhø aciel mo oløny jïre ki man caan tier gø jïra.»

2 Nyeye 1:3

'Ba nyïïatwiel maal mar Wuuö Jwøk aköö jï Ilaaja nyï Ticbi, ni «Ö maal ni ciï kuna røømmi ki jiy moa jääŋ Akadhiya nyeny Cameria, ni kööï jïge, na ‹?Aŋø, bäŋ Jwøk Icriel, ni tïme nou cøøa kun pëënynyu dwør Baal-dhabul, jwø jø Akarön en?›

2 Nyeye 21:6

Ni waaŋ wääde no olämi, ni tïïe ki wäälli, ki jap adïëda, ni pëëny ajuuk, ki jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

2 Nyeye 23:24

Køøre Jöcaya, ajuuk, ki jiy mo rege da juu mo cøøra jwïëc jøøa no othøw, ki gïïa no otieŋø na gïï lam ki juu møøk, ki gïïa näk yi Wuuö Jwøk raac ki ge bëët na en yi Jerucalem ki ŋööm Juuda bäre araanynye, ni dwøga luup ciik wïïe moa no ogöör yi wëëlö mana joot Kilkiya na näk Kwääy Lam Mana Dwøŋ yi Øt Wuuö Jwøk.

1 Luup Nyeye 10:13

'Ba Cøøl thøw kaper bääyö mare mana tïïe dëër Wuuö Jwøk, ni käre luum Wuuö Jwøk gwøø. Ni beeye kiper mana pëëe thuwø na pëëny ŋata näk ree da juu mo cøøra jwïëc jiy moa no othøw,

2 Luup Nyeye 33:6

'Ba wääde awaaŋe ki maac no olämi ya agäm-kïn Ben Inöm, ni tïïe ki jap thïëth, ki jap adïëda, ki jap ajuuk, ni pëëny jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

Aydheea 19:3

Kanyøgønø jø Ijep cwïnyge obëëdö no opädhö, ni ö jammi moa näk ege cïp piny na dige tïïö, ni tïïa ge ni bäŋ tietge. 'Ba geno ci baŋ kït gïï wø lam moge, ki baŋ jwïëc jøøa no othøw, kuna pëënyge geni kiper køny, ni cige baŋ jøøa näk rege da juu mo cøøra jwïëc jøøa no othøw nee ge mooc ka acaara.

Aydheea 26:14

'Ba jøøgø gena thøw, ni ge ba kwøw këët, ni jwïëcge ba duu maal këët! Kiper gena jäälï ni dïïrï wïthge, ni tïïyï ge nee wïc ba par ki geni këët na bäre bäre.

Aydheea 29:4

Ïïni, ï dwøga piny, ni tïm cäänö marï ni ö wøk ka yïth ŋøøm; dwørï ööa wøk ki yi tør, ni tïm dwørï ni ö wøk ka yïth ŋøøm kaamar dwør jwïëc dhaanhø mo othøw, ni ö cäänö marï ni tïme ni wïnyi ni muuŋö ki yi tør.

Aydheea 30:2

Gena kweer ki man pëënyge aani, ni cige Ijep nee göökge ri Peerø nyeny Ijep nee ge køny, nee Ijep tïme na tïpö bäätge man gwøk geni.

Aydheea 45:11

Man beeye dwør Wuuö Jwøk, eni na Jwø Icriel na en kur keere, na cwääc Icriel, ena köö, na «?Aŋø, a dou pëënynyö kiper gïïo tägi yi nyïm kiper obwöre 'moa, naa dou köömmö kiper gïïa tïïa ki cera?

Aydheea 47:12

«'Ba ennø, put bëëtö niï poot tïïya tïïe mo wø tïïyï ki thïëth marï, ki jap ajuuk moï na thööth, na bëëdï niï tïïya ge ki mana kälï thïnhö; kanymør niï köö ni duunnö riï, ni kanymør jiy tïïyï tïïö nee lwäcge.

