Aydheea 7:4 - Wëël Jwøk

⁴ Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Aydheea 7:4 Iomraidhean Croise

2 Nyeye 15:27

'Ba kanya tïme na ri cwiiri ma pïërabïïc kurriiø moa bëët Adhariya ni ena nyeny Juuda, Peka o Remaliya atïmö na nyeny Icriel Cameria, ni bëëde ki cwiiri ma pïërariiø ni ena nyeya.

2 Luup Nyeye 20:17

U na jø Juuda ki jø Jerucalem, ba many u nou këëdu ri leny man; 'ba cïïmmu dëëtu, ni cuŋŋu karu ni neennu køny mar Wuuö Jwøk mano tïïe kiperu. Käru lwäyö ni ba bwøk cwïnynyu. Diøø dønynyu wøk baŋge, kiper Wuuö Jwøk bëëdö ka uuni.› »

Aydheea 10:24

Kiper manøgønø, Kwäärö Wuuö Jwøk, eni na wïth jammi bëët, aköö, «Wui, u na jiya ni wø bëëdö Dhayan, käru lwäyö ki jø Aciria kanyo öge noo pwötge uuni ka athøra, noo tïŋge athøra marge maal bäätu, kaawat mana tïïc jø Ijepi.

Aydheea 30:15

Kiper man beeye gïna caan Kwäärö Wuuö Jwøki, Jwø Icriel na en kur keere, ena köö, ni «Ki man løgu cwïnynyu ni jïtu ki jwöm, beeye jöör pïëm man piem uuni ki gø, ni ö bëëtö man bëëdu nou lïŋö nou ŋäätha aani, ni näk beeye teek maru; 'ba gïnögø käru jïëö.

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 35:4

Caannu jï jøø ni cwïnyge olwäyö yøø, ni kööu, ni «Magu cwïnynyu ni ba lwäyu. Ka adïëri møn, Jwøk maru ööa baŋ ajäla, eni öö kuna cool kwöri mou, ni piem uuni.»

Aydheea 37:6

'Ba Aydheea aköö jïge, ni «Wär caannu jï nyeya maru ni man beeye dwør Wuuö Jwøk, ena köö, ni ‹Käru lwäyö kiper luubö mana wïnynyu, na ö jic nyeny Aciria na janyge aani ki gø.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 7:1

'Ba yïth nïra bëët Eeyeth o Jötham, wär Udhaya, na nyeny Juuda, Recin nyeny Aram ki Peka o Remaliya, nyeny Icriel, gena ci Jerucalem baŋ leny, 'ba kär løny ki man tukge gø.

Aydheea 7:8

Kiper pääny mana dwøŋ mar Aram beeye Damacka, ni bwödhi mar Damacka beeye Recin. 'Ba noo tïme na cwiiri ma pïërabïciel ka abïïc, jø Ipariem keethø ni tïmge ni paa wï jur këët.

Aydheea 7:9

Pääny mana dwøŋ mar Ipariem beeye Cameria, ni bwödhi mar Cameria beeye o Remaliya. Ni näk mo gïnögø ba ŋääthu, ka adïëri møn, u ba ruu.» › »

Aydheea 8:4

kiper kanyo poot nyilaalli manøgø ni wänni ki menni poot ba cwøle na Awuuö wala Ayaŋ, jap kwärö moa en Damacka ki jammi moa twier Cameria olwør nyeny Aciria ni aae ki geni.»

Aydheea 8:6

ni «Kiper mana ö jø Juuda ni kwierge pïï moi ni muuli mëëth ii na käl Naam Cilöa, ni tïme ni yïthge mïnni ka Recin ki o Remaliya,

Wëël Kïmmö 3:26

Beeye gïn mo beer jï dhaanhø ki man koor pïëm mar Wuuö Jwøk man piem jiy ki gø, ni cwïnye ee cïp piny.

Amøc 4:11

«Jiy møøk araanynya rou, kaawat mana raanynya mïëya näk Cødam ki Gømöra, ni ö uuni na bøth ni tïmu nou caala jaath mo liel mo okäl wøk yi maac; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Dhekaraya 3:2

Kanyøgø Wuuö Jwøk aköö jï Ceethan, ni «Nyie Ceethan, ïïno jook Wuuö Jwøki! Wuuö Jwøk na jier Jerucalem ïïno jooe! ?Aŋø, ŋati ni kïthï bääte ki luup mo reyø en paa ŋata caal jaath mo liel mo käl wøk ka yi maac?»

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Mathiew 24:6

'Ba mänye ki waac mänye owïnynyu. 'Ba kär cwïnynyu bwøk. Kiper gïïögø kwøŋa tägö, 'ba cuŋŋe poodi.

Tiet Ciik 20:3

ni kööe jïge, ni ‹Wui, u na jø Icriel, wïnynyu gïn. Dïcäŋi u cøøa baŋ leny baŋ nyïïmännu. Kär cwïnynyu bwøk, ni ba lwäyu; kär cwïnynyu pädhö, ni ba kwany dëëtu ki lwär nyïmge,

1 Camiel 17:32

'Ba Deebit aköö jï Cøøl, ni «Kär dee ŋat mo cwïnye bwøk ki luupögø ni car nyï Pilitin manøgø enø; aani, a na dhaanhnhï, a cøøa kuna këëda ki nyenøgø.»