Aydheea 66:5 - Wëël Jwøk

⁵ 'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Aydheea 66:5 Iomraidhean Croise

1 Nyeye 21:29

na «?Aŋø, ajootï na ö Akapi na dwøk dëëre piny nyïma? Kiper mana dwøk dëëre piny nyïma, aani gïn mo leth ba käla bääte ennø ni eni poot kwøw, 'ba gïn mo leth okäla bäät jø dhi øde yïth nïne moo beet wääde.»

2 Nyeye 22:10

Luubö maya thuwø mo ocaan Capanni, ŋat wø göör luup akwöma piny, jï nyeya beeye en, ena köö, ni «Kilkiya acïpö jïra ki wëëlö.» Ni ö eni ni kwaan wëëllögø jï nyeya.

2 Luup Nyeye 34:27

ena köö, ni ‹Kiper mana päth cwïnyï ni dwøgï dëërï piny nyïma kanya wïnynyï luup 'moa mo jääla Jerucalem ki ge ki jø wø bëëdö yie, ni jeeyï abïïgï ki pänh cwïny, ni jwöŋï nyïma, ka adïëri møn, a na Wuuö Jwøk, oduuru marï awïnynya.

Edhera 9:4

'Ba aana bëëdö ni aano pï piny ni yia othäŋŋö këël kanya tïme na kany wø cïp olämi mar abøøya yie. Ni ö jiyi møøk ni cooŋge rege buuta, ni beege jøøa dëëtge tïmö ni kwanynyi ki luubö mana caan Jwøki marwa, eni na Jwø Icriel, kanya jootge gïna raac na tïïc nyïïkwaac jøøa mak ki tøŋ na kwøŋ duuö.

Pwöc Leec Wïc 13:13

Ŋat wø taak pwöc, pïïn pwöc ena bääte, 'ba ŋat wø lwäär ki ciik di cunnö ki gïn mo beer.

Obeec Dudi 1:6

A kär neetu ni nyeŋŋu you këël dëëra kiper cøl mara; kiper aani, dëëra cuula cäŋŋi. Nyïïmera moa näk cwøw gena gootø ki aani, ni tïïcge aani nee pwöth jer omøki koora; 'ba aani pwöth jer omøki mara kära koorø.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 5:19

ni beege jø wø cäänö ni ge jaŋa Jwøk ni wø köö, ni «Beerra man ö Jwøki ni lääde, beerra man ö eni ni lac tïïc mare, nee neenø. Beerra man ö eni na Jwø Icriel na en kur keere ni laar tïïe moe wëëk thur karge nee ŋääø.»

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Jeremaya 36:16

'Ba kanya nø wïnyge luupögø bëët, gena cäänö yïthakicge keerge ni ge lwäär, ni köge jï Baruk, ni «Ka adïëri møn, waani, luupögø bëët caanwa caanø jï nyeya.»

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Luk 13:17

'Ba kanya caan gïnögø, nyïïmänne bëët wïthge alääö. Ni ö lwaae ni mïn yïthge ki gïïa beyø na tïïe bëët.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Jøøn 9:34

Ni løkge gø jïre, ni köge, ni «Ïïni, ï nywöla yïth raay. ?Aŋø, wa diï pwönynyö?» Ni putge gø cöör wøk.

2 Thecalönika 1:12

kiper nee nyeŋ Kwääyø ma Jecu nee tïme ni jiem ka køøru, ni ö uuni ni jiemi ki køøre, ki køør met ec mar Jwøk marø ki Kwääyø ma Jecu Krictø.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Jøøn 3:13

Kär yïthu thäŋŋö, nyïïmera, kiper mana män pinynyi ki uuni.