Aydheea 47:13

'Ba ïïna ööl jaak ka acaare moa thööth na kwanyï. Beerra man ö jø wø kwaan ceer, ni wø caan gïï mo poot ena nyïm ki køør ceer ki päär mar dwääy, ni öge maal kuna piemge ïïni cer gïno leth mano ö bäätï.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Jeremaya 27:9

'Ba uuni, luup nyïïkuk Jwøk mou mo wø køp luup ki wïthge kär wïnynyu, ki luup jø adïëda mou, ki jiy mou mo wø car lääk, ka ajuuk mou, ki jiy mou mo wø thöödhö ki war, jø wø cäänö ki uuni, ni «Käru bëëdö ni uuna laaŋe mo nyeny Babiløn.»

Ciik Kiper Dïlämme 19:31

« ‹Käru ci kun pëënynyu jøøa näk rege da juu mo cøøra jwïëc jiy moa no othøw, ki jøøa nyeŋge reegø ki jap ajuuk, kiper u tïmö nou ba waany ki køørge. Beeye aani na Wuuö Jwøk, Jwøk maru.

Ciik Kiper Dïlämme 20:6

« ‹Ni näk mo da dhaanhø mo ogaa baŋ jøøa näk rege da juu mo cøøra jwïëc jiy moa no othøw, ki jøøa nyeŋge reegø ki jap ajuuk, ni ci cwïnye køørge kaawat man wø tïïc dhaaŋ paaci mo rïïŋö køør käp, aani dëëtwa raŋwa raŋø ki ŋateca ni puta eni tïïc ni tøør yïthakic tuuŋge.

Mikiya 5:12

Aani, ajuuk moø ni en dïïu yøø wïthge dïïra dïïrö, ni tïme ni bäŋ jiy mo thöödhö ki war dïïu këët.

Moa Tïïc Nyïïatwieli 16:16

'Ba kanya cääthwa ni wa cøøa kar lam, waana røømmø ki nyakøø ma laŋŋø mo dëëre da jwøk mo raac mo wø dëëdö ki jammi, ni eni wø kännö ki jammi mo thööth jï jøøa bëënne ki køør adïëda mare.

Tiet Ciik 18:10

Kär dee dhaanhø mo joot dïïu mo waaŋa wääde wala nyaare ki maac no olämi, wala ŋat adïëda, wala ŋat mo tïïö ki wäälli, wala ŋat mo thöödhö ki war, wala ŋat ma ajwøa jaak,

Tiet Ciik 18:11

wala ŋat thïëth, wala ŋat mo waŋe riek ki jap ajuuk, wala ŋat mo ree da juu mo cøøra jwïëc jiy moa näk othøw.

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.

1 Camiel 28:11

Køøre dhaagø manøgø aköö, na «?Aŋa ni manynyï nee jwïëye cwöla wøk jïrï?» Ni kö Cøølli, ni «Cwöl jwïëc Camiel wøk jïra.»

1 Camiel 28:16

Køøre Camiel aköö, na «?Aŋø, a pëënynyï gø këët nidïï, ni ŋäyï ni Wuuö Jwøk ree ee nø daak buutï ni nø tïme na nyimännï?

1 Camiel 28:7

Køøre Cøøl aköö jï jø tïïc moe, ni «Cou määnynyu jïra ki dhaagø mo ree da juu mo cøøra jwïëc jiy moa no othøw, kiper naa cøøa baŋe nee eni pëënynya.» 'Ba jø tïïc moe aköö jïre, ni «Ka adïëri møn, da dhaagø mo bëëdö Endör mo ree da juu mo cøøra jwïëc jiy moa no othøw.»

1 Camiel 28:8

Kanyøgønø, Cøøl dëëre arunynye ka abïïe møøk kiper nee ba ŋec, ni aae ni cäädhi ki jiy ariiø, ni pïïcge baŋ dhaaŋŋøgø ki dïwäär; køøre ena köö jï dhaaŋŋøgø, na «A kwaya ïïni, beerra man tïïyï teeŋ gïn wø tïïyï obëëde, ni ö jwïëc ŋato nyeŋŋe caana jïrï ennø, ni cwölï gø wøk.»