Aydheea 7:14 - Wëël Jwøk

¹⁴ Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Aydheea 7:14 Iomraidhean Croise

Wïlöölö 16:11

Ni cäŋ nyïïatwiel Wuuö Jwøki köö jïre, ni «Neenï, yiï oløny ni da dhaanhø; ïïno lwaar ki gø na dïcwøø; ni cagï nyeŋŋe ni Icmiel, kiper Wuuö Jwøk gïïa jwørï bëët awïnynye.

Wïlöölö 29:32

Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Wïlöölö 30:6

Køøre Reecal aköö, ni «Jwøk aana ŋunne, ni wïny dwøra møn, ni put aani mooc ki nyilaal ma dïcwøø.» Kiper manøgønø, nyeŋ gø aput cak ni Daan.

Wïlöölö 30:8

Kanyøgø Reecal aköö, ni «Waana läädö døc ki coka, ni kaadha cere.» Ni ö Reecalli ni cak nyeŋ nyilaal ni Naptali.

Wïlöölö 4:25

Køøre Adam acäŋ ci baŋ cïïe ni nyööt cïïe ki nyilaal ma dïcwøø, ni cak nyeŋ gø ni Cëth; ni kö Iipi, ni «Jwøk acäŋ cïpö ki dhaanhø mør jïra na kar Eebel na 'näk Keenni.»

1 Nyeye 13:3

Køøre ena cïpö ki ŋïï dïcäŋeca, ni kööe, ni «Man beeye ŋïï mana caan Wuuö Jwøki, ‹Neennu, gïn wø cïp olämme bääte opääi ki dïëre, ni ö burri mana en yie ni øc piny.› »

Aydheea 38:7

« ‹'Ba man otïmö na nyuudhi mano nyoodha kiperï, a na Wuuö Jwøk, mo nyootha gø ni gïna caana tïïa tïïö.

Aydheea 8:10

Tïïyu uutjïëth tïïe mou, 'ba bäŋ gïn duuge; cïbu uutjïëth tïïe mou piny, 'ba ba løny tïïc jïïu, kiper Jwøk ena buutwa.

Aydheea 8:8

Køøre pïï kwönna dï Juuda bäre ni muulö ki dïëre bäre na jwïëö, këël mano päŋe noo këët cwaak, këël mano ö were moe noo gaaŋge na løle ni put ŋööm Juuda bäre thaar, ni beeye ŋöömö marï, ï na Imanuwel.»

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Jeremaya 23:6

'Ba ki yïth nïr nyec moe jø Juuda di piemø, ni ö geni na jø Icriel ni bëëtge ni geno nikwak. 'Ba man beeye nyeŋŋe mano cwøl eni ki gø, ni ‹Wuuö Jwøk beeye tier bëënynyö marø.›

Jeremaya 31:22

?Wui, nyaara ma Icriel, ï ni cwïnyï ogaa wøk en, a këël kany mo nyïëdi nø noo bëëdï niï wïdö jaak? Kiper Wuuö Jwøk tïïö ki gïn mo nyään bäät piny, ni beeye ni dhaagø dïcwøø gwøe gwøø.»

Jeremaya 44:29

« ‹A na Wuuö Jwøk, a cïpö jïïu ki ŋïï mo nyootha gø nou jääla jäälö kany, nee ŋäyu ni luup moa caana dëëtu kännö ki gïn mo leth bäätu møn.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Luk 1:31

'Ba neenï, yiï ojïti ki dhaanhø ni lwaarï ki gø na cïïŋŋö, 'ba nyeŋŋe ocwølï ni Jecu.

Luk 1:35

Ni kö nyïïatwiel maalli jïgø, ni «Jwïëc Jwøk na en kur keere öö bäätï, ni ö teek Jwøa Dwøŋ ni en Maal ni rïëp ïïni. Kiper manøgønø, nyilaaro lwaarø ki gø, ocwøl ni ena kur keere na O Jwøk.

Luk 2:12

'Ba man otïmö na nyuudhi jïïu. Nyilaal ojootu no orïëbö ka abïïe no opïël yi pöö.»

Luk 20:44

?'Ba ni näk eno nø cwøl Deebiti ni Kwäärö na enønø, a dee cäŋ tïmö na wääde nidïï?»

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

Pïëmme 6:36

Køøre Gidien aköö jï Jwøk, «Ni näk mo jø Icriel piemï piemø ki raa møn, kaawat mana nø caanï gø,

1 Camiel 1:20

'Ba na päŋ nïr lwaarri, ena lwaar ki dhaanhø ma dïcwøø; ni cak nyeŋ gø ni Camiel, ni kööe, ni «Kiper eni kwaa baŋ Wuuö Jwøk.»

1 Camiel 4:21

'Ba nyeŋ nyilaal acaae ni Ikaböt, na näk tiere beeye na ajiem bäŋgø këët, ni kööe, na «Ajiem Wuuö Jwøk ree apaanye bäät jø Icriel.» 'Ba gïnögø acaane kiper mana käl acanduk man wø nyooth luumma tuut Wuuö Jwøki ki jiy, kiper mana thøw kwari ki cwøre thuwø.