Aydheea 7:20 - Wëël Jwøk

²⁰ 'Ba dïcäŋeca Kwäärö Wuuö Jwøk wïthu oliele ki muuc mo käla løø Naam Upareeti løøga, ni liel jïëc tietu, ki jïëc tïgu thuwø; ni manøgø beeye nyeny Aciria.

Aydheea 7:20 Iomraidhean Croise

Aydheea 1:5

?Aperŋø ni poot bëëdu ni uuno nieŋ yïth raay en? ?U poot manynya man pwöt uuni? Wïthu moø bëët bëëdö no opääŋ täwi, ni ö cwïnynyu ni kwääli ya raayi;

Aydheea 10:15

?Aŋø, ley ŋwöö kiper dëëre bäät ŋat wø ŋudö ki gø? ?A gïr ŋøl ko opämi, dëëre wø jieme jiemø bäät ŋat wø ŋudö ki gø? Manøgø patha gïn mo tägö; tïmö ni caala man ö athøra ni kwany dhaanhø ni wø kwany gø, wala caala man ö athøra ni tïŋ dhaanhø maal na näk patha jaath.

Aydheea 11:15

Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Aydheea 36:1

'Ba kanya tïm cwiic Edhekaya na apaar kurŋween bäät nyec, Cenakerëp nyeny Aciria acøø ni tuk päänye mo Juuda bëët moa näk kiiri moge ogeerø ni teek ni mak geni.

Aydheea 8:7

ennø, a na Kwäärö Wuuö Jwøk, pï Naam Upareeti na thööth ni wø kwönni ni teek jääŋŋa jääŋŋö Juuda, ni beeye nyeya mar Aciria ka ajiem mare bäre; ni tïme kaamar pïï mo onithar yïth nyeŋŋi mo Juuda bëët, këël mano mut ageele moge bëët.

Aydheea 9:13

'Ba jiy kär duu baŋ Wuuö Jwøk, ŋata jääl geni, ni kärge eni manynyø, eni na wïth jammi bëët.

Jeremaya 2:18

?'Ba ennø, ciin Ijep agïnaŋø noo duue dëërï, per niï mädhï ki pï naama pïïe cøl? ?A ciin Aciria agïnaŋø noo duue dëërï, per niï mädhï ki pï Naam Upareeti?

Edhikiel 29:18

«Wär dhaanhø, Nabukedenecör nyeny Babiløn jø leny moe atïïe ni teek ki man tukge pääny Tayar. Ŋati man nø wïïe ki gööge anipwøth. 'Ba eni ki jø leny moe bäŋ gïn mo ege joodø ki køør gïna tïïe nee pääny Tayar raanynye.

Edhikiel 29:20

Ŋööm Ijep cïba cïbö jïre na gät tïïc mare, kiper eni ki jiye gena tïïö kipera. Manøgø caana aani, a na Kwäärö Wuuö Jwøk.