Aydheea 66:24 - Wëël Jwøk

²⁴ Køøre geno ci wøk ni raŋge dëët jiy moa no othøw na gëëmö ki aani. Kiper twöŋi moo cam dëëtge ba thøw, ni ö maaci mana jääl ge ki gø ni bëëde ni ba bïp, ni putge tïmö na gïn mo raac døc ki baŋ jiy bëët.»

Aydheea 66:24 Iomraidhean Croise

Aydheea 1:28

'Ba jø ageem ki jø raay ge di raanynyø na aciel bëët, ni ö jø wø wec Wuuö Jwøk ni ränyge.

Aydheea 1:31

Jiy moa teek dëëtu otïmö kaamar akaraac mo otal, ni ö tïïe moge ni tïmge kaamar maac mo pätha yie, ni putge waaŋ bëët ni bäŋ ŋat mo lønye jïre ki man bïp gø.

Aydheea 14:11

Atöör marï ki dööt thøme moï anø käl kany kar bëët jwïëc jøøa no othøw. Bïëy beeye pëëm marï mano butï bääte, ni twöŋi beege aleeŋŋa marï mano uumï ki gø.›

Aydheea 24:20

Ni tïm pinynyi ni bøømmø kaamar dhaanhø mo omeer, ni tïme ni jäŋŋi kaamar abïla, kiper raay moe na peek bääte, ni pädhe ni ba løny ki ööny maal këët.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 34:10

'Ba maac manøgø obëëdö ni liel ki wäär ki dïcäŋ, ni ba løny ki bïp; ni bëët jïye ni cøøa maal ni ba cuŋ. Maac manøgø bëëdö ni ba thøw këël mano këët ri beenhnhe moo ööi bëët, ni bäŋ ŋat mo pöödhö ki yi ŋöömmögø na bäre bäre.

Aydheea 34:3

Ni ö dëëtge moa no othøw ni leeŋi wøk; ni ö bäät kïte ni putge nikwaar ki remge; ni ö rïŋ dëëtge moa no othøw ni ŋwääge no okwäk.

Aydheea 48:22

Wuuö Jwøk aköö, ni «Bëët-mëër bäŋgø jï jø raay.»

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Aydheea 66:16

Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Dhekaraya 14:12

'Ba ajäl täw mano ö Wuuö Jwøki noo 'näk jiy bëët ki gø moa tïïc leny dëër Jerucalem bee en: Rïŋ dëëtge kwäk ni ge cuŋŋö ki tietge jaak, ni kwäk nyeŋge yïth aguut nyeŋge, ni ö lëëpge ni kwäkge dhøkge.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»