Aydheea 66:22 - Wëël Jwøk

²² «Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Aydheea 66:22 Iomraidhean Croise

Aydheea 48:19

Jø oööi ki rou kwäänge doo tïmö ni thööth kaamar akwöny deŋ naama dwøŋ, ni tïm kwään nyïïkwaayu ni thööth kaamar nyeŋ akwöö. Nyeŋge ba doo kïï wøk, ni ge ba doo raanynyø nyïma.»

Aydheea 51:16

Aani, luup 'moa akïtha dhøgu, ni rïëba uuni ki tïpö mar cera. Bee aani na cïp maal kare, na wëëk tier piny këët piny ni teek, na köö ki jø Dhayan, ni ‹Uuna jiy 'moa.› »

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 59:21

«'Ba aani, a na Wuuö Jwøk, luubö mano tuuda ki uuni beeye en. Jwïëy 'moa na kïtha bäätu, ki luup 'moa na kïtha dhøgu, bëëdö ni ge ba ö wøk dhøgu, ki dhøk obwöre mou, ki dhøk nyïïkwaayu ki mano täge ennø, këël bäre bäre. Manøgø caana aani, a na Wuuö Jwøk.»

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Aydheea 61:9

Nyïïkwaacge otïmö ni ŋäc ki yïthakic wïth juurre, ni ö obwöre moge ni ŋääi ki dï jiy. Jiy bëët moo joot geni putge ka ŋec ni beege jøøa näk yaa gwïëdhö, a na Wuuö Jwøk.»

Aydheea 65:17

«Adïëri møn, aani, a cwääö ki maal mo nyään ki piny mo nyään, 'ba gïïa no opöödhö dïkwøŋ, wïc ba par ki geni këët, ni ge ba duu ya acaara këët.

Aydheea 65:22

'Ba uudi moo geerge ba beet jø møøki, ni nyïïjenni moo piithge ba cam jø møøki. Kiper cwiiri mo jiya otïmö ni thööth kaamar cwiic jaath, ni ö jiya na näk yaa jierø ni mïn yïthge ki gïïa tïïcge ki ceŋge.

Aydheea 65:23

Geni, ge ba ööl këët ki gïn mo bäŋ tiere, no obwöre moo nywølge bäŋ gïï mo leth mo pïï dëëtge këët, kiper geno tïmö na jiy mo ogwïëth Wuuö Jwøki, ge ki nyïïkwaacge bëët.

Jeremaya 33:20

ni «Luumma caan Wuuö Jwøki beeye en: Ni näk mo løny jïïu ki man raanynyu gïna tuuda kiper waŋcäŋ ki gïna tuuda kiper wäär, nee waŋcäŋ ki wäär ba bëëtge kwörge kanya näk owäŋŋö,

Jeremaya 33:21

løny ki man räny gïna tuuda ki dhaanhnha ma Deebit, ni eni ba jïti ki wääde mo läw bäät wälu mare nee paac kääre. Ni gïna tuuda ki tuuŋ dïlämme ma jø dhi øt Libay, jø wø tïny aani, løny ki man ränynye thuwø.

Jepaniya 3:20

Dïcäŋöca u cooŋa cooŋø ni duua uuni pou. Aani, u mooa mooø ki wödö ki pwøc ki yïthakic wïth juurre bëët mo bäät ŋøøm, kanyo cäŋa bëëtö maru dwøk kare ni nëënö jïïu ki nyeŋŋu.» Luummögø caana Wuuö Jwøki.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

Mana Nyooth 21:1

Kanyøgø maal mør mo nyään ki piny mo nyään aneena. Kiper maal mana dïkwøŋ ki piny mana dïkwøŋ aay, ni bäŋ näpa døøŋŋø këët.