Aydheea 66:19 - Wëël Jwøk

¹⁹ Ni kïtha yïthakicge ki ŋïï, ni ö moo dööŋ ni kwøw rege ni jääŋŋa ge baŋ wïth juurre; ni beege baŋ jø Tarcëc, ki jø Put, ki jø Lidiya ni wø thöödhö ka athëëre, ki jø Tubal, ki jø Jawan, ni beege jøøa en mïëya kwörge bäyö na en bäät naama dwøŋ, na näk dööŋ kar mar nyeŋŋa kärge wïnynyö na ajiem mara kärge neenø. Geni ajiem mara okøpge jï wïth juurre.

Aydheea 66:19 Iomraidhean Croise

Wïlöölö 10:13

'Ba Micram beeye na kwar jø Ludim, ki jø Anamim, ki jø Laabim, ki jø Neptalëm,

Wïlöölö 10:2

Wäät Jaapeth beege Gömër, ki Magöök, ki Madë, ki Jawan, ki Tubal, ki Möcak, ki Tëra.

Wïlöölö 10:22

Wäät Cëm beege Ilam ki Acör ki Arpakat ki Lut ka Aram.

Wïlöölö 10:4

Ni ö wäät Jawanni ni näkge beege Elica, ki Tarcëc, ki Kitim, ki Rödanim.

Wïlöölö 9:27

Beerra man ö Jwøki ni wëëk Jaapeth nyaay, ni bëëde yïth oduŋkaare mo Cëm, ni tïm Keenanni na laŋŋø marge.»

1 Luup Nyeye 1:11

'Ba Micram beeye na kwar jø Ludim, ki jø Anamim, ki jø Laabim, ki jø Neptalëm,

1 Luup Nyeye 1:7

Ni ö wäät Jawanni ni näkge beege Elica, ki Tarcëc, ki Kitim, ki Rödanim.

1 Luup Nyeye 16:24

Køpu ajieme jï wïth juurre bëët, ni køpu tïïe moe moa näk rëëma ec jï jiy bëët.

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 18:3

'Ba uuni bëët, u ni en bäät piny, ni bee u ki dëëtu ni wø bëëdö yie, kanyo ö ŋïï noo tïŋi maal ki paana en bäät kïte, oneennu, kanyo ö tuuŋŋi noo koodhi, dwøre owïnynyu.

Aydheea 18:7

'Ba noo tïme na kar kaaca, muuy di kälö jï Wuuö Jwøk, eni na wïth jammi bëët, ki baŋ jøøa bäyö na dëëtge pøøth, ni beeye wï jur mo jiy moa kwörge cärö ki moa kwörge bäyö lwäär ki gø, ni beege wï jur mo teek mo dïmö, mo ŋøøm moge oŋør nämmi. Muuy di kälö ni kïthi bäät Kïn Dhayan na näk kar bëët nyeŋ Wuuö Jwøk, eni na wïth jammi bëët.

Aydheea 2:16

ki bäät baabuure bëët moa näk mo gath, ki bäät jïëth näm bëët moa beyø.

Aydheea 29:24

'Ba jøøa näk wïthge rege cwödhö, tiet luup okwanyge, ni ö jøøa bëëdö ni ŋurö ni jïëcge pwöc.»

Aydheea 42:12

Beerra man ö geni ni pwøcge Wuuö Jwøk, ni caange ajiem mar gø jï wïth juurre mo wø bëëdö yïth mïëri moa en bäät naama dwøŋ.

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 43:6

Caana caanø jï wï-piny, ni kööa, ni ‹Cïp geni!› Ni caana gø jï tier-piny, ni kööa, ni ‹Ge kär mänï. Duu wääta ki kwöra enge yie na bäär, ni duuï nyïïa ki yïth teegi mo piny,

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:12

Ka adïëri møn, jiya öö ki kany mo bäär, ni møøk käla jï løø wï-piny ni møga käla jï løø kur pänh-cäŋ, ni ö møøki ni kälge paana cwøl ni Cinim.»

Aydheea 49:22

Man beeye dwøl mana caan Kwäärö Wuuö Jwøk, ena köö, ni «Ka adïëri møn, cera tïŋa maal bäät wïth juurre, ni tïŋa nyuudhi mara maal jï wïth juurre; ni öge ki wäätu ni käärge ka tiet jööthge, ni nyïïu käärge ka göökge.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 52:15

'Ba eni, wïth juurre mo thööth yïthge othääŋe, ni ö nyeye ni bëëtge ni dhøkge ege miiø ki luumme; kiper geni jammi moa näk kär caanø jïge jootge joodø, ni kwanyge tiet jammi moa näk kärge wïnynyö.»

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 60:9

Ka adïëri møn, wïth juurre mo wø bëëdö yïth mïëri moa en bäät naama dwøŋ, jïra oneetge, ni ö baabuure mo Tarcëc ni kwøŋge pïï, ni ge käla wäätï ki kanya bäär, ni wäätï gwet-bïrö moge ki warkie moge käärge käärö, ni ge ööa kuna wøørge Wuuö Jwøk, Jwøk marï, ni beeye Jwø Icriel na en kur keere; kiper eni ajiem mo dwøŋ acïbe jïrï.

Aydheea 62:10

U na jø Jerucalem, cou dønynyu wøk ki dhøk kiir, ni tïïyu øtjöö ni leer kiper jiy; thørru jöö nee tïme na øtjöö mo dwøŋ, ni daagu kïte yie, ni mooyu gø ki ŋïï nee ŋäc jiyi bëët.

Aydheea 65:1

«Aani, a na Wuuö Jwøk, dëëra anyoodha jï jøøa näk a kärge pëënynyö, ni ö jøøa näk a kärge manynyø ni jootge aani, ni kööa jï wï jur mo nyeŋŋa käre cwølø, ni ‹Aani en, aani en.›

Jeremaya 46:9

Wui, u na jø Ijep mo wø cäädhi ki bäät okwëënyi, ki u ni wø cäädhi ki yïth jïëth leny mo wø tut okwëënyi, pööthu maal ni rïïŋu ki geni døc kaamar ŋwïëc bøøl. Ni ö jø lenynyi mou moa teek, ni beege jø Ithiöpia ki jø Put ni wø käär kööt leny, ki jø Lidiya ni wø thöödhö ka athëëre ni pööthge nyïm.

Edhikiel 27:10

« ‹Jø Parca, ki jø Lidiya, ki jø Put, ge bëëdö ni gena jø leny dï jø leny moï, ni kööde mo leny mo wø gëëŋ dëël ki ge ki mo wø røø wïc ege lïër dëërï, ni ö nyeŋŋï ni putge gø tïŋ maal.

Edhikiel 27:13

« ‹Jø Gïrïïk, ki jø Tubal, ki jø Möcak, gena gänhnhö baŋï. Geni, laaŋe moge ki jammi moa no otïïö ki nywïënyö mana näk jwïël, agathge ki ïïni ki jap kwärö moï.

Edhikiel 30:5

« ‹Ni ö jø Kuuc ki jø Put, ki jø Lidiya, ka Arabe bëët, ki jø Libya, ki jø ŋöömma luumme tuut, ni putge 'näk na aciel ki jø Ijep.›

Edhikiel 32:26

«Nyeny Möcak ki nyeny Tubal ge ena kaace thuwø, ni bwör moge ociel bwörri mo lwaae moge dïër. Geni bëët, ge na näk kär daŋø, ge 'näk ko opëëllö kiper mana bëëtge ni mïëri ege tïïö ni lwäär.

Edhikiel 39:1

«Wär dhaanhø, caan luum ajäla man dëër Göök, ni kööï ni man beeye luumma caan Kwäärö Wuuö Jwøki, ena köö, ‹Wui, Göök, ï na kwäärö mana dwøŋ mar jø Möcak ki Tubal, ïïna jääla.

Edhikiel 39:6

Aani maac ojääŋŋa bäät ŋööm Magöök, ki bäät jø wø bëëdö yïth mïëri moa en bäät naama dwøŋ ni wø bëëdö ni bäŋ gïn lääŋge; køøre nø ŋäcge ŋääö ni bee aani na Wuuö Jwøk.

Daniel 11:18

Køøre eni nyïme løøe baŋ jø wø bëëdö bäät näm, ni mak jiy mo thööth. 'Ba kwääc lwaa leny, apääda mar gø raanynye raanynyø, ni dwøk apääda manøgø wï gø.

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Jepaniya 3:10

'Ba jiy moa en løø näp jø Kuuc løøga, ni beege jiy 'moa moa no okeethø ni wø wøør aani, geno känni jïra ki muuce.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Wëëlö Mana Göör Pøølli Baŋ Jø Röm 15:21

Kaawat mana gööri, ni «Jøøa näk gïr gø kär kwøŋ køp jïge, oneenge, ni ŋäyi ya jøøa näk gïr gø kärge kwøŋ wïnynyö.»

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,