Aydheea 66:3 - Wëël Jwøk

³ 'Ba ŋat wø 'näk dhieŋ nee cïbe no olämi, caala ŋat mo 'näga dhaanhø; ni ŋat wø 'näk nyidiel caala ŋat mo toora ŋut gwök, ni ŋat wø cïp beel na muuy caala ŋat mo cïpa rem othur; ni ö ŋat wø waaŋ jer wø jïcge ŋwääi ni met ni caal ŋat mo wøøra kït gïï wø lam. Gena tïmö ni ge jiera uutjïëthe moge, ni yïthge mïnni ka japge ni wø raac yia ki ge.

Aydheea 66:3 Iomraidhean Croise

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Aydheea 44:19

Ni bäŋ ŋat mo para wïïe, wala ŋat mo da gïn ŋääe, wala ŋat mo kwanya tier gø mo köö, ni «Aani, thäk jenni anø kïtha yi maac ni nø thaala cam ki cuk moe, ni bula rïŋö ki ge ni cama gø. ?A ennø, maya daa tïïö na gïn mo Jwøk yie raac ki gø, ni këëlla cøŋŋa piny nyïm gïn ma jaath jaak?»

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Aydheea 57:17

Aana gootø ki geni ni jääla geni kiper päl cwïny marge na raac, ni kana täärnyïma ki geni ni mara gootø. 'Ba këël na jääla ge, gena cäŋ bëëdö ni ge gaa wøk, ni bëëtge ni ge cäädhi ka køør jap wø many cwïnyge.

Aydheea 65:12

aani, u wëëga thøw opëëllö, ni kuullu wïthu piny bëët kiper nou ŋalli; kiper kanya cwöta, u kär jïëy, ni kanya cääna, ïthu käru ciiø. Uuna tïïö ki gïï mo reyø, ni jierru gïïa näk yia ba met ki ge.»

Aydheea 65:2

Cääŋŋe bëët, a bëëdö ni ceŋŋa yaa thaaŋø baŋ jiy moa wïthge teek, jø wø caath uutjïëthe mo ba beyø, ni wø bëëdö ni ge cäädhi ka køør acaare moge keerge.

Aydheea 66:17

Wuuö Jwøk aköö, ni «Jiy mo wø cïp dëëtge kur keerge ni wø tïïc dëëtge ni waany kiper man cige ya ajïniina, ni gena aciel ki jø wø cämö ko othuri, ki jïëy, ki gïïa näk ba waany, kwøw marge ocuŋ ni ränyge bëët.

Jeremaya 6:20

?U na jiya, aperŋø nø ni wø kännu baŋa ki dwøø man wø jïye ŋwääi ni met ki yi Cïïba en? ?Na aperŋø thuwø ni wø kännu baŋa ki luum wø maare ŋwääi ni met ki paac mo kare bäär en? Olämme mou mo wø waaŋ bäre a ba jïëy ki geni, ni yia ba mïnni thuwø ko olämme møøk mo wø cïpu.»

Ciik Kiper Dïlämme 2:2

Ni ö eni ni kïth muuy manøgø baŋ dïlämme, wäät Aran, ni ö dïlämi ni lwöte ri møgø pøøth enø, ni kuure ka maaw ki yi cere ni päŋ, ni dwal gø ki gïn wø jïye ŋwääi ni met bäre na no ocïp bäät møgøgø, ni waaŋ geni na gïr par wïc, ni beeye olämi man wø waaŋ ki maac ni wø ŋwääi ni met jï Wuuö Jwøk, ni waaŋŋa bäät gïn wø cïp olämme bääte.

Agëë 2:14

Køøre aløk Agëë, ni kööe, ni «Gïna caan Wuuö Jwøki bee en, ena köö, ni ‹Gïnögø bee teeŋ gïna tïïc jiyi moi ni beege wï jur man, ni nëëni jïra en, kiper tïïe moge bëët ko olämme mo wø cïpge ba waany.

Tiet Ciik 14:8

'Ba røk lääy moa näk okiey moge okaa na ariiø, othur kär cammu. Kiper këël na bëëde no okiey moe okaa na ariiø, luum man wø came ba ŋöö wøk dhee ni cäŋ gø nyammø. Teeŋ lääy manøgø thuwø beeye lääy mo ba waany kiperu. Kär dee rïŋŋe mo cammu, wala u guta dëëre mana näk othøw.

Tiet Ciik 23:18

Kär dee gwel mo joot dhaage ki køør käp, wala mo joot cwøwi ki køør man wø døøge dëëtge keerge mo kälu øt Wuuö Jwøk na näk Jwøu na muuce mo doo cïbö ki køør kööŋ maru, kiper tïïe moøgø karge riet Wuuö Jwøk na näk Jwøu yie raac ki geni.

Pïëmme 10:14

Cou ni jwöŋu dëët juu moa jierru, nee u piemge kanyo bëëdu nou ena yi bëëtö mo teek.»

Pïëmme 21:25

'Ba ki yïth nïrögøøni jø Icriel bëëdö ni bäŋ nyeya jïge; ni ŋati man nø bëëdö ni tïïya mana manynye na beer ki jïre.

Pïëmme 5:8

Kanya ö jø Icrielli na jierge juu møøk kiper dëëtge, nyïïmän moge aput öö ki lenye mo teek këël dhøk kiiri moge. 'Ba dï jø leny mo jø Icriel moa näk jïtö ki kume ma pïëraŋween, bäŋ dhaanhø mo ojoodø ni cere da kwöt leny ki tøŋ.