Aydheea 66:15 - Wëël Jwøk

¹⁵ Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Aydheea 66:15 Iomraidhean Croise

Aydheea 10:17

Eni na näk tar mar Icriel otïmö na maac, ni ö eni na en kur keere ni tïme na leep maac. Ni ö maaøgø ni put koodhi ko otwel mo Aciria thöör ki dïcäŋ aciel keere.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 5:28

Athëëre moge beth, na atume moge bëët ege niidø; tiet okwëënyi moge teek kaamar kïte, ni jïëth okwëënyi moge kany wø rïïŋge, tietge lwör kaamar atuunna.

Aydheea 51:20

Kiper dëët jiy moï aööl, ni bëëtge ni geno päänhnhö nyeŋ jïëthe, kaamar aŋer mo omaa ki thøøl, ni ge bëëdö ni geno omeer ki wëëc Wuuö Jwøk, ni beeye juuk mar Jwøk marï.

Jeremaya 25:37

Mïëri moa bëët jiyi yïthge ni yïthge met onikïïl ki køør wëër mar Wuuö Jwøk noo liel kaamar maac.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Jeremaya 4:3

'Ba luubö mana caan Wuuö Jwøki jï jø wø bëëdö Jerucalem ki dï Juuda bäre beeye en, ena köö, ni «Døøyu bëëtö maru mo nyään, kaamar pwödhö ma akamma mo opuur dhaanhe, mo ba pïïth dï koodhi.

Jeremaya 46:15

?Aŋø, aperŋø noo ö rwaathi maru man wø lammu noo pädhe en? Eni ba cuŋŋi kare, kiper eno cöör Wuuö Jwøki piny ni pädhe.

Edhikiel 38:17

«Man beeye luumma caan Kwäärö Wuuö Jwøki, ena köö, na ‹?Aŋø, paa ïïni na cääna kipere yïth nïne moa pöödhö ki dhøk nyïïkuk 'moa mo jø Icriel? Yïth nïreke gena cäänö ki cwiiri mo thööth ki man näk mo ï tïïa tïïö nee ge tugï.

Edhikiel 5:15

'Ba kanyo jääla uuni ki køør wëër mara ni wø liel kaamar maac, ki juuk mo teek, uuno tïmö na gïr ajøøŋ na gïr ajaany, na gïr ŋwøc, ni tïmu ni uuna gïn böö wïth juurre ki ge moa en deŋŋu. Luummögø caana aani, a na Wuuö Jwøk.

Daniel 11:40

«'Ba noo tïme na aŋuun nïne, nyeny jï løø Tier-Piny cwïny nyeny jï løø Wï-Piny di cwøbø. Køøre nyeny jï løø Wï-Piny jïëth leny mo wø tut okwëënyi, ki jø wø këëdi ki bäät okwëënyi, ki baabuure mo thööth mo leny, di kälö kaamar atuunna, ni tuk mïëri, ni baap geni kaamar jwïëö.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Odheea 8:7

Jø Icriel apïïdhö ni tïme kede ge piitha jamø, ni ö gïïa kacge ni tïme kede apwøyaweerø. Beel moa näk cuŋŋö yi pwödhö atïmö na adibøøye, ni bäŋe nyeŋ mo ege joodø. 'Ba këël møøk doo jïtö, jiy mo path puta öö ni thöörge gø.

Amøc 7:4

Man thuwø beeye gïna cäŋ Wuuö Jwøki nyoothø jïra ki yi wïïa; ena jooda ni jiiŋŋa ree ki man jääl jiye ki maac. Ni ö maaci ni taal pïï moa en tiet ŋøøm ni täge ki man raany pwöth.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Abakuk 3:8

?Wui Wuuö Jwøk, aŋø, ï wëër ka näm? ?Aŋø, cwïnyï liel ka nyeŋ näm? ?Aŋø, cwïnyï daaŋ ka näpa døøŋŋø, ni tïme niï cäädhï ka jïëth leny mo wø böödö mo wø tut okwëënyi en?

Dhekaraya 6:1

Kanyøgø aana cäŋ lwïthö maal ni jooda jïëth okwëënyi aŋween mo ööa wøk ki yïthakic kïte ariiø; 'ba kïte moøgø bëëdö kaamar nywïënyö ma jwïël.

Mathiew 22:7

Kanyøgø nyeya cwïnye aränynyö, ni jääŋ jø tøŋ moe, ni dïïr wïth dïnäge moøgø, ni waaŋ poge.

Tiet Ciik 28:20

«Wuuö Jwøk acïëni, ki kier wïc mo päl, ka ajäla, jääŋŋe jääŋŋö bäätu ki bäät tïïe bëët mo wø tïïyu, këël mano ränynyu ni laaru thumö ki køør gïïa reyø noo tïïyu kanyo weyu eni.

2 Piter 3:7

Ni poot na dwørøgø, ni piny ki maal ni nut ii, ge bëëdö ni ge bëënna maac, ni geno wiiø këël dïcäŋo ŋøl luup yie, cäŋ mano raany jø wø ba wøør Jwøk.