Aydheea 66:16 - Wëël Jwøk

¹⁶ Kiper Wuuö Jwøk jiy bëët jääle jäälö ki maac ko opëëllö mare, ni ö jiyi moo nääe ni tïmge ni thööth.

Aydheea 66:16 Iomraidhean Croise

Aydheea 10:4

'Ba mano dööŋ keere nø, beeye ki man boothu nyeŋŋu yïthakic jø omak ki tøŋ, ni 'näk uuni yïthakic jiy mo othøw. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Aydheea 3:13

Wuuö Jwøk aö maal baŋ løøk, ni cuŋŋe nee luup jiy ŋøle.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 31:8

'Ba jø Aciria di nääö ko opëëllö mo paa mar dhaanhø, ni ö opëëllö manøgø ni paa mar dhaanhø enø ni thöör geni. Geni ge ba bøth ki thøw opëëllö manøgø, ni ö cwøw moge moa näk wøpe ni tïmge na jø tïïc mo wø mak ki teek.

Aydheea 34:2

Kiper gootø mar Wuuö Jwøk ena bäät wïth juurre bëët, ni wëër mare ena bäät jø leny bëët mo wïth juurre. Eni wïth jø bäät piny dïïre dïïrö na bäre; eni jø bäät piny wëëge 'näk.

Aydheea 65:12

aani, u wëëga thøw opëëllö, ni kuullu wïthu piny bëët kiper nou ŋalli; kiper kanya cwöta, u kär jïëy, ni kanya cääna, ïthu käru ciiø. Uuna tïïö ki gïï mo reyø, ni jierru gïïa näk yia ba met ki ge.»

Jeremaya 25:31

Dïŋaŋ okëët ya aŋuun piny bäre, kiper Wuuö Jwøk jïre da løøk ki wïth juurre bëët. eni mar jiy bëët ŋøle ŋølø, ni cïp jøøa reyø dho opëëllö. Luummögø caana Wuuö Jwøki.› »

Jeremaya 25:33

Kar kanyøgø jiy moo 'näk ri leny ki køør wëër mar Wuuö Jwøk, rïŋ dëëtge, bäät piny opääŋge bäre, ni tägi ka ya aŋuun piny këël aŋuunne maya. Bäŋ ŋat mo jwöŋi kiperge, ni bäŋ ŋat mo cooŋ rïŋ dëëtge kanya ciel, ni bäŋ ŋat mo koony geni; 'ba rïŋ dëëtge otïmö kaamar wär mo oker piny.

Jeremaya 45:5

?'Ba ï na Baruk, aŋø, ï manynya gø niï bëëdï ni karï dwøŋ? Kär manynyï. Kiper ennø, a na Wuuö Jwøk, da gïn mo leth mo 'käla bäät jiy bëët; 'ba ï wëëga bødhø ki thøø kwöro cäädhï yïthge bëët.» › Luummögø caana Wuuö Jwøki.»

Jeremaya 46:15

?Aŋø, aperŋø noo ö rwaathi maru man wø lammu noo pädhe en? Eni ba cuŋŋi kare, kiper eno cöör Wuuö Jwøki piny ni pädhe.

Edhikiel 28:18

Ki køør japa reyø na tïïyï, ki gath mana tïïyï ki jöö mo määnö, karï na en kur keere awëëgï ränynyö. Kiper manøgønø, maac wëëga ööny wøk ki baŋï, ni ö maaci manøgø ni put ïïni waaŋ na bäre, ni puta ïïni tïïc na bur bäät ŋøøm nyïm jiy bëët mo wø neet ïïni.

Edhikiel 38:17

«Man beeye luumma caan Kwäärö Wuuö Jwøki, ena köö, na ‹?Aŋø, paa ïïni na cääna kipere yïth nïne moa pöödhö ki dhøk nyïïkuk 'moa mo jø Icriel? Yïth nïreke gena cäänö ki cwiiri mo thööth ki man näk mo ï tïïa tïïö nee ge tugï.

Edhikiel 5:15

'Ba kanyo jääla uuni ki køør wëër mara ni wø liel kaamar maac, ki juuk mo teek, uuno tïmö na gïr ajøøŋ na gïr ajaany, na gïr ŋwøc, ni tïmu ni uuna gïn böö wïth juurre ki ge moa en deŋŋu. Luummögø caana aani, a na Wuuö Jwøk.

Jool 3:2

aani wïth juurre bëët cooŋa kanya ciel, ni kïtha ge goor Jøcapath. Ni ööa ni caana luup ŋøl dëëtge kaace naa ena løø jiya ma jø Icriel na näk thööga, kiper beege na keeth jiya dï wïth juurre, ni ö geni na wïth juurre ni pääŋge ŋöömö mara yïthakicge keerge.

Amøc 7:4

Man thuwø beeye gïna cäŋ Wuuö Jwøki nyoothø jïra ki yi wïïa; ena jooda ni jiiŋŋa ree ki man jääl jiye ki maac. Ni ö maaci ni taal pïï moa en tiet ŋøøm ni täge ki man raany pwöth.

Neeyam 3:15

Jiy moï othöör maaci, ni ö tøŋŋi ni dïïr wïthge kaawat man wø tïïc bäänyö. Määny riï ki lwaak mo päl mo caala lwaa bäänyö, ni thööth kaamar lwaa omør.

Neeyam 3:3

Jø leny mo bäät okwëënyi ge läännö ni ge rwøya okwëënyi; no opëëlle namal, ni tøøŋi nagaaŋ. Lwaa dhaanhø mo päl di nääö, ni bëët dëëtge na athwöe piny, ni kwään dëët jiy ba thum, ni jiy moo cør kaace, tietge di cwanynyø dëëtge.

Dhekaraya 14:5

'Ba uuno reŋi ki ya aleny kïdi mana tïïe, kiper aleny kïdi mana tïïe okëët ŋööm Adhel. Uuno reŋi kaawat mana reŋu ki dïjäŋ piny mana tägö ri nïr Udhaya, nyeny Juuda. Køøre Wuuö Jwøk, Jwøk mara, eno ööi ki nyïïatwiet maal bëët na en kur keerge.