Aydheea 66:2 - Wëël Jwøk

² Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Aydheea 66:2 Iomraidhean Croise

1 Nyeye 21:29

na «?Aŋø, ajootï na ö Akapi na dwøk dëëre piny nyïma? Kiper mana dwøk dëëre piny nyïma, aani gïn mo leth ba käla bääte ennø ni eni poot kwøw, 'ba gïn mo leth okäla bäät jø dhi øde yïth nïne moo beet wääde.»

2 Nyeye 22:10

Luubö maya thuwø mo ocaan Capanni, ŋat wø göör luup akwöma piny, jï nyeya beeye en, ena köö, ni «Kilkiya acïpö jïra ki wëëlö.» Ni ö eni ni kwaan wëëllögø jï nyeya.

2 Nyeye 22:11

'Ba kanya ö nyeya na wïny luup moa no ogöörö yi wëëllögø na wëël ciik Modhe enø, abïïe moe aput jeeyø ki pänh cwïny.

Edhera 10:3

'Ba ennø, beerra man kööŋwa nyïm Jwøk marø ki man kwierwa mään moøgø bëët ko obwöre moge, ki køør luummï, ï na kwääya, ki luum jøøa dëëtge tïmö ni kwanynyi ki køør ciik mana no ocaan Jwøki marø; ni kïth luummögø bäät tïïc ki køør ciik Jwøk.

Edhera 9:4

'Ba aana bëëdö ni aano pï piny ni yia othäŋŋö këël kanya tïme na kany wø cïp olämi mar abøøya yie. Ni ö jiyi møøk ni cooŋge rege buuta, ni beege jøøa dëëtge tïmö ni kwanynyi ki luubö mana caan Jwøki marwa, eni na Jwø Icriel, kanya jootge gïna raac na tïïc nyïïkwaac jøøa mak ki tøŋ na kwøŋ duuö.

Pwöc Leec Wïc 28:14

Gwïëth en bäät ŋat wø bëëdö ni lwäära Wuuö Jwøk cooth, 'ba ŋat wø døøc cwïnye mo teek pätha yïth gïï mo leth.

Pwöc Leec Wïc 29:23

Atöör mar dhaanhø, dhaanhø wø dwøge piny, 'ba ŋat mo bëëdö ni dëëre ee dwøk piny wø jïtö ki wödö.

Aydheea 40:26

Lwïthu ni raŋŋu maal mø. ?Japøge bëët ocwääya ŋa? Bee eni ni wø bëëdö na wïc bäätge ni wø ŋäc kwäänge, ni ge cwøle cwølø bëët ni man nø cwøle ka nyeŋ gø. 'Ba kiper mana näk mo dööŋö mare ki teek mare opöödhö, bäŋ aciel dëët japøge mo rwäänyi.

Aydheea 41:20

nee joot jiyi, ni ŋäcge gø, nee caarge ni kwanyge tier gø, ki man näk mo bee aani na Wuuö Jwøk ki dëëra kiree na tïïc gø, ni bee aani na cwääc gø, a na Jwø Icriel na en kur keere.»

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 61:1

Jwïëc Kwäärö Wuuö Jwøk ena bääta, kiper Wuuö Jwøk aana jiere nee luubö mo nyään mo met caana jï jøøa can. Ni jääŋ aani nee jiy moa näk cwïnyge opädhö nee cwïnyge cøma, nee luum pät mar jøøa no omaa ki tøŋ ki jøøa no otwöö nee køba jïge,

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Odheea 11:10

'Ba uuno cäädhi køøra, a na Wuuö Jwøk, ni mära kaamar ŋuu. 'Ba kanyo mära, jiya oput öö ni dëëtge kwanynyi ki kur pänh-cäŋ.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Abakuk 3:16

Gïïögø bëët awïnynya, ni tïm dëëra ni miel, ni tïm dhaa ni kwanynyi ki lwär, ni ö dëëra ni øc piny, ni tïm tieta ni nhønhnhi. 'Ba a puta bëëtö ni cwïnya yaa cïp piny naa koora cäŋ gïï mo leth mano tägi dëët jiy moo tuk waani.

Mathiew 12:6

'Ba aani, a cäänna uuni, ni gïn mør mo dwøŋŋa eni ki Øt Jwøk Mana Dwøŋ ena kany.

Moa Tïïc Nyïïatwieli 7:50

?Aŋø, paa cera na tïïc japøgø bëët?›

Moa Tïïc Nyïïatwieli 9:6

'Ba ö maal ni ciï pääny; gïno tïïyï ocaan jïrï.»

Pilipay 2:12

Kiper manøgønø, u no omëëya, u ni wø leŋ luup cooth, beerra man putu pïëm man piem uuni ki gø tïïc no othur kare nou lwäär ni dëëtu kwanynyi, ni paa kany wø nuda buutu keere, 'ba doo beerra eni man putu gø tïïc, këël kany tøøra buutu en.

Köløcia 1:17

Ni beeye eni na nut kanya poot jammi bëët. Ni beeye eni na ö jammi bëët na kuutge ree